【交換禮物】建議 68E/68M/268B 重組

目的

1. 釋放尖沙咀道路配額，以為其他更有需要的地區提供直達服務
2. 釋放資源，滿足元朗市來往葵涌，以及大馬路來往青衣的服務需求

詳細內容

1. 68E 改為 元朗公園 <> 葵興站，不再途經青衣

往葵興站方向：
1. 元朗公園總站
⋯（原 68E 走線）⋯
16. 大欖隧道
17. 葵青劇院
18. 葵芳站巴士總站
19. 葵芳邨
20. 葵興站總站

往元朗公園方向：
1. 葵興站總站
2. 葵芳邨
3. 葵涌廣場
4. 新都會廣場
5. 大欖隧道
⋯（原 68E 走線）⋯
18. 元朗公園總站

班次：
整體班次加密至全日 15/20/30 分鐘一班

用車：
現階段維持不變，視乎客量增減，再行調整

收費：
全程 $11.1
葵青劇院往葵興站 $4.3
大欖隧道往元朗公園 $10.1
形點 I 往元朗公園 $4.3

2. 配合 68E 改動，68M 調整班次至全日 5/8/10/12/15 分鐘一班，減 2 車

3. 新增 268，朗屏站 <> 青衣站

往青衣站方向：
1. 朗屏站總站
2. 宏富苑
3. 朗屏邨珠屏樓
4. 朗屏邨總站
5. 香港家庭計劃指導會
6. 元朗喜利徑
7. 元朗谷亭街
8. 形點 II
9. 形點 I
10. 大欖隧道
11. 青華苑
12. 長亨邨
13. 青宏苑
14. 灝景灣
15. 青衣站

往朗屏站方向：
1. 青衣站
2. 長安邨安湄樓
3. 長亨邨
4. 青華苑
5. 大欖隧道
6. 形點 I
7. 又新街
8. 大棠路
9. 康樂路
10. 水邊圍邨康水樓
11. 朗屏邨悅屏樓
12. 朗屏站總站

班次：
全日 20/30 分鐘一班

用車：
派 9 車，由 68M/268B 抽調，平日需額外增派 3 車

收費：
全程 $11.1
青華苑往青衣站 $4.3
大欖隧道往朗屏站 $10.1
形點 I 往朗屏站 $4.3

4. 268B 取消服務，減 4 車（平日）/  6 車（假日）

受影響乘客

1. 十八鄉路、鳳翔路、凹頭 <> 青衣：
乘客可乘搭 68E 至大欖隧道後轉乘 268（第二程免費）或 279X

2. 朗屏、元朗 <> 尖沙咀、紅磡：
由於大部分客源已由九龍南綫接收，預計影響不大；
倘有需要，乘客可乘搭 268 至大欖隧道後轉乘 269B

後續

1. 68A 朗屏及元朗來往青衣的客源將流失至 268，
倘若可處理屯門來往青衣（57M/66M 重組？）、
大西北區內段（屯門、藍地、洪水橋 -> 元朗），
以及眾安街、大窩口往青衣城（41M/41P 重組？）的服務空缺，
68A 或可考慮恢復區域性重組前之元朗區走線（維持繞經洪福邨），
總站遷往葵涌，方便藍地、洪水橋及屏山乘客

2. 68E 或可考慮與 269M 交換用車，延長至祖堯邨，
換取後者縮短，釋放資源投放至元朗及天水圍區其他路線重組

3. 68E 仍需繞經凹頭，對元朗來往葵涌車程存在一定影響，
若 268M 可加密班次兼擴大服務範圍（加經荃灣站、大河道？），
可以考慮完全由後者取代凹頭對外功能，提升 68E 車程吸引力

全文完，歡迎討論。

青衣線仍然以青衣站止步，我個人覺得有所不足
無論 68E 又好新線 268 都好，我覺得都有需要延長惠及青衣中南

葵涌線問題
大馬路 <> 葵涌仍然係空白，其實會唔會未能平息訴求 ?
繁時直接抽 68M 車開條大馬路 <> 葵涌線會唔會容易塞住人把口 ?

