有無板友試過去配番唔見左既「麻雀」?

有一日打牌打打下唔見左隻牌
懷疑係跌左去大櫃後面, 好難囉得到
要囉就實大工程
所以想配過隻

唔知邊度有呢d服務呢?
同埋做價大約幾多?

thanks for giving idea

旺角波鞋街尾有間專賣麻雀嘅舖頭
可能會有得配
但我就唔知價喇

如果無估錯公價係十蚊隻，通常一陣就可以拿得，預一個鐘上下。

如果想似，最好拿同款牌去做示範，如要挑番隻六筒就拿定隻六筒去，起碼師傅可以盡量就番顏色同埋字款。

謝謝。^^

而家買麻雀，通常都有四隻真真正正既「白板」牌跟埋，
如果真係要去配番隻，最好就係拎隻冇刻野既「白板」去

點解配麻雀唔係配睇背面既色水而配字既樣似唔似？

個字雕到一樣，但牌背既色差一截的話，隻牌既字雕到一樣
又有乜野用？

如果樓主副牌已用左一段時間，咁又點可以搵到一隻同樣地
牌背既色已暗啞或失去光澤？

ps 樓上既人兄真係諗得「週到」，但我想講如果佢有士啤既
牌，洗鬼上黎問人邊度有得配咩？

原帖由 HY671 於 5-9-2006 23:51 發表
如果樓主副牌已用左一段時間，咁又點可以搵到一隻同樣地
牌背既色已暗啞或失去光澤？

你都識講，如果副牌已經用左一段時間，可以去邊度搵番隻
啞色度完全一樣既一隻麻雀出黎呢？
可以答你，如果要求真係咁高既話，係冇一間雕麻雀既舖頭，
甚至係造麻雀既廠幫到樓主。

樓上既人兄真係諗得「週到」，但我想講如果佢有士啤既
牌，洗鬼上黎問人邊度有得配咩？

我地諗得週到，都唔夠你諗得更週到…
所謂既「週到」，就係你幫樓主肯定左佢套麻雀冇白板牌。

如果要求高既，都係買過副好d，好多野都難完美。

就算有原裝跟個幾隻白牌拎去配，但因為佢地唔之前唔係同其
他牌一齊用，就算配到都會明顯比其他牌新淨。

[ 本帖最後由 fai 於 2006-9-6 09:29 編輯 ]

原帖由 chickenbus 於 2006-9-6 00:33 發表

你都識講，如果副牌已經用左一段時間，可以去邊度搵番隻
啞色度完全一樣既一隻麻雀出黎呢？
可以答你，如果要求真係咁高既話，係冇一間雕麻雀既舖頭，
甚至係造麻雀既廠幫到樓主。

我想講既係當要決定配返一隻麻雀時，最基本既要求係牌背既
色水要同成副牌一樣，其次才是隻牌雕得似唔似原先果副。試
問牌背色水有出入時，未開牌已見到隻「異己」係邊，跟住邊
個摸到就其他三人都知佢有果隻牌，咁點玩呀？

呢個要求唔係「高」，而係最「基本」。所以正如你所講，根
本係好難配——若不是新牌的話。

我貼文主要想講點解有人會認為牌背唔係最基本，而係隻字雕
得似唔似。

原帖由 HY671 於 2006-9-6 09:36 發表


我想講既係當要決定配返一隻麻雀時，最基本既要求係牌背既
色水要同成副牌一樣，其次才是隻牌雕得似唔似原先果副。試
問牌背色水有出入時，未開牌已見到隻「異己」係邊，跟住邊
個摸到就其他三人都知佢有果 ...

大家板友都會直覺認為樓主會有白牌拿去配牌，咁咪無留心你所提出的重點……

當然要睇下隻牌個背面會否襯番當時色水，如果唔同，咁當然配番都無意思(可能全白或全象牙色就有機會少一點煩惱)。

題外一話，通常日本城牌唔駛一個月已經可以甩晒色，那些乜乜啤酒麻雀質素更加惡劣，要靚就起碼要去麻雀鋪買副至少三舊水的牌，襟打襟跌，水晶牌好易打到接駁位有白邊，不太建議買來常打，如果成日打建議買象牙色或墨綠色，至於保養方面，首先忌晒，另外個人不太建議經常成副牌掉到水裡清洗，因為很易令到字款甩色，最好先用清水抹淨六面，然後好似打蠟咁用碧麗珠抹齊六面，用尼龍面麻雀枱打，咁就打得最爽、最滑。

謝謝。

[ 本帖最後由 kaiyip24 於 2006-9-6 15:52 編輯 ]

題外話, 原來都ITalk都有人喜歡打麻雀