直通運轉

香港近年好多新鐵路建成，但往往因客少而失敗收場。我認為問題有二，一係在於新鐵路車站
遠離民居(因為收地問題及希望發展上蓋搵真銀)，二在於鐵路只係接駁乘客到某個市區外圍鐵
路車站，左轉右轉之下，難以吸引乘客。

其實以東京經驗顯示，佢地響建市郊新線時，已經一早考慮直通運轉因素，就係列車先行走新
路段進入市區，之後再經沿有鐵路線直達中心區。

有人話香港市區內鐵路已經好繁忙，好難再容納新線額外列車，呢方面我部份同意。

其中我有唔同o既睇法，就係因為原有鐵路線其實係負擔新線客源，如東鐵大圍以南係負擔咁
馬鐵客，港島線係負擔緊將軍澳線客，東涌線及荃灣線係負擔緊西鐵客。如果上述路線實行
直通運轉的話，原有路線客少o左，自然可以減班以提供空間讓新線直通。

當然，我地仲有技術問題。地鐵及九鐵用不同電壓同信號系統，呢點仲可以雙電壓及雙信號
列車解決，但隧道切面而令AC車唔可以行DC路段，就係最大問題。

為此，我有以下建議：

短期可行方案：

1) 將軍澳線與港島線「直通運轉」：將軍澳線延長至上環

中期可行方案：

2) 東鐵M車遲早到期，到時將西鐵SP1900改信號及編成，然後派往東鐵。西鐵改為引入大小
同東涌線相同規格o既雙電壓列車，並響南昌站起與東涌線實施直通，總站延長至香港(及日
後o既北港島線)

長期可行方案：

增加市區中心地區路段，興建一條連接中環、金鐘、灣仔、銅鑼灣及旺角o既新鐵路線，可
能o既話最好係四線行車，以取代東鐵過海方案。此路線由旺角起分叉，西分叉線連接東涌
線，與西鐵及東涌線直通。東分叉線連接東鐵及馬鐵，與東鐵及馬鐵直通。

當然，以上只係一o的好粗淺o既意見。我想提出o既係，既然政府將來有意投資過千億去興
建一o的新線去連接新區，不如加強市區鐵路線容量其讓現有新線直達市區，咁一來減輕市
區路面繁忙，同時減輕污染；二來令新市鎮鐵路線響唔駛轉車o既情況下直達香港最繁忙o既
地區，不單加強新市鎮鐵路線o既吸引力，亦令新市鎮變得更方便，吸引更多人搬入新區。

唔知大家點睇？

據九鐵講日後南環線起好後
會引入直通運轉,
而且北環線起好後,
開沙田/大埔墟<>錦上路應該會唔少客...

ps:應貼C4板

[ 本帖最後由 Oliver_ME16 於 2006-8-21 22:44 編輯 ]

如果港鐵要搞直通運轉的話，首先要設計新型交直流通勤列車：
但現行兩鐵所用的列車尺寸不同，新型列車埋站時對準月台幕門是一件頭痛的事。

原帖由 Oliver_ME16 於 2006-8-21 22:43 發表
而且北環線起好後,
開沙田/大埔墟<>錦上路應該會唔少客..

北環線建成後
組成東西鐵內外環狀線是否可行？

原帖由 UCR683 於 2006-8-21 22:47 發表
如果港鐵要搞直通運轉的話，首先要設計新型交直流通勤列車：
但現行兩鐵所用的列車尺寸不同，新型列車埋站時對準月台幕門是一件頭痛的事。

除o左車長限界等問題外，其他部份的設計就唔洗太多ge，因為宜家都會係玩(交)直交傳動。
信號上的整合上大可以用錢解決。

東京即使有直通運轉,
都仍然係要轉2-3次車


同埋東京的直通運轉好多時其實只係市中心地鐵的自然伸延,
而香港的通常係2線交匯,
要客源不同路線不同的2線搞埋一齊對於班次穩定好大影響

仲有人地100年前鐵路已經好發達,
有足夠路軌做特快/直通運轉

另外假設西鐵同荃灣線玩直通運轉,
咁荃灣海皮d人變相冇左鐵路服務

[ 本帖最後由 hk_ayu 於 2006-8-21 23:45 編輯 ]

曾幾何時小弟都幻想過機鐵直通運轉(經西鐵,北環線)去落馬洲

有直通運轉當然係好事…

但係起路軌係一個大問題…
尤其係響旺區再大興土木，
一定俾人插死同埋造價都好高…

原帖由 SSBT 於 2006-8-22 11:19 發表
有直通運轉當然係好事…

但係起路軌係一個大問題…
尤其係響旺區再大興土木，
一定俾人插死同埋造價都好高…

既然東鐵計劃過海，咁其實係咪都要起中環-金鐘-灣仔-銅鑼灣-紅磡-何文田一段(要起到何文田係
因為要預早行入地底以接駁過海隧道)，所以部份造價已經係預o左。而且只要用鑽挖的話，即使
大興土木，擾民情況都可以減低。

香港近年患上近視症，只睇工程會令自己麻煩幾年，而唔睇之後o既好處。當初起地鐵用明挖時，
足足封o左半邊彌敦道好幾年，如果當時香港市民o既「民智」有今日咁「高」的話，恐怕大家由
中環過海去旺角，至少要迫一個鐘巴士...

原帖由 SSBT 於 2006-8-22 11:19 發表
有直通運轉當然係好事…

但係起路軌係一個大問題…
尤其係響旺區再大興土木，
一定俾人插死同埋造價都好高…

今日響大陸某大鐵路討論區度
睇到有樣好大膽ge做法去解決呢個問題
就係學京阪電鐵大津線咁
直頭將重鐵起上路面
好似路面電車咁響馬路度行
當然啦
再快ge列車咁樣行法就只能夠開到同叮叮一樣咁慢
但係呢樣野響香港好難效法
先撇除錢ge問題唔講
香港路面實在太多車
如果響馬路劃雙白唔俾其他車駛入
就會好似英皇道咁有好多樽頸位
令塞車問題更加嚴重
但係如果唔劃雙白線
咁列車就要同汽車一齊塞
仲會好易炒車(成抽車響馬路行好呀咋)

參考此處