離題一講
以前都提議過斬 268B
不過我就傾向將資源俾 968X 全日

GU9338 發表於 2021-2-13 20:26
青衣線仍然以青衣站止步，我個人覺得有所不足
無論 68E 又好新線 268 都好，我覺得都有需要延長惠及青衣中 ...

我諗 268 現階段未拉得上去青衣中南，因為唔夠車，
今次 68E 分拆已經有啲勉強，就算有 68M 同 268B 都只係岩岩好，
然而 268 都做唔翻 68E 最密嘅班次水平，再拉就應該唔夠車跑，
所以我傾向於第一步幫大馬路 <> 青衣提供返服務，
先解決當年就咁取消 264M 後留低嘅問題，谷大返元朗青衣塊餅，
再視乎客量增長，等九巴變啲車出嚟幫 268 加班兼延長去青衣南，
又或者青衣自己先行交車（43M？）都可以成事。

至於大馬路 <> 葵涌依然真空，原因都係呢段直車唔係今次主要目的，
而係諗辦法保留元朗南出欖隧直車之餘，做得返大馬路青衣生意，
葵涌特快算係用黎同元朗南換走青衣直車嘅條件，反正後者需求根本唔高，
依家元朗南搭 68E 嘅應該都係去欖隧轉車，但亦係因為咁而抽唔走，
上次 68F 交換 68E 都唔成事，導致元朗青衣個局膠著，
所以今次要兩面周全，做葵涌只係順手填補空缺，唔係最主要目的。

師兄繁時抽 68M 車做大馬路 <> 葵涌都值得考慮，
但如果佢哋堅持要全日，咁樣我哋嘅建議都無辦法塞住佢哋把口，
反正依家大馬路 <> 葵涌係一班都未有，不如重組之後視乎情況再算。

又或者，如果佢哋真係堅持要全日延長 68M 去葵芳，
或者可以成全佢哋，同時 68E 減 2 車，縮落荃灣食 68M 特車，
然後照樣攞走 268B 果六部車開 268，不過後續要縮 269M 去荃灣嘅話，
就應該要 268M 經楊屋道、葵福路同葵芳拉入祖堯補位，
雖然到時可以做翻楊屋道出欖隧嘅位，仲做多咗葵福路，
不過一來唔知可以響邊度搵單層加落 268M，二來欖隧葵涌特快就做唔到，
三來就荔景及祖堯黎講，做形點同大馬路擦邊應該會好過峻巒止步。

最後到 968X 全日，我諗大方向都係抽 968 車去做，
極其量都係搵 68 找數，不過峻巒出形點得返 68F 未知會唔會有問題 ⋯⋯

SE7378 發表於 2021-2-13 23:38
我諗 268 現階段未拉得上去青衣中南，因為唔夠車，
今次 68E 分拆已經有啲勉強，就算有 68M 同 268B 都只 ...

全日葵涌線就算啦，成個欖轉係度

至於青衣線，作為既得利益者都想有返大馬路直車，不過資源運用上我傾向 68X 268X 呢堆長途線加 68E 279X 回水轉乘，好過青衣方向要死等一條 68M 再轉，如果仲係擔心欖隧食西北風，我會想 68E 加到 20 分班

park yoho 得返 68F 係一定會出事，間中入元朗都見過唔少次 68/F ASC 企住出入 ......

GU9338 發表於 2021-2-14 10:05
全日葵涌線就算啦，成個欖轉係度

至於青衣線，作為既得利益者都想有返大馬路直車，不過資源運用上我傾向 ...

想當年 68M 拉過一次去葵盛圍，但最後都因嚴重脫班而打回頭，
雖然依家有轉車站，但全日拉去葵涌仍有可能造成元朗荃灣班次不穩，
所以我都係傾向大馬路出葵涌一班都唔比，靠 68M+268 上欖隧轉車就算。

大馬路上欖隧轉車嘅選擇入面，68M 無論係班次定係收費都係最佳水平，
所以長期不勝負荷，如果開 268，收費只係貴 $1，繁時一個鐘多咗三班，
可能都幫到 68M 唔少，朗屏仲多咗上欖轉嘅平價選擇。
睇到呢度，或者你會明白 268 行大馬路嘅另一個原因，
亦唔傾向搞 68X/268X 回水轉乘，唔想令佢哋兩繁上車難度增加 ⋯⋯

