昨 日 百 Ｘ 100% 黃 牌 一 談 .

昨 日 行 經 過 樓 下 間 百 X 超 級 市 場 , 見 到 貼 住 100% 黃 牌 的 標 語 , 咁 就 走 左 入 去 睇 啦 , 點 知 ....

好 多 貨 品 昨 日 " 黃 牌 價 " 比 平 日 重 要 貴

下 列 一 些 例 子 :

- W*ll's 雪 糕 批 平 時 原 價 $31.9 特 價 $15.9 ~ $17.9 , 昨 日 賣 $37.9
- (70-2)oC 麵 包 平 時 $4.9 昨 日 $5.9

所 謂 " 全 場 特 價 " 原 來 只 是 誤 導 消 費 者 的 手 段

歡 迎 討 論 .

百X根本就係呃一D唔係成日留意價錢o既消息者
(好似我咁)
不過我阿媽就唔會被呃得到
有時我買左D黃牌特價野返屋企
我以為平
點知比阿媽串我
話根本就係無平過wo
嗚嗚

同系o既瘋宅電器
成日都將標價定高
然後話減價
其實就係根本普遍o既行貨標準價
無平過
呃人架

我記得之前住柴灣o個陣(都有6-7年前)
宏德居o個頭有間百佳. 有一次買超值牌衛生紙
o個陣平日賣$15.9一條, 有一次用黃牌寫$15.9. (我媽咪都覺得奇怪)

另外仲出現過例減價, 即係粉紅色標貼
超值牌衛生紙一條$15.9, 三條裝$47.9, 勁無奈

原帖由 TL 於 2006-8-31 20:02 發表

黃牌正價兩大超市百X同惠X都時有出現,
所以大家每次去超市買野唔好信晒個黃牌,
要自己定期睇下超市行情!

今日見百X好多貨品都係減1,2毫或者買幾件先有得平，但惠X就見淨係賣薯片既貨架已經有幾件原價=特價的貨品出現，反而百X較少。

原帖由 TL 於 2006-8-31 20:02 發表

黃牌正價兩大超市百X同惠X都時有出現,
所以大家每次去超市買野唔好信晒個黃牌,
要自己定期睇下超市行情!

完全正確！
有好多貨係貴左好多，呢個推廣只係俾一個錯覺大家，以為好平。

小弟尋日經過皇室堡對面間惠康，入去睇左一陣，
發覺所謂減價大多都係"象徵式"減1/2毫子，
有o的更只係換左張黃色紙既原價牌，
所以大家要小心。

p.s.維他檸檬茶9包*250毫升包裝係咪新出既呢？尋日見原價賣$16.80

[ 本帖最後由 ev5774 於 2006-9-1 00:07 編輯 ]

今日在梅窩所見:
先去停車場, 再去好運來......

今日行過百x........,
又話100%黃牌?????????

頭先落去見我一見佢平就買的雅樂斯Shapes
餅，竟然比白牌時仲要貴．前幾個禮拜白牌
已經賣緊十一個幾．今次仲要有黃牌賣十二
個半，過份．．．

真係唔買開真係隋時買貴左．．．