suggest隧巴948線全日服務,增加新線948A

原帖由 hk_ayu 於 2006-9-7 04:28 發表



外國交通政策係中央獨裁集權式,
我唔明點解你會認為香港取消巴士線就係運吉,
外國取消/限制巴士線就得

香港的公共交通水準係世界公認優秀的,
你揾個公共交通水準咁低劣的三藩市黎講,
崇洋都要 ...

下...咩叫"你會認為香港取消巴士線就係運吉,
外國取消/限制巴士線就得"
向唔明既情況下照你意思試下答你:
咁香港取消巴士服務唔係運吉話事係邊個話事啊?
外國又唔知咩...
唉..恕我蠢啦,我真係唔明你講咩wo

外國跨市既行程都係由不同既公司負責嫁,雖然佢地最終都會由政府貼錢(就三藩市附近幾個市為例)
每一個市都有唔同既巴士公司,再由一條鐵路貫通幾個城市
我講緊既係點解人地可以做到巴士轉鐵路,鐵路又轉返巴士，而香港唔得
香港就係都要保鐵,咩都話起鐵路,起唔緊要喎，要有配套嫁，配套服務又唔好，一係細線過海，大線唔過，一係就要人日日晨運，一係個車站就山卡啦咁遠，仲有鐵路轉鐵路又冇得平，鐵路轉巴士又冇轉乘，我唔係真係住向鐵路車站裡面同埋向鐵路車站裡面返工wo,我要轉車嫁，轉一轉比多幾多錢啊?


仲有咩叫崇洋啊?!
我講三藩市叫崇洋啊?
咁閣下去食個麥記又係咪崇洋啊?
閣下著件T-shirt又係咪崇洋啊?
閣下聽下英文歌又係咪崇洋啊?
呢兩個字好有眨低本人人格成份之意囉
我而家向三藩市,咁更係拎個就手既講嫁啦
唔通我拎個重慶做比較就叫愛國啊?
我覺得閣下用"崇洋"呢個詞語好嚴重侮辱我既人格
我都係中國出世，我都係中國人，我都係黃皮膚，我身上流緊既都係中華民族既血，我雖然身在胡邦但心在漢
我向到嚴正要求閣下修改閣下既用詞，同埋尊重一下別人（你話我咩都唔緊要，你話我蠢話我白痴都好，但我係中國人，你咁講我同話我係漢奸走狗賣國賊有咩分別)

香港既運吉對巴士公司既規管已經等同於係巴士公司既話事人，引入幾多間巴士公司都冇用，最後話事人都係運吉，運吉要你問你咪開囉，運吉叫你cut車你咪cut囉，運吉叫你改路你咪改囉，但運吉做呢ｄ野唔係為巴士公司或者市民好喎，係為保鐵，等佢唔使蝕，做條數出黎比香港人睇，等ｄ香港人唔會話佢地浪費香港ｄ錢咋wo

如果由一間公司管理哂整個香港境內交通運輸
起碼第一一定有平車坐，轉乘一定更有優惠
第二巴士同鐵路或者巴士公司同巴士公司唔會做成惡性競爭，導致非法既公交有機可乘
第三巴士公司既背後仲有個運吉監管，巴士公司一樣唔可以亂黎，唔可以話開就開話cut就cut，整個公交系統上市，政府係大股東，有咩做得唔好既，政府可以隨時炒邊個都得，唔怕會有好似以前中巴個ｄ自己鐘意點就點行，成個鐘都冇班巴士既情況出現,對巴士既服務質素唔使擔心
第四向路線既發展同埋重組都更方便，對解決部份地方資源太多，部份地方太少既問題上更易解決
第五整個運輸系統都係政府資產，唔會做成偏幫一面既情況

仲有我冇支持cut巴士做鐵路，唔好歪曲我既意思
我既意思係應該用鐵路既就用鐵路，應該用巴士既就用巴士，但唔可以好似而家既運吉咁係咪都叫人搭鐵路甚至迫人搭鐵路
條鐵路係好既就自然多人搭，到時巴士公司開幾密車幾特快都冇用，你估個個都係巴迷一定要搭巴士咩...

我亦都唔明點解你會話運吉寬鬆，麻煩你拎ｄ例子出黎等大家或者係我明白下

原帖由 hk_ayu 於 2006-9-8 00:24 發表



咁上水有冇呀??

再者以外國城市咁差的公共交通,
都冇出現香港的非法巴,
好明顯係香港在監管上出現問題,
應從監管漏洞上入手

上水針住276系/44系既泥的,白牌車多的是,得閒自己觀摩下
出市區少只係因為上水大部份地方近火車站
比著新界西呢地方,試下行你果招"鐵路萬能",
睇下白牌車海會何其壯觀,莫講話距離西鐵站遠既地方,
近西鐵站既都唔荒好得去邊
誇少少講,搭西鐵出到南昌,搭白牌隨時出到尖沙咀出到觀塘囉

同埋,白牌車就同老翻一樣,唔搵出根本問題,你點捉都捉佢唔晒
而問題係好簡單:
公交比唔到乘客想要既野,巴士比唔到,鐵路更加比唔到,先會有咁多非法交通
就算冇晒合法巴士線,都迫唔到佢地去搭鐵路
有求先會有供

[ 本帖最後由 gn3509 於 2006-9-8 00:40 編輯 ]

原帖由 hk_ayu 於 2006-9-7 09:24 發表



咁上水有冇呀??