至於 Park Yoho，68/68F 做聯合班次出博愛同形點應該係最佳選擇，
不過 68 服務範圍可以再擴大，或者俾朗屏邨同德業街唔使兜大馬路出形點，
而 268M，我諗到一係跟 10598C 兄建議改大循環，
回程行大河道北同象鼻山路上屯公，做埋荃灣市同紅線接駁，
一係就等錦田南新公屋落成後來回繞經，做大個基本盤。

SE7378 發表於 2021-2-14 12:01
想當年 68M 拉過一次去葵盛圍，但最後都因嚴重脫班而打回頭，
雖然依家有轉車站，但全日拉去葵涌仍有可能 ...

抱歉，早前未有睇到師兄嘅留言

對於268M近排小弟有另外嘅睇法，一來係海興路入口問題，二來係有班客真係會對準時間等268M，變成循環線乘客難掌握乘車時間，分分鐘差過唔改

所以，小弟覺得268M可以改經荃錦交匯處、大河道北，經荃灣站去荃灣西站
不過以我所知繁忙時間荃錦交匯處有時都會塞車，但小弟唔熟荃錦交匯處交通狀況，要睇下其他版友有冇補充

至於68，個人唔建議大改，而家68定線唔錯，做到曬轉乘客（來回都做到同站轉乘）同駁鐵、行街客，甚至係峻巒來往博愛醫院客，以及直到形點室內站

唯一應該做嘅嘢，係諗辦法將68F班次再就好少少，令到回程唔使兩部車拖卡嚟

至於東頭工業區，個人想開荃葵線多過開區內線，畢竟如果68繼續以呢個班次服務，對東頭工業區都係冇乜吸引力，而亦都只係同611小巴競爭

咁倒不如配合朗天路公屋發展，開一條經朗屏、東頭工業區、形點去荃葵巴士線，順便做埋葵涌去元朗形點（九巴應該都淨係關心形點，大馬路who cares？）

10598C 發表於 2021-2-20 16:12
抱歉，早前未有睇到師兄嘅留言

對於268M近排小弟有另外嘅睇法，一來係海興路入口問題，二來係有班客真係 ...

268M 咁樣改都做到紅綫接駁，而且比逆時針循環快，值得考慮。

依家個人後續諗法係改咗 68E 做元朗葵涌特快之後，
諗辦法加密到全日 20 做元朗南對外主力，全面取代 68F，
到時後者可以唔使再行元朗南，而改行大球場個邊出大馬路，
俾峻巒可以一程直達形點以外嘅元朗市，應該較理想。

東頭工業區接駁嗰度，認同 68 現時班次未如理想，
長遠要開朗屏經東頭工業區去欖轉兼出市區嘅巴士都係可取方向，
不過基於我個方案框架，可能會係上面嘅 68F 拉去朗邊，
朗屏新線荃灣止步，全日 20/30，高埔先上公路，正好進一步取代 68E。

SE7378 發表於 2021-2-20 17:52
268M 咁樣改都做到紅綫接駁，而且比逆時針循環快，值得考慮。

依家個人後續諗法係改咗 68E 做元朗葵涌特 ...

如果268M維持雙向線但來回程改經大河道北，來往峻巒至荃灣西站車程會增加約3-5分鐘
但本身268M都唔係target快，要快嘅一早去咗620，268M相反係峻巒駁西鐵最平選擇，所以車程稍為增加（未至於流失荃灣西客）但做埋荃灣市同荃灣站，應該除笨有精

至於元朗葵涌線，個人唔太想欖隧線逆走，所以小弟選擇搵朗天路公屋+朗屏去開新線，比朗屏線做曬荃灣市+葵涌兩者
朗屏線如果跟師兄計劃中荃灣止步，單靠荃灣市未必夠做得起，尤其朗屏有機會搭西鐵出荃灣西再行上去荃灣市中心，荃葵都做曬會穩陣好多

