代朋友問:一台三軸雙層冷馬同兩軸雙層熱狗的耗油量

如題,就以一架Leyland/Volvo Olympian 11m A/C 及丹拿珍寶33尺計,每公里平均要用幾多升油?

一架Dart仔(就以珀運SPD計),每公里又要幾多$(非專利沒有免稅油)

就算是其他車款做例子都OK, Thx!

原帖由 William87A 於 2006-8-15 09:53 發表
每款車都有唔同既機械配搭,耗油量各有不同(以下數據為小弟從部份車長口中得知,只供參考).
Leyland Olympian 11m A/C(康明C+ZF4波):約4.5公里/升
Volvo Olympian 11m A/C(康明C歐一+ZF4波):約4.5公里/升
Volvo  ...

我好懷疑行唔行到咁多....
講我熟d的線...67x
官方寫一個單32.1公里......
一部D10a-AV整天行6轉,中途無補油.....夏天夜晚入油大約250升...(長期觀察下得出)
(32.1*2*6+50#)/250=1升都係行得1.74公里
(#我假設埋佢私牌開工,收工,行多50公里,照估比多佢掛??)
咁250升係計埋停燈,預早開車等其他因素,出入大的話都係1升行2公里到....
邊到可以1升行到5km...
就算全公路+平路,照估都無可能掛...

[ 本帖最後由 EH4312 於 2006-8-15 13:03 編輯 ]

原帖由 William87A 於 2006-8-15 09:53 發表
每款車都有唔同既機械配搭,耗油量各有不同(以下數據為小弟從部份車長口中得知,只供參考).
Leyland Olympian 11m A/C(康明C+ZF4波):約4.5公里/升
Volvo Olympian 11m A/C(康明C歐一+ZF4波):約4.5公里/升
Volvo  ...

同係油渣車，我自己之前部3000cc turbo 一公升都只係行得約9-10 km($0.8-$0.9/km)，
雖然話cc 大唔等如耗油量成正比上升，但而家講緊既係3000cc vs 10000cc，差別多過
兩倍!巴士點都造唔到$2 一公里吧？ 所以我好懷疑你呢個數字。

巴士司機作為司機，除非真係好心水清，又點會留意住入左幾多油行左幾多KM呢？
仲有對耗油量最大影響的因素----塞車抑或行快路，你都冇講到，咁你呢個數字係
講緊乜情況呢？

原帖由 William87A 於 2006-8-14 17:53 發表
每款車都有唔同既機械配搭,耗油量各有不同(以下數據為小弟從部份車長口中得知,只供參考).
Leyland Olympian 11m A/C(康明C+ZF4波):約4.5公里/升
Volvo Olympian 11m A/C(康明C歐一+ZF4波):約4.5公里/升
Volvo  ...

好多巴士都係冇油錶嫁WO,仲有每款巴士油缸容量都唔同,
而且巴士司機都唔需要留意行車路線,唔似得自己"渣"車咁,點會咁清楚,
仲有上斜路斜既耗油量又唔同，公路同普通路面既耗油量都唔同,如果唔係廠方講，
基本就冇可能得到一個確實既數字
但如果從公司派車既角度去睇可能都睇到少少，好似MAN全部行長途，好明顯佢向公路上既耗油量低Ｄ或者佢普通路面既耗油量較高，呢Ｄ都大約估到少少

PS:唔好當巴士司機咩都知，佢地係打份工，未必係巴迷，問個郵差佢都未知個郵票係幾時出啦，更何況而家Ｄ數據係要計出黎...

原帖由 AV385 於 2006-8-16 00:25 發表

好多巴士都係冇油錶嫁WO,仲有每款巴士油缸容量都唔同,
而且巴士司機都唔需要留意行車路線,唔似得自己"渣"車咁,點會咁清楚,
仲有上斜路斜既耗油量又唔同，公路同普通路面既耗油量都唔同,如果唔係廠方 ...

睇0黎你有少少不清楚個情況

第一，好多巴士無油錶，就算有都無刻度啦...其實車廠油槍係有個計，每次入一架巴士都會置零
，方便職員記錄每架巴士0既耗油量，巴士司機就知道0個架車一日用幾多油一0的都唔出奇。

第二，巴士司機唔需要留意行車路線？巴士司機先最瞭解行車路線，仲有私牌路線，佢0地好多都
知道全程行車里數，同埋架車行幾多轉，我都成日同佢0地計耗油量同埋條線蝕幾多錢

第三，單層MAN 0既公路耗油量一0的都唔低，只不過係低過雙層少少，單層MAN一路行公路都keep
住1,900-2,000rpm，基於波箱調校，轉數比大部份市區時間更要高，轉數越高越食油，所以用MAN
行公路都算係迫於無奈，不過愉巴MAN就唔同，用ZF波箱，行公路轉數較低，會比城巴MAN慳油

不過William87A板友0既數字就不太可信，反而$4/km就差唔多

原帖由 nwfb23 於 2006-8-15 18:17 發表


睇0黎你有少少不清楚個情況

第一，好多巴士無油錶，就算有都無刻度啦...其實車廠油槍係有個計，每次入一架巴士都會置零
，方便職員記錄每架巴士0既耗油量，巴士司機就知道0個架車一日用幾多油一0的都唔出 ...

