新城再次繞過區議會實行永久減班：涉及新巴91 、城巴97

leo_ku 發表於 2021-2-21 14:20
你的說法係講唔通,
坐得90出灣仔都係貪一程過唔駛轉的巴士忠實鐵粉, 多7-9分鐘又點會趕客落鐵？
同樣道理 ...

你究竟明唔明白，班客仲係坐巴士係因為巴士唔比地鐵慢/唔係慢過地鐵好多，唔係淨係貪一程過咁簡單

西村搭開非繁果班師奶阿叔係好介意車程同轉車，如果要兜利東90肯定吸引力大大減低
唔該你諗吓兜利東7-9分鐘佔原本15-25分鐘車程個%有幾大

90 97 根本無可能合併，合併咗只會係得返東村班客，西村海怡班客唔會想咁短途都要兜東村，15－20分鐘嘅車程無可能加多5分鐘甚至更多，百份比嘅問題講咗好多好多次，唔好話轉592／96／99，班次唔係密，BBI唔係大晒

東村開兜西邨 定係 西邨開兜東村，兩樣嘢都冇可能發生喺90／97 身上

97 同96星期一至五夾聯合班次，早繁後行返黃竹坑下面執多少少散客，90 睇下有冇得回程兜海怡（雖然都無咩可能）

咁90上利東係假設班灣仔客唔走,如果認為兜上去會兜走客,今日呢班客都唔會係巴士死硬派,會隨時間減少,而且當日巴士公司offer合併非繁開15分一班,但唔合併就好快落30,白鴿有人講南區成堆路線減班,依家應該只係開始

kay 發表於 2021-2-21 14:59
咁90上利東係假設班灣仔客唔走,如果認為兜上去會兜走客,今日呢班客都唔會係巴士死硬派,會隨時間減少,而且當 ...

而家嘅90客絕對唔係巴士死硬派，有一定數量係睇吓90幾點有車，如果下一班要等好耐就搭地鐵，尤其海怡/大街客。減班最多只係減低呢班人搭90嘅機會，但如果90要兜利東，呢班客就會變咗連開巴士app睇90幾點有車呢個動作都唔會做。

剩返本身嘅巴士fans亦都會因為車程延長考慮轉搭地鐵，因為90兜埋利東就會慢過地鐵，再加上班次唔會開得密，兜利東冇可能唔趕客。

90班次冇得同地鐵比，依家就係靠車程唔慢所以先留到部份客。

leo_ku 發表於 2021-2-21 15:15
問題係你有咩條件同人講數？淨識發老脾話唔想合併無用，90 97條數有幾差善巴好清楚。
善巴一上場已開刀減 ...

所以咪話非繁減班， 巴士粉絲唔會走，最多只係睇app選擇搭巴士定地鐵班人會多咗機會搭地鐵，咁咪一架車多啲客囉。

兜利東，90優勢冇埋， 連巴士粉絲都會走

其實MTR通左幾年
乘客選擇開始穩定
巴士客都有佢基本盤
但可能真係唔多

而另一個佐證係36X小巴
有MTR,592
小巴又貴過晒佢地情況下
大街依然有班人落疊
即係巴士客死忠轉軑機會更細
去灣仔始終巴士方便

開30分一班趕客一定多過合併非繁開15

合併只係西邨唔著數
但嫌慢仲有592直出
咪賣個人情比利東
西邨海怡本身一條592屈機
利東96 97 99全部都係水皮
加埋班次先拍得住592