另外，贊成做大68E去取代68F元朗南角色嘅大方向
但個人覺得而家68E角色上尚算可以，並非必要開大馬路青衣新線，而家大馬路去青衣本身有68M退水轉乘，仲平過68E一蚊，想搭直車可以行去鳳庭苑搭車，反正元朗啲路唔算難行
就算開新線，都好有可能係二奶角色

至於68F改經大馬路去朗天路公屋，去比頭尾兩邊有車去元朗大馬路，個人係唔反對
不過要留意小巴609嘅反應，始終咁樣一改基本上成條線同609重疊
而且小弟亦都諗緊係咪真係要開一條大馬路線，定係一條小巴去朗屏站，經大橋街市、朗屏邨，另一條巴士/小巴線去雞地同形點

10598C 發表於 2021-2-22 11:38
如果268M維持雙向線但來回程改經大河道北，來往峻巒至荃灣西站車程會增加約3-5分鐘
但本身268M都唔係targ ...

天水圍 3M 都入葵涌，朗屏線同元南線一齊去葵涌亦未嘗不可，
不過個人傾向元南線好似上面方案咁做欖隧葵涌特快，
朗屏線就跟 269M 行法落祖堯，兼取代元南線做埋朗善邨，
咁樣元南上欖隧會快過以前，亦可放生 269M 縮線慳車。

至於點解咁想開大馬路青衣線，係因為 RDP 建議過 68E 咁改，
而用 68F 補償元朗南對外接駁，不過因為元南欖隧無咗全日而告吹，
但可推論出九巴係想俾翻大馬路青衣直車，所以就出咗呢個建議，
既可滿足大馬路青衣直車嘅願望，又可保留元南欖轉嘅全日服務。

我又唔係太擔心小巴 609 對 68F 拉入朗天路公屋兼改行大馬路嘅反應，
始終一來 68F 唔經元朗大球場，搶唔到 609 嘅客，
二來 609 唔到朗天路公屋，68F 又入唔到朗善邨內街，影響未必真係好大。

P.S. 其實未來朗天路公屋會唔會有 PTI？

SE7378 發表於 2021-2-22 17:15
天水圍 3M 都入葵涌，朗屏線同元南線一齊去葵涌亦未嘗不可，
不過個人傾向元南線好似上面方案咁做欖隧葵 ...

269M縮線慳車其實未必需要拉埋朗屏/元朗南嚟做，個人會傾向57M 269M兩者交換總站即可
畢竟兩者假假地都叫做大西北M線，而57M逆向班次返祖堯靚過269M，可以方便祖堯街坊由荃灣歸家，祖堯唔係冇著數

至於元朗南線入葵涌，其實有幾點要諗
1. 逆走係咪真係好事，個人始終唔想佢逆走
2. 葵涌特快係咪真係快咁多？定係其實下繁荃灣路塞得嚟，都唔好得去邊
當然，你問元朗南，佢地最想要應該連青衣葵涌都唔係，而係荃灣（如將68M部分班次過形點後改入元朗南，但大家都知呢個方案可能性不高）

BTW，其實68E下繁會唔會都受汀九經常性塞車影響班次穩定性？

個人始終覺得，如果好似師兄方案用九部車做一條二奶線，其實唔多划算
始終68M轉279X兩條線都唔算疏，仲平過直車一蚊，新線直車如果班次唔夠吸引，應該會有唔少乘客會繼續搭平一蚊轉車
九巴當日想開返大馬路青衣直車，但講緊都4-5年前，今日大環境好多嘢都改變咗，個人覺得大馬路至青衣線急切性，似乎唔太高
幫68E加班先都已經好唔少

至於68F延長問題，首先固然贊成峻巒要有車去大馬路，但又真係要諗，雖則68F入唔到部分內街位，但整體走線都係同609重疊
或者換句話，要諗68F延長會唔會影響609食糊位
亦都要諗，距離朗天路公屋落成其實仲有相當長一段時間，峻巒已經係入曬伙，反而朗天路公屋仲只係規劃階段，中間呢段時間68F可以點樣改善？
而朗天路公屋又係咪真係需要同68F、峻巒捆綁嚟做，定係可以分開搞？

另外，朗天路公屋會附設PTI，位置於朗天路北行，近現時御景園1座對面