唔使車廠油槍有油錶,每個油站支油槍都有油錶,唔使每次入一架巴士會置零,支油槍插返入個位都會置零,你未入過油,唔識唔出奇既..
知一日用幾多油有咩用,我講緊係唔準啊
即使淨係一個人自己"渣"自己部車，佢都唔可能得出一個準確既數字佢部車每升行幾多公里，更何況係兩個人"渣"一部車，仲有用一部向普通路面行走緊既車去計耗油量係完全唔準你知唔知嫁
部車既上斜同埋起動都係較耗油，計耗油量係應該以一個均速去計算嫁，即使最少站最少燈位既線，佢地每日停車開車做出既誤差都已經係一個好大既數字啦
仲有準確既耗油量指標係應該列出該款車向公路同普通路面兩個耗油量數據，一部運作緊既車根本係計算唔到,就算比你計左個數，出黎既誤差係唔可能接受嫁
仲有單憑你咁計計下就知賺蝕幾多錢，九記個ACCOUNTING炒哂佢都得啦，浪費哂Ｄ米飯,九記請左你十年唔使加價都得啦，你計得咁準...

我都唔知你明唔明我講咩就回，我講緊既比較係一部MAN佢自己向普通路面同公路既比較啊，仲有我講全部MAN行長途，好明顯講緊九記啦，咩九記買左單層MAN咩，麻煩你SEND張相黎睇下啦，

仲有咩叫$4/KM啊?而家講緊耗油量WO，應該係XX km/L WO...

原帖由 AV385 於 2006-8-16 11:12 發表

唔使車廠油槍有油錶,每個油站支油槍都有油錶,唔使每次入一架巴士會置零,支油槍插返入個位都會置零,你未入過油,唔識唔出奇既..
知一日用幾多油有咩用,我講緊係唔準啊
即使淨係一個人自己"渣"自己部車 ...

要準，請向原廠查詢，就算你向原廠查詢，佢0地個數據都係有出入或特登更改，你講0既測試方法係最正宗，
但請問我要一個營運0既巴士0既平均耗油量緊要0的，定係要一個係track測試0既數字有用0的？
樓主問0既係平均，就算同一款車，唔同機件狀況都會有不同耗油量，沒有一個絕對數字

仲有，你由頭都尾都無話係講緊九巴MAN，請你講明係九巴MAN或MAN 24.310HOCL-NLDD/R，
我自己研究MAN車，香港有咩MAN我都好清楚，城巴有MAN行高速公路你又有無諗過？成35分鐘踩盡油，
夠長途未？

有0的人鍾意用$/km，唔單止用L/KM，$/KM可以證明一架車有幾慳油，好多車書都鍾意用$/L作另一參考數據

[ 本帖最後由 nwfb23 於 2006-8-16 11:57 編輯 ]

原帖由 nwfb23 於 2006-8-15 19:56 發表


要準，請向原廠查詢，就算你向原廠查詢，佢0地個數據都係有出入或特登更改，你講0既測試方法係最正宗，
但請問我要一個營運0既巴士0既平均耗油量緊要0的，定係要一個係track測試0既數字有用0的？
樓主問0既 ...

你都幾可愛嫁wo,我第三行就打左應該問廠商,你又話問廠商,你有冇睇到我打d咩嫁
一間巴士公司向買車同該車想用向咩路線上都係應該睇哂兩個耗油量既指標，當然想用向咩路線同實際得出黎既結果可能係有分別啦
我唔講大公司,以一個普通既車主為例,佢買車都會視乎部車向雙方面既耗油程度同佢實際既需要而決定佢買咩車啦,更何況有幾千部巴士既九巴,如果你唔明白呢兩個數據對用車同買車既重要性我唔怪你,或者你未有車唔明白

你話你有同d司機一齊計,佢地"渣"咩線呢，你用既數據有冇計埋佢停左幾次車，每次停車時間，路面既情況，乘客數量，有冇拖波，有冇kick down等等等等，淨係我講呢少ｄ就已足夠令你既數據有嚴重既偏差，仲有輪胎既損耗程度，波箱油同偈油既份量同夠期未，車既入氣量，空氣中含氧量甚至乎巴士轉多少個彎或者有冇開到窗都有影響，
我唔講咁誇張，就算用同一部車，行較多公路同較多繁忙路段，耗油量保守估計最少差１０％，借問你有咩數據証明你個平均數係算平均呢?
仲有你話人地特登改，你小心ｄ人地告你，你咁樣係誹謗既人地間公司，除非你有足夠既數據証明啦

再講man，你既然對MAN咁了解，點解你會睇唔出我講緊九巴呢，全港好似得九巴係將其下所有MAN放哂向長途線咋WO，咁即係你冇細心閱讀人地講既野啦，如果你咁都認為我唔係講明既，咁我需唔而需要打明係德國猛獅啊，我驚我打德國MAN你都以為我講緊德國男人啊
呢到係討論區啊，唔係發表區啊，一係你就直接回樓主，如果你係回我文既，我廿萬個唔該你睇清楚我講緊咩先答我啦

仲有我係講緊全部啊，唔係講緊部份啊，樓主平均個兩個字你又咁斟酌，我講全部兩個字你又咁求其，你個把尺都幾隨心所欲嫁wo

仲有唔係話你用個單位唔岩wo,不過唔止股票價格可升可跌，油價都可升可跌，除非你係中東個Ｄ油商啦，係就帶"heat"下細路啦