[307觀點]-1：藍天行動、城門水塘十公里賽與屏風樓

政府早前高調叫環保，
但看看香港的環境問題。

不說到藍田那麼遠，
我們光是想看清維港兩岸早已變得十分困難。
維港一帶的空氣質素之差，
根本我們不需要多講，
大家都略知一二。

又記得今年第十屆香港馬拉松，
創下了十年來最多跑手不適送院的紀錄，
更不要忘記有一跑手因此喪命。

今天的城門水塘十公里跑亦不例外，
不適的十多人中，有五人需要送院，
從新聞片段中，我們看見荃灣一帶的空氣是如何的差。
灰茫茫的一片，縱然跑手有再好的體能，
相信也很難熬完全程標準的十公里賽事。

我自己從來都很覺得「環保觸覺」是一個很可笑的環保團體，
不明白其調查可以為我們增加甚麼認識，
亦不明他們的調查可以令我們關注甚麼。
但今天他們發表的調查卻是最有sense的一個，
說西九龍新填海區的樓宇採用的「屏風式」設計，
完全沒有顧及舊區的空氣流通，
結果就是把海風都阻隔得一乾二淨，
亦令舊區居民受到不同程度的影響，
由空氣流通轉差、電費增加至居民健康轉差等，
我們的城市規畫部門、政府政策局有想過嗎?

政府若要大家環保，
政府自己不帶頭做，
以諸多理由推搪其辭、不理環保團體及有心人推廣的「香港熄燈」，
甚至只是把「幻彩詠香江」推遲三分鐘都不願意，
我們又見到怎樣的決心呢?

政府規劃失誤係難辭其咎

不過市民同樣難辭其咎,
過去10年家居用電/水量增長遠超人口增長

環保唔係靠單方面努力,
政府市民都要同時背負起呢個責任

原帖由 hk_ayu 於 2006-8-20 15:41 發表
政府規劃失誤係難辭其咎

不過市民同樣難辭其咎,
過去10年家居用電/水量增長遠超人口增長

環保唔係靠單方面努力,
政府市民都要同時背負起呢個責任

你又有無研究過過去呢十年的香港氣候變化?
以前夏天去到三十三、三十四度已經可以上報紙，
但係依家三十六、三十七度都每年有幾日的時候，
又點樣可以同十年前比呢?

市民固然可以用慳電一點的電器，
有環保的習慣，
但係隨著電腦等的使用量增加，
耗電量又點會唔加呢?

原帖由 053h4 於 2006-8-20 22:44 發表
規劃時, 政府有好多野想過
包括限制樓宇高度

但發展商可勇於利用法律及條例容許下起高樓
將利潤最大化

而為什麼發展商會會傾向, 或大力支持灣仔不填海
原因是要阻礙其現有物業的價值

所以環保根本是假話

另外, 香港的污染, 是源於大陸
如果風是由大陸吹來, 根本無辦法改善

而另外, 香港的鐵路大多, 及要賣電中國大陸
中電以中國及新鐵路的電費保貼本地間接市民
使電量增加遠較人口增長多, 也使由電廠產生污染增加

其實, 市民是否應支持九龍新界的電費與港島看齊
以換取不售電中國大陸?
不過, 市民傾向開放電力市場, 以將污染轉移到中國大陸
不但平, 也不會感受到環境代價

簡單回應:
1. 淨係睇香港的樓宇密度已經知道有問題。
全球唔係咁多地方起到香港咁密，
而且個area細得來人口又多，
隨著整體生活水平上升，
要求有多一點空間都唔係過份，
偏偏幾百萬買回來的樓只係幾百呎...
而且仲要係大可以伸手問隔離借野都仲得...

2. 發電的污染
唔駛大陸吹來，
淨係香港整體規劃的問題，
已經足夠市區內的熱、廢氣污染出事。
有人話不如用多一點鐵路，
但係交通運輸只係其中一部份，
最緊要的係根本香港的面積係唔可能支撐到咁多人口，
樓又高又密，淨係通風都已經出左事，
試問點樣可能無污染?

發電返大陸?
你都識得講話污染源頭不在香港的話，
咁即係最後都會吹返落黎香港，
再加上香港「出色」的規劃，
想空氣好一點? 難矣哉。

原帖由 307 於 2006-8-21 12:27 發表
樓又高又密，淨係通風都已經出左事，
試問點樣可能無污染?

d污染唔會因為低密度而消失


其實閣下一直提倡的低密度係低成點??
係沙田大埔式, 定係美國式??

原帖由 307 於 2006-8-21 12:20 發表
你又有無研究過過去呢十年的香港氣候變化?
以前夏天去到三十三、三十四度已經可以上報紙，
但係依家三十六、三十七度都每年有幾日的時候，
又點樣可以同十年前比呢?

咁人類有冇反問點解呢幾年熱得咁快

罪魁禍首唔駛問當然係美國的汽車及中國印度的工廠


之但係咁,
越黎越熱, 冷氣又越開越多,
只係惡性循環,
再咁落去都唔係辦法

原帖由 hk_ayu 於 2006-8-21 19:33 發表



咁人類有冇反問點解呢幾年熱得咁快

罪魁禍首唔駛問當然係美國的汽車及中國印度的工廠


之但係咁,
越黎越熱, 冷氣又越開越多,
只係惡性循環,
再咁落去都唔係辦法

咁我地只好等「死」

原帖由 Wright---AVW16 於 2006-8-21 20:48 發表

咁我地只好等「死」

寧願死都唔熄冷氣??