2021-2022年度葵青區巴士路線計劃 (全套文件)

sammyleung719 發表於 2021-2-27 10:46
成個上葵班人就係想936改快d，而家就係其他唔關事/搭單嘅人話要呢樣要果樣整慢晒條線。
最後連班人都人都 ...

936 一日要行上路 一日都唔會同個「快」字扯得上關係
可能就係因為咁兩年前先要改行下路返葵涌
不過唔明點解 TD 改一半唔改一半
行葵涌道之餘仲要叉隻腳入去長沙灣道

又 936 本身回程都行咗好多多餘嘅路
例如入海盈邨長沙灣道大隴街巴士總站/街市亦都唔係得我一個唱獨腳戲
cut 走晒呢堆位已經夠慳至少十分鐘  
做葵芳就一定有突啦 唔做葵芳都可以早成兩個字歸家
要快嘅話 不如爭取咗 cut 走晒上面啲位先

仲有唔見得停葵芳會成堆上葵客倒走晒
mean 啲講句 依家坐得 936 返上葵嘅
都唔會預咗快 係為咗可以一程車瞓到尾落車㗎啦
停葵芳亦都唔見得嚇到班上葵客走
(所以我覺得 936A 一早唔應該一齊行下路
行上路連埋直入和宜合道打特快牌做大佢好過)
你拎放工時間嚟比就當然係慢過上路
但四五點同入夜嘩條路暢通到呢上唔上橋都冇分別

本身上葵成堆住宅區 係注定要同其他區搭單一齊做㗎喇
除非你覺得葵芳冇人到停埋都冇價值啫
依家亦都唔會有廿年前 681 967 啲逆向運櫈歌仔唱

另外梨木樹上葵依家先有直車過海 ?
咁 336 935 仲有第二次加時前嘅 936 係咩嚟 ?
你話限時限刻就唔計嘅話 唔見得依家 936 唔係限時限刻
仲有停葵芳唔等於唔做上葵㗎喎
停葵芳吸埋 銅記同埋 930 啲客 收多幾個 $18 之餘
到時上葵叫加班都易啲 唔見得百害無一利
當然大前提要飛走晒海盈長沙灣道啦
不過依家上葵 TD 同厹都寧願喺長沙灣塞 執 $5.8 嘅雞
而唔用多一兩分鐘落葵芳收 $18 fat fat
我都係出返去算喇

Tummy 發表於 2021-2-28 01:23
936 一日要行上路 一日都唔會同個「快」字扯得上關係
可能就係因為咁兩年前先要改行下路返葵涌
不過唔明 ...

其實你講咁多野不如叫九巴/混吉正正經經拆返開935同936
到時你個光輝圍咪有得搭

我唔介意過海線非繁得30分鐘一班兼只係到灣仔

一直都話繼續一線走天涯之下,除咗改回行上路外仲可以係碧海藍天後轉去泓景臺直入下路(同順手加停光輝圍)
但佢選擇留返執長廣客而唔做下路咁做有咩辦法
而且落橋停埋葵芳令本身吸引力欠佳既936儲落既客都倒走埋,葵芳客又唔見得會so佢(點計都係慢過930)

GW4866 發表於 2021-2-28 02:52
其實你講咁多野不如叫九巴/混吉正正經經拆返開935同936
到時你個光輝圍咪有得搭

難聽啲講我都係買咗膘先焗搭㗎咋
就算依家佢去程唔停屏麗徑
我都係照行三個字上石英徑坐
可能遲下佢行返上路 我都係由打磚坪街行返嚟去

其實喺一兩年前我都有同厹反映過飛長沙灣停葵芳
祇係佢都係用官腔耍走我咋嘛
但都多謝你提一提我 我又要反映多次啦 ;P

我喺前面都講過 上葵本身一山不能藏二虎
936 搭埋四小龍先有半車過海
要厹拆多條 935 佢眞係睬我都有味 ;P
先唔計葵芳有 930
935 本身站位唔靚 (依家出港島 葵興芳上車一隻手數得晒)
而且唔見得葵芳要多條淨係到灣仔嘅綫有咩用
所以先叫 936 停葵芳咋嘛 ;P

我又唔認為 936 吸唔到葵芳客喎
當然佢啲站位係冇 930 咁靚 不過下繁就唔使塞入內街
觀感上已經贏一截 (先假定繁時都落葵芳先啦)
同埋 936 至少去到銅鑼灣
有唔少人包括上葵客 明顯都係貪一程過先坐 936
喺 黨鐵 930 紅van 都要轉至少一次車先可以由 銅 > 葵 嘅情況下
觀感上 936 停葵芳未必冇 so
而且葵芳都眞係幾多人
我都坐過唔少次頭班 935 返葵芳
葵芳廣場一個站可以落到十幾人再行入邨  

至於話倒走客我喺其他 post 同呢度都多次強調
936 停葵芳前提係一定要飛走長沙灣道雖然一加一減 936 車程都係慢
但如果可以做大 935/936A 回程 畀上葵用自己方式直接返去
都不失為一個雙贏方法
依家 935 936 936A 下繁啲班次實在太唔平衡快綫加埋淨係得三班太少

btw 其實我唔太明厹咩心態
明明都係 93 字頭
934 就擺明叼住 930X 嚟打 (係畀人打到狼狼狽狽咁啫 ;P
反而 936 就不戰而敗 由得 930 食晒葵芳啲客
hi 邊做個光輝圍就算數
畀在係其他區 一早拉咗落去插旗 ;P
同埋到時眞係落實行上路 係咪留架 936A 喺下面 ;P

HF3204@243M 發表於 2021-2-27 21:42
咁唔係應該做番大 34 佢咩?