再者以外國城市咁差的公共交通,
都冇出現香港的非法邨巴,
好明顯係香港在監管上出現問題,
應從監管漏洞上入手

我岩岩先比人向隔離既討論區話276A都有非法村巴出現，咁你話有冇呢?
外國公交差唔係因為佢差所以Ｄ人駕車，係因為Ｄ人駕車，冇人搭公交，所以Ｄ公交差(你個到個個墨爾本鐵路出哂名全世界服務最一流，唔好拎Ｄ極到咁極既例子黎講)
外國冇非法村巴係因為外國地唔貴油唔貴泊車唔貴
仲有外國地方大，人口唔集中
好似我住呢到係香港兩倍咁大，但人口都唔夠一百萬
你話我知邊個會做非法村巴
香港地，可能一個屯門區已經等如人地外國一個城市咁多人，
人地ｄ非法村巴行一條村都分分鐘上爆部車，你係外國要行幾耐先夠一班人去同一個地方啊?

原帖由 hk_ayu 於 2006-9-7 08:44 發表



你覺得青衣北搭地鐵去上環係唔可行,
那麼上水天平邨/沙田禾輋邨搭火車去上環更加唔可行,
行10分鐘到火車站,尖咀轉車行一大輪, 去到中環又要轉, 去到上環又要行一大輪,
咁香港咪要開多幾10條 ...

點解唔搭東鐵隧口轉巴士呢??????貴?????
咁咪因為香港有咁多間公司,但又唔肯合作既問題囉
等香港人咪搭貴車囉
如果統一一間公司做,到時東鐵轉巴士過海可能只係而家既七成價錢已經OK LA

簡而言之，鐵路要取得壓倒性主導，
城市地勢平坦以方便興建鐵路非常重要。
東京、大阪、北京、深圳可以，
但香港明顯做不到。

我個人認為此文已經有罵戰發生，
希望大家冷靜。

原帖由 gn3509 於 2006-9-8 00:29 發表
上水針住276系/44系既泥的,白牌車多的是,得閒自己觀摩下
出市區少只係因為上水大部份地方近火車站
比著新界西呢地方,試下行你果招"鐵路萬能",
睇下白牌車海會何其壯觀,莫講話距離西鐵站遠既地方,
近西鐵站既都唔荒好得去邊

我o既原則就係：
『有鐵路就冇巴士』,
10分鐘步程為之有鐵路

呢樣野我講左千萬次

原帖由 gn3509 於 2006-9-8 00:29 發表
同埋,白牌車就同老翻一樣,唔搵出根本問題,你點捉都捉佢唔晒
而問題係好簡單:
公交比唔到乘客想要既野,巴士比唔到,鐵路更加比唔到,先會有咁多非法交通
就算冇晒合法巴士線,都迫唔到佢地去搭鐵路
有求先會有供

連276/44系又快又密都有非法交通,
咁好明顯"公交比唔到乘客想要既野,巴士比唔到"係完全唔成立

市場力量唔係大哂,
政府唔發牌已經唔會有非法交通

仲有似乎閣下冇回答我o既題問,
就係點解外國城市咁差的公共交通,
出入city又不宜渣車,
咁都冇出現香港的非法邨巴??

原帖由 AV385 於 2006-9-8 00:43 發表

點解唔搭東鐵隧口轉巴士呢??????貴?????
咁咪因為香港有咁多間公司,但又唔肯合作既問題囉
等香港人咪搭貴車囉
如果統一一間公司做,到時東鐵轉巴士過海可能只係而家既七成價錢已經OK LA

我冇反對呢點

不過呢度好多人反對統一一間公司做,
因為鐵路重疊巴士線會大幅削減,
唔知閣下又點睇

原帖由 238X 於 2006-9-8 00:45 發表
簡而言之，鐵路要取得壓倒性主導，
城市地勢平坦以方便興建鐵路非常重要。
東京、大阪、北京、深圳可以，
但香港明顯做不到。

不錯
地勢平坦方便興建鐵路

但係當鐵路已經存在時,
為何青衣北還要過海巴士??

原帖由 hk_ayu 於 2006-9-8 00:54 發表

不錯
地勢平坦方便興建鐵路

但係當鐵路已經存在時,
為何青衣北還要過海巴士??

我想是因為很多地方不是 10 分鐘步程可及吧...
根據我自己步行經驗， 948 主要服務的青衣村、
涌美路及青康路一帶均不能以 10 分鐘步程前往
青衣站或葵芳站。有錯請指正。

P.S. 948 不以長安為起點，應以何處為起點？
另外，長安西北還有幾個人口可觀的住宅，
距離地鐵站步程亦在 10 分鐘以上。

[ 本帖最後由 238X 於 2006-9-8 01:10 編輯 ]

原帖由 hk_ayu 於 2006-9-7 09:11 發表


10年咁耐先升得7萬架,
車輛數目上升係算好慢架喇,
唔好忘記人口/財富同時增長

香港地油貴泊車貴,
渣得車入中環大部分都係被迫,
個５％基本上係fix左

所以在香港將私家車數目的上升同巴士線的稍微削 ...

嘩....個10年裡面有七年金融風暴WO..
94年個時做麥記段估唔只十五蚊個鐘掛....
仲有就當人口增長同車輛數目增長成正比,但人口增長係咪又應該同巴士數量增長成正比啊?
唔係佢地呢班人口又淨係識得搭鐵路啊MA??!!
仲有"渣得車入中環大部分都係被迫",邊個迫佢?
我就當有兩萬人係被迫，借問全港仲有幾多個地區係冇公交服務，總共有冇十萬人住?
就當佢有十萬，以人口比例個十萬人中最多得三萬人係就業人口，嘩．．全港三萬人冇公交服務，有兩萬人係返中區?????佢地係唔咁老友返工都要去同一個地方啊MA??
仲有駕車去鐵路站附近泊一日再轉鐵路貴定係直接駕車去中區貴啊？？
呢個亦都係解決左閣下所謂既被迫人口焗駕車入中區既問題啦