[討論] 經濟發展是否比環境保護重要?

原帖由 arthur 於 2006-8-14 22:38 發表
小弟認為經濟發展是比環境保護重要，因為有了經濟發展的基礎，
才有能力去談環境保護，否則，環境保護了，但經濟卻停滯不前，就沒有意思了。

從中國國內看，他們致力發展經濟，把環境暫時擱在一旁，
這使經濟 ...

你個出發點好有問題，你點解一定要將兩樣野分開發展，而唔係一同出發呢？
以大家先前既論點，冇經濟就冇可能有能力搞環保;

但係如果要搞環保，係咪代表經濟要停晒，全民食穀種？

以樓主第一句再去換個角度睇:-

小弟(我)認為環境保護是比經濟發展重要，因為有了環境保護的基礎，
才有能力去談經濟發展，否則，經濟發展了，但環境卻快到不可挽救的地步，就沒有意思了。

我地而家已經經歷左經濟發展既起步期，而我地既環境就成為左一個犧牲品。

呢個topic，同「中學生應否談戀愛？」一樣，越睇越火滾，請見諒

加入討論:

其實呢個問題, 同問: "女仔樣貌是否比內涵重要?" 差不多:
如果一個城市發展蓬勃, 經濟起飛, 但日日烏/污雲密佈, 河流黑臭, 你話好唔好?
如果一個女仔樣靚身材正, 但亳無儀態, 句句粗口, 你話佢好唔好?

有時有d野, 冇左就冇左, 唔可以話經濟發展好左, 有錢先補救, 才想想環保...
絕了種的生物, 拆掉了的歷史古城, 和臭氧層可以點補救??
很多事情, 都係摧毀容易建設難哦!

所以而定的城市發展咪要加入 Sustainable Development (可持續發展)
呢個原則, 即係要發展經濟, 同時顧及環保問題, 不影響我們下一代的權益.

今時今日, 我們的生活要有環保的 mind-set, 地球才不致衰落下去!

學樓上既板友話齋，環保定經濟，真係要睇情況。

響貧困落後既國度，你同邊個講環保都無用，三餐都未
搞得掂，人民教育水平又低，甚至可能社會秩序本身都
未安定。基本生活條件都未滿足，你仲有乜能力去支撐
到一切環保概念同政策？你又點去提升到人民既環保意
識？

環保要去到經濟發展到有一定程度既地方先有得講。因
為一切既環保理念，全部都係建基於一個穩健既經濟基
礎以至完備既社會制度先至可以計劃同推行到架。


p.s. 呢條好似某年高考中化科既口試題目，不過果條係
經濟發展同保留古蹟既取捨，同環保有少少出入。

原帖由 fokck 於 2006-8-20 00:28 發表

學樓上既板友話齋，環保定經濟，真係要睇情況。

響貧困落後既國度，你同邊個講環保都無用，三餐都未
搞得掂，人民教育水平又低，甚至可能社會秩序本身都
未安定。基本生活條件都未滿足，你仲有乜能力去支撐 ...

不過近年發展中國家許多事實證明,
自然環境遭受破壞,
將嚴重影響農業生產力,
到時國民分分鐘三餐搞唔掂.

所以應該在發展經濟的同時, 實施保護環境的政策,
教育國民環保長遠對自己有利.

根本兩樣野係好難分到先後，
最緊要的反而係睇下為政者到底有無決心去做件事。
有的，根本兩件事可以同時做而做得成的。