對關於空調巴士車廂溫度低問題的回應

小弟日前以e-mail將意見和事實反映番俾佢地知,他們
也以e-mail回應了我的問題.

以下是他們的回應:
你好，多謝你的回應。

首先本會想澄清：

本會沒有在新聞稿及新聞發佈會提出「在巴士車廂立法25.5度」，
這是傳媒斷章取義的。本會只是提出在所有交通工具，用較果斷
措施，包括立法，使車廂較接近24至25度。


你也可看附上的新聞稿。另外，我們給傳媒的數據，也是很全面
的，可看附件。另外，請不要看輕那些低溫數據。還有，這些數
據其實是不少的，有些是在人滿是量度的。


本會也認同，要巴士保持２５．５度是沒有可能。但不幸地，我們
大部分數據也介乎２３度，這就是問題所在。另外，當在春末秋初，
晚上及早上，情況就更差。


有時，巴士在下午是相對熱的。但本會希望提出，地球日漸暖化，
相信你都感受到，我們是要適應地球是會越來越熱的。我們認為，
25.5度可能只是一個起步，在中午及下午，若是26至28度，也是可
接受，因為我們真的需要有忍耐26至28度的能耐。所以，我答不到
你可謂舒適，但再不讓皮膚適應，我們在未來5至10年就越來越難感
到舒適。

另外，街道酷熱，其中一個原因就是因為空調巴排放的熱氣。

25.5度是為環保及舒適取得一個平衡，說真的，25.5度總比街
上33-35度好吧。

其實，本會所有工作人員全是義工，我們均是在職或在學。我們所
做的一切全由心底出發，希望從生活的角度達到環保，以改善全球
的環境問題，正為你我的下一代著想。

希望我的回覆令你滿意。

謝謝你對環保問題的興趣!

環保觸覺

原帖由 yankids 於 2006-8-20 10:27 發表
＊想問樓主可否轉載？！
=====
>>你也可看附上的新聞稿。另外，我們給傳媒的數據，也是很全面
的，可看附件。另外，請不要看輕那些低溫數據。還有，這些數
據其實是不少的，有些是在人滿是量度的。

...

歡迎轉載,
e mail內是有他們那些低溫數據的附件,但
我不知道可不可以上傳到italk來.

原帖由 yankids 於 2006-8-20 10:27 發表
究竟係空調系統發熱....定係引擎發熱？！

環保引擎係熱Ｄ架wo..........（將燃料燒盡Ｄ？！）

如果你平時有"企正巴士車尾隔離"0既經驗
你會發覺引擎室唔係有太多熱排出
反而空調系統0個六把風扇就不停咁噴熱氣出0黎
問心講...0個0的熱氣小估計都有28度左右

原帖由 JN6854 於 2006-8-20 12:18 發表

如果你平時有"企正巴士車尾隔離"0既經驗
你會發覺引擎室唔係有太多熱排出
反而空調系統0個六把風扇就不停咁噴熱氣出0黎
問心講...0個0的熱氣小估計都有28度左右

以香港夏天的一般天氣來說，大部分時間根本氣溫就唔止 28 度，
噴出 28 度的氣體根本就唔係熱氣

唔係架﹐D 熱氣真係有成 40 幾度左右架~
果個團體響車尾度到 34-5 度﹐皆因個位置有段距離所致。

其實一架車唔同位溫度會有不同。在下層車尾，頭上好涼，屁股很熱。
車尾冷氣口好凍，但去到車頭司機位附近已好熱。
樓上就涼少少，車尾就好夠氣，但車頭就唔多夠。
人少當然無事，人多就幾難捱。
如果真要調至25.5度，我非常希望環保人士能做到一部車不同位置都是25.5度，那就非常好啦！
環保人士都應身先士卒，全力支持巴士無空調，日日坐「熱狗」。熱狗慳油，破壞地球少一些，而且有新鮮空氣〔入隧道都有風，只是溫暖少少，又不是無空氣〕。無熱狗的路線就要考慮有無一些無冷氣或夠環保的交通工具啦。
人的生活不斷進步，冷馬已是大勢所趨，鼓勵人們支持環保是非常應該，但亦要視乎情況，世事往往不是非白即黑，又何需甚麼都一刀切？

原帖由 hywonglx 於 2006-8-20 20:40 發表
熱狗慳油，破壞地球少一些

不認同。

當副偈要長期處於高轉，先至係最食油最唔環保o既。

原帖由 hywonglx 於 2006-8-20 20:40 發表
本會只是提出在所有交通工具，用較果斷
措施，包括立法，使車廂較接近24至25度。

呢個建議同一刀切將車廂調較至25度冇乜分別
即使一輛巴士內所有冷氣風口既溫度都係25度
上層同下層乘客對冷氣既感覺一樣有分別

以一架超豪為例,上層最多有59人
但係下層可以有70人(仲有下層乘客既空間較少)

況且巴士頂閘時,企係下層車頭既乘客最需要冷氣
但係巴士只係坐滿時,下層車頭既冷氣又唔需要太勁

何況佢地一直迴避車廂溫度既定義(包括係邊一部分量度)
所以呢個建議根本不切實際

25.5度是為環保及舒適取得一個平衡，說真的，25.5度總比街
上33-35度好吧。

巴士車廂不同部分就有不同既冷氣強度要求
但係環保觸覺一直迴避車廂溫度既定義(連最高/最低/平均呢幾個字眼都冇)
根本冇可能為環保及舒適取得一個平衡

其實，本會所有工作人員全是義工，我們均是在職或在學。我們所
做的一切全由心底出發，希望從生活的角度達到環保，以改善全球
的環境問題，正為你我的下一代著想。

即使環保觸覺所有工作人員都係義工
亦唔代表可以提出不切實際建議

[ 本帖最後由 nelson72A 於 2006-8-20 21:59 編輯 ]

原帖由 ATE24 於 2006-8-20 21:50 發表

不認同。

當副偈要長期處於高轉，先至係最食油最唔環保o既。

熱加唔駛拖冷氣,相比之下
停車應該可以唔駛做到咁高轉喎...

再加上拖少副冷氣自然就對比起要拖冷氣既車慳油
唔係必然咩?