議員消息 : 輕鐵計劃八月底取消 761

原帖由 shtsang 於 2006-10-5 01:08 發表

不過只係搶市中心既客,足以58系既客量多出5成以上囉.....

呢個係閣下數過人頭？
定係從哪裡得到的數字？
單重閣下之前講 506 巴士比輕鐵快
無人否定就以為可以瞞天過海、假話當真
但之後俾我既數據否定之後
又話 506 輕鐵比巴士快唔知有無 5 分鐘
足見閣下的數據完全不可信

再者
58 系比輕鐵平
竟然不能搶盡九成輕鐵客
我覺得巴士認真失敗
506 比 44 系平
竟然又失客俾小巴
我覺得巴士認真失威

記住如果輕鐵係好既話,點解市中心58系條龍會咁長架?
點解44條龍會咁長架??

這條龍就足以証明巴士及小巴的壞處

巴士、小巴散客散得慢
一架巴士黎到慢慢排隊埋站、上落客
我計過 506 在龍門居要散 25 個客
差不多要 1 分鐘
加上等埋站 30 秒
差不多要 1 分半才清到 25 個客
輕鐵上 25 個客？
10 秒都唔洗
客越多輕鐵就越有優勢

[ 本帖最後由 ahbong 於 2006-10-5 08:12 編輯 ]

今日早上學生返學時間...........
我在屯門站取單車時, 見到 506巴士站大排長龍, 估計506 巴士班次亂了. 以致大排長龍...
可見巴士服務可以因交通問題而阻延. 加上巴士班期好難預計. 始終如果有足夠輕鐵的話, 覺得506轉輕鐵是適合的.

原帖由 shtsang 於 2006-10-5 01:15 發表

呢樣都係屯天居民憎死輕鐵既地方....
呢個不知所謂既優先燈,攪到成十幾
二十架巴士過千人去等一架輕鐵幾
百人幾分鐘至十幾分鐘既時間
尤其係晌天北岩岩入伙,西鐵未通車
既同仲係720/721年代時候 ...

要大家坐在巴士上要等一次又一次長命燈會好激氣唔
出奇, 當每次見到都係輕鐵時就更加令自己視輕鐵為
自己洩忿o既對象, 繼而對輕鐵產生極度負面o既形象。
不過, 請大家冷靜去諗, 究竟輕鐵上面o既係乜o野人?
一樣係乘客。

沒有輕鐵o既時候, 宜家你要讓輕鐵過路o既時間係消失
o左, 不過到時大家就要在巴士站等巴士上客。沒有輕鐵
o既時候, 現有大部分o既輕鐵客, 咪轉晒去巴士o羅。既然
有好多人話宜家輕鐵好迫, 你估到時巴士o既情況會變成
點樣呢?

閣下一味話輕鐵點樣令巴士的行車時間增加, 又有冇考慮
過巴士同樣可以令巴士的行車時間增加呢? 我諗有唔少板友
會諗到巴士飛站呢個因素, 不過試問巴士 (尤是流水線) 又有
多少機會飛站呢? 看看九鐵 506、K51 及 K73 巴士拖卡O既現
象便略知一二。另外, 宜家少人同時有巴士及輕鐵O既地點,
現時巴士多數不用停站O既地點, 當未來沒有了輕鐵後, 巴士
飛站O既機會係咪會少O左呢?

原帖由 fw1321 於 2006-10-5 18:55 發表

閣下一味話輕鐵點樣令巴士的行車時間增加, 又有冇考慮
過巴士同樣可以令巴士的行車時間增加呢? 我諗有唔少板友
會諗到巴士飛站呢個因素, 不過試問巴士 (尤是流水線) 又有
多少機會飛站呢? 看看九鐵 506、K51 及 K73 巴士拖卡O既現
象便略知一二。另外, 宜家少人同時有巴士及輕鐵O既地點,
現時巴士多數不用停站O既地點, 當未來沒有了輕鐵後, 巴士
飛站O既機會係咪會少O左呢?

另外, 巴士排隊等埋站
都要用唔少時間

一卡輕鐵o既載客量近200人,
如果換做巴士, 要幾多部巴士呢?

所以當佢用58系來比505/507時
我都真係笑了一聲出來了....
試下俾曬市中心的客58系呀..
我諗開58系屯中返良景特車都唔知要開幾多部呀...

