巴士公司可否將各路線車費調整至車費等級表上限

現時行政長官以及行政會議審批巴士公司加價申請進度緩慢
導致巴士公司經營困難

繼而自行收車
影響唔少寧願俾多少少錢
都想有準時，優質巴士服務嘅乘客

既然現有車費等級表所容許嘅車費
通常比實際收嘅車費高
巴士公司可唔可以喺等候加價申請審批期間
直接調高未達車費等級表上限嘅路線收費
增加收入
投資返落薪金同招聘車長
改善脫班問題?

我非常同意呢種做法，我一路都覺得香港公共交通收費係偏低，導致公共交通僱員一直得唔到合理嘅待遇

社會一直要求巴士公司改善服務同員工待遇，又唔肯付出相應嘅車資，實為「又要馬兒好，又要馬兒不吃草」

同日本一條流水線閒閒地200円起跳（約港幣15蚊），香港非過海跨區線收13~15蚊簡直係佛心價，當然日本係高車資下員工嘅待遇亦非常好，東京都營巴士車長平均年收入達764萬円（即每月約港幣48000）

平時多客都叫可以收支平衡賺到錢，而家疫情時間少客根本難以維持正常班次，偏偏社會又要求巴士公司繼續以佛心價載空氣，是否荒謬?

據我觀察，部份流水線夜間乘客全程只得十幾個，呢十幾個乘客嘅車資連車長份人工都未夠比，莫講話油費雜費等等

當然疫情下每班車迫爆人亦非常之唔理想，但係係如此低廉嘅車資下巴士公司亦別無他法，為咗係巴士公司成本控制同維持社交距離避免感染之間取得平衡，我有下列建議：

一、所有巴士車資暫時調高至原有1.5倍

此舉可以使巴士載客量降低下維持合適收入，以支付額外薪金、油費等支出，加價亦直接降低市民外出意欲，減少外出受感染嘅機會

二、所有巴士暫時取消所有企位

巴士企位乘客距離極近，受感染風險較高，取消企位可同時減少巴士載客量，增加分散人群效果同迫使巴士公司加密班次

三、所有巴士路線須維持原有班次，部份人多路線需考慮加班

以原有或更頻密班次接載較少乘客，可以有效減少人群聚集，降低感染風險

而家機場線同口岸線減班停駛，大量巴士空置，相信可以利用呢D車為繁忙路線加班減低人群聚集

首先,日本最低工資時薪達65港元
仲未計大部分商品有銷售稅(當然
香港好多商品/服務都係間接付地價
成本,最大問題係落政府庫房比例低)

仲有雖然我未去過日本,
但當地雙層巴士應該唔常見?
即係話一名車長服務乘客嘅比例
同香港差得遠,個別路線夜間開部
雙層但得十幾個客,呢一點與近日
晚市禁堂食有關,要算帳就搵政府傾。

減少外出意欲呢而家隨時
突襲封樓,無人應門又話爆門
按樓上意思,必要嘅出行應該免
車資啦,大部分人不會視乘車為興趣

你話我魚蛋論都好啦
可家居辦工者應減薪俾服務業/
藍領等必須到特定地點工作者作抵償
再唔係,私家車牌費金額由年費改為每月
徵收,直接用於增巴士車長薪金,間接減緩
塞車致脫班,問題係反對嘅聲音唔會細。

上調車資1.5倍我就部分同意
但至少本身10蚊祗可加少於25%
九巴81車資乘1.5,都值得保住一條
真特快,太子用青沙做慢過大埔道。

有啲係傾掂出咗界都無按法定
收盡,例如 270B A47X 又應否即
上到容許嘅最高水平? 277E 亦無
收盡法定上限,去到$18.4有無得提早
北行頭班車為06:00甚至更早? 或簡單
如改停牛池灣村便利轉西貢三寶呢?

加價僅「維持現水平」而非改善嘅
喺現刻環境真係容易被大眾所接納?
唔求加密,叫做唔收車做返表列(本屬應份)
但再脫班有足夠嚴厲嘅處罰嗎? 由誰裁定
屬道路狀況等不可抗力、或辯稱車長缺勤
壞車等,加咗價應有足夠後備資源應對嘅爭議。

968 978 過20蚊亦應凍結
有月票亦不成理由,再者兩蚊
搭車政府變相貼俾巴士公司嘅
金額大增、而機場A/E線亦需小心
處理,E33加25%即與屯門A線同價,
但我一直都贊成E線加到同區A線嘅
80%水平(A線需凍結)避免多人搭都
唔想加,仲借故減E線嚟開無用嘅A線。

取消企位嚟迫加班次
咁睇嚟加50%都抵償唔到
正如兩蚊搭車常視為政府
間接資助巴士公司,但亦唔會
因為多咗人搭而加班次,咁起碼
正價客都受惠密車咗,但正正計
完數會嘔突先至任由繁時唔夠載。

其實依家百業蕭條
如果行行都話維唔到皮而加價
社會應該會亂

巴士需求跌左
減班合理

但倒頭來,疫情搞咁耐
邊個最大責任?

確診數字再跌到低水平
應該恢復晚間堂食

只有經濟重啟,才可擺脫現有困局

調整收費上限我覺得冇問題 但如果係上晒去上限 我就唔太同意 有D路線絕對可以嘅 例如九巴2A 14 15 16 37 38A 42 276系咁 但係有D已經收得好盡 例如上面提過嘅960 968 978 又或者680 681 682 等等 過海嚟講 真係只有去九龍嘅加得 最多加多條170 至於新城 如果流水價一樣 例如10同5B一樣價 我唔介意上調

又要攞返呢個post出來
https://www.hkitalk.net/HKiTalk2/forum.php?mod=viewthread&tid=1194960&extra=page%3D1&mobile=2

極端啲以城巴S52為例
機場A線都吊鹽水都唔好話
補貼其他便宜線,按其里數法定
可收到7蚊,係現時嘅1.75倍。

問題係,逸東開06:08嗰班都可以
唔夠時間跑,無塞車位啦掛? 維修區
嘅班次近乎例遲到站,俾人投訴得多,
逸東嗰邊先捨得派第四部車穩定班次。

4蚊加到7蚊,即使僅做返現刻表列班次
不加不減,都肯定要有車喺南環路熄匙嚟
等夠鐘做下一班開返走,記住呢個加幅係要
買起埋減少東涌站返逸東嘅意欲,即係任何
一站上都係7蚊無分段。

Kj2052 發表於 2021-2-7 10:20
又要攞返呢個post出來
https://www.hkitalk.net/HKiTalk2/forum.php?mod=viewthread&tid=1194960&extra=pag ...

新巴9又點呢?
收費表上限僅比現時多一毫咁大把
好喇現價乘以1.5嘅,紅色小巴多謝晒

Kj2052 發表於 2021-2-7 10:20
又要攞返呢個post出來
https://www.hkitalk.net/HKiTalk2/forum.php?mod=viewthread&tid=1194960&extra=pag ...

新巴9又點呢?
收費表上限僅比現時多一毫咁大把
好喇現價乘以1.5嘅,紅色小巴多謝晒