34 本身自己都畀小巴打到霉下霉下
叫厹做返大佢眞係諗多咗
依家冇出單層 7-15 分呢啲歌仔唱
有咁多司機嘅話 厹拎晒去做長途綫 fatfat 好過啦

本身上山班客對 34 43 係好忠誠
見過無數次 89B 停正喺 34 43 站頭執雞都冇人轉駄
(但巴士仲有至少五分鐘先有車)
如果就咁抽走 43 得返架 34 做晒成條邨
(仲要 34 依家唔少車變咗做 ATSE 載客量又少咗)
厹個錢箱會直接由 $4.7/$5 變成 $0

FBI2 發表於 2021-2-27 23:56
42C固定有一班8:00由長安起載既
講番X42P開7:45,係因為龍翔道成日塞車,如果開8:00,有機會到觀塘遲過9點.
...

但事實長安最多人等42C 嘅時間係07:45-08:00，人數好明顯多過07:25-07:45 果段時間X42P+42C 加埋嘅人龍，部份人應該係返09:30，所以開多一兩班車其實真係唔過分⋯⋯

FBI2 發表於 2021-2-27 23:59
41P既車拎去做X42P,只會令41M更疏車,因為X42P車程長過41P咁多.

不過,我支持X42P改由青衣碼頭開出,經楓樹 ...

唔關事，41P 本身成個上午繁忙時間（07:00-09:00）都係用兩部車行，去程共開出五班車，41M 就繼續做15分鐘一班，如果取消咗41P嘅，就可以將兩部車抽去行一單X42P，之後咪行返41M ，唔會令到41M 喺任何時段嘅班次疏左
X42P 放青衣邨可以放青衣邨商場起載嘅啫

除咗上午繁忙時間之外，下午繁忙時間嗰幾班41P 一樣蒸發咗，應該攞嚟傾吓948 下繁拆線(P/X 分家)，否則亦唔應該過

Tummy 發表於 2021-2-28 05:32
34 本身自己都畀小巴打到霉下霉下
叫厹做返大佢眞係諗多咗
依家冇出單層 7-15 分呢啲歌仔唱

但係青衣出荃灣既線又真係要執吓喎冇理由為咗流水執唔到既啫...

所以我先至話縮到葵涌邨而唔係葵興站
起碼重可以留番葵芳流水

FBI2 發表於 2021-2-28 00:05
另外,我建議43分拆全日特快線243

243 長康至荃灣西站

大前題係荃灣路唔塞車

Tummy 發表於 2021-2-28 01:23
936 一日要行上路 一日都唔會同個「快」字扯得上關係
可能就係因為咁兩年前先要改行下路返葵涌
不過唔明 ...

其實 936 唔落葵芳係因為 930 定係厹真係想入四小龍?

如果係前者既話，恐怕條線減唔到路程...

FBI2 發表於 2021-2-28 00:03
青衣站搭番地鐵啦,出觀塘穩定8個字出到,巴士無定向,成日塞車,客量有限.

唔係下下正面對打就好既,硬鬥硬, ...

又咁講，我當然知道成件事係同地鐵硬鬥硬咁直接打喺時間上係輸蝕，但坐車其實唔係淨係睇時間，應該計overall 乘車體驗，否則朝早都唔會有客特登由九龍站行去西隧坐巴士過港島，沙市唔會有人上280X 去尖東同埋紅磡，X89D/89D 烏溪沙站應該冇人上

青衣站去計有啲車程嘅乘車體驗的確永遠都無法同地鐵鬥，例如去九龍西，44P 一定輸蝕過地鐵，去港島東，948E 除咗唔使行之外又貴又慢，只係贏咗佢唔使行香港站


但絕對唔係所有車程都一定同地鐵鬥唔贏，青衣去九龍東就係最好例子，依家東九龍返工嘅人口越來越多，觀塘線呢一兩年都越嚟越迫，連帶荃灣線其實都一樣，你試吓聽朝去坐一次地鐵由青衣站去觀塘站，根本係三程地鐵都冇位坐，否則一定要等，去到觀塘線仲要非常擠迫，出到觀塘站就簡直係惡夢，逼餐死先行到出去開源道

當948E 玩到收天價環島遊，下繁兩班車各自都有四五個客喺青衣城落車嘅時候，係咪灝景灣/盈翠就一定冇人坐巴士呢？

X42P 既然價錢同地鐵相近，時間上如果改由長安直出嘅，計埋龍翔道慢車去到觀塘應該35分鐘已經搞掂，而最重要嘅係全程有位坐，可以瞓覺，唔使企，係咪一定冇客呢？

反正X42P 嗰幾班車本身都係要開，依家改青衣邨商場開，然後上青衣站，再去長安，然後直出沙田坳道，行車時間上其實一加一減係抵消咗，九巴唔需要用額外嘅資源去彌補行車時間嘅問題，咪當係施捨幾班車俾青衣站囉，話唔定最後有人落搭呢⋯⋯

將心比心，如果每日要企足40分鐘返工，仲要最尾嗰程逼到近乎電話都玩唔到，你滿意嗎？
何況依家鐵路網擴張越嚟越犀利，遲啲過海條大水喉都冇埋，巴士公司唔可以淨係節流，都要做吓開源先得，如果下下同地鐵硬碰硬就要取消嘅，咁依家大把路線都要cut，巴士公司亦唔使做生意