其實有一樣野我唔係好明，有人在另一篇文就說巴士客量幾好幾好..
但大家可以看一看被cut班cut到死的A73，同埋即將被取消的K2P的客量...
如果係好客的話，根本就唔會搞到現在的下場....
連63X同68A都有人可以話有人專登等
我次次同女朋友行完屯中等63X或68A的話，都係拎時間來搏架咋...
有冇諗過人地係專登就岩時間去等呢？
試問下十個由屯門市中心返洪水橋的乘客，有幾多個係「專登」去等63X同68A呀...
可能有人大把時間，所以唔介意「專登」去等囉..
但我女朋友就寧願搭輕鐵都唔會「專登」去等囉，起碼輕鐵平過佢多多聲先啦...

講返正題，如果廢了輕鐵的話，就單以505同507來說
唔知要開幾多班巴士先可以清到早上的客...
到頭來咪搞到屯門D內街大塞車囉...早上田景路已經多車行，轉埋做巴士咪即係想塞死田景路囉.....仲要唔只田景路塞死呀...連杯渡路呀、屯門鄉事會路同湖景路都肯定塞死曬囉...到時唔知仲有冇人會說轉巴士好呢...^^

原帖由 GD1570 於 2006-10-5 21:21 發表
所以當佢用58系來比505/507時
我都真係笑了一聲出來了....
試下俾曬市中心的客58系呀..
我諗開58系屯中返良景特車都唔知要開幾多部呀...

其實有一樣野我唔係好明，有人在另一篇文就說巴士客量幾好幾好..
...

有人話53 都可以搶到輕鐵客喎

原帖由 Andy_Chan 於 2006-10-5 08:43 發表
今日早上學生返學時間...........
我在屯門站取單車時, 見到 506巴士站大排長龍, 估計506 巴士班次亂了. 以致大排長龍...
可見巴士服務可以因交通問題而阻延. 加上巴士班期好難預計. 始終如果有足夠輕鐵的話, ...

我相信如果 506 轉回輕鐵的話
受惠於屯門站轉乘西鐵非常方便
將有更多屯門碼頭的乘客轉投西鐵

而家在屯門站轉 506
真係好天曬落雨淋！
除左架車多Ｄ位
同埋多左新墟站之外
506 巴士可說完全沒有優勝過輕鐵之處

原帖由 ahbong 於 2006-10-6 00:51 發表


我相信如果 506 轉回輕鐵的話
受惠於屯門站轉乘西鐵非常方便
將有更多屯門碼頭的乘客轉投西鐵

而家在屯門站轉 506
真係好天曬落雨淋！
除左架車多Ｄ位
同埋多左新墟站之外
506 巴士可說完全沒有優勝過輕鐵之處

我非常同意.......
每日見到屯門站等 506 巴士的乘客(尤其是學生返學), 都是大排長龍, 而且班次又難於估計.
天熱時, 這班學生要白白在猛烈的太陽晒, 天雨時, 無帶雨傘的就會白白淋濕, 有雨傘的亦難途琳濕的機會. 加上巴士這樣交通工具(尤其是短途線), o的人只會企下層, 仲要是個個都企在近車門的位置, o的人懶得去上層坐或行入車廂中間. 再加上每架巴士連企位都是只能載百多個乘客, 如果換轉為輕鐵的話, 可以載兩架巴士的乘客.
我試過搭506巴士去屯門碼頭搭船時, 只是等紅燈的時間都已經白白花了五分鐘. 但輕鐵就可以避開大部份的交通燈(以前未有輕鐵天橋時等信號的不計算在內). 可以節省因等交通燈的時間.

還宥一點, 506 巴士完全沒有優勝過輕鐵之處, 就是
1. 有些原本輕鐵有站的, 現在轉了巴士後因地理問題而沒有了, 例於: 青山村站(往友愛), 友愛站
這些原本有輕鐵站, 現在轉了巴士後沒有站的乘客(尤其是由仁濟二中, 裘錦秋的學生)想返市中心, 要行十分鐘, 仲要繞經天橋才到青雲(前工業學院)巴士站, 友愛的乘客, 要白白行到安定才有巴士站.

2. 路程比506輕鐵長
506巴士會行多一些地方(須要經青山天主教小學), 有人話經多一些地方可以方便乘客乘車, 但有沒有想過, 之前乘搭輕鐵506的乘客, 現在要花多一些時間繞經該地方而增加乘車時間.

小弟同我阿媽做過實驗:
小弟在市中心對面上506,媽咪在杯渡在614P,小弟去到龍門居時,
媽咪己經去到美樂了,小弟仲要去到美樂等長命燈添

講到巴士點好點好,
點解K2P 免費果陣都冇乜人搭?