想問連結內相片的拍攝位置是怎樣去呢？

http://www.dchome.net/viewthread ... &extra=page%3D1

請問這拍攝位置是怎樣去呢？
因為我係天后屈臣道又行唔到出去，
問路人又話要駁船先去到！

我試過影，但又影到那防波堤，
請大家賜教

你想講邊幅呀？有幾張好似係尖沙咀影過去架！

原帖由 HY671 於 2006-8-14 12:23 發表
你想講邊幅呀？有幾張好似係尖沙咀影過去架！

第一張及第三張,我相信應該無一張係尖沙咀影過去既!

樓主所示既連結內既相片應該係從銅鑼灣避風塘既防波堤上拍攝的。銅鑼灣避風塘
有三條防波堤，我姑且叫三條分別做東堤、中堤同西堤啦。如果想拍攝中環灣仔既
夜景、日落甚至過年時既煙花等，一般來說以西堤既拍攝角度係最好。而前往西堤
、中堤以及東堤最正常既方法係去到維園道海旁請那些開舢舨既艇家載你出去，佢r
地通常會收每位每程十蚊，記得同艇家約好回程時間或者問佢地拿手電號碼call佢地
去防波堤接你，如果唔係你可能無法離開。

中堤由於完全在海中心，所以坐舢舨係唯一前往方法，而東堤和西堤分別跟天后既
食環署車場和銅鑼灣遊艇會連接。曾有人表示可以進入食環署車場再爬過大約一個
人高既鐵絲網可以進入東堤，不過車場屬食環署地方，有可能被職員阻止進入，而
連接西堤既遊艇會正常情況下不會讓非會員進入，所以亦不能經遊艇會進入西堤。
不過每年過年放煙花或會有數十甚至過百人坐舢舨前往西堤(及其餘兩條堤)觀看，
放完煙花後遊艇會或會酌情開放鐵閘讓人群經遊艇會疏散往告士打道(不過放煙花之
前則絕對不會放人經佢地地方入西堤)