近日下午繁忙時間的筲箕灣電車

近日我發現下午約四時後，由筲箕灣開出的電車，到每個目的地
的車都是「打孖上」的，即是連開兩部上環車，接著又連開兩部
跑馬地車，如此類推；中間還會夾雜一些往堅尼地城、屈地街廠
和石塘咀的車。也即是說，筲箕灣總站每次都有至少四部電車差
不多同一時間開出。
至於反方向往筲箕灣，前天我在鵝頸橋候車時，又看到兩部電車
一起從天樂里轉出來，開往筲箕灣。
借問現時下午繁忙時間的筲箕灣車是否改了派車模式，變成「行
孖咇」？從前部分電車在那段時間到了筲箕灣後便會回西灣河廠
，但近日我看到這些車少了，大部分車都是繼續服務。不知筲箕
灣車是否加了班呢？

原帖由 ML29 於 2006-9-7 23:49 發表
借問現時下午繁忙時間的筲箕灣車是否改了派車模式，變成「行
孖咇」？從前部分電車在那段時間到了筲箕灣後便會回西灣河廠
，但近日我看到這些車少了，大部分車都是繼續服務。不知筲箕
灣車是否加了班呢？

一﹑點解有行孖咇既出現？

　　「行孖咇」係站長作風，或者要就番字軌既食飯時間，所以咪出現行孖咇情況。
　　要留意站長「大眼輝」（金黑色頭髮，唔長唔短，瘦瘦地）嗰個，
　　佢調車特別怪（好多司機同我講，話佢好衰），甚至開長明燈（去字長著），
　　當日站長可能係佢。相比之下，「孖潤腸」（鬈頭髮個女人）比較好啲，
　　正常啲，好人啲。所以有時唔使喺筲箕灣都知道係邊個做站長，一睇就睇得出。

二﹑點解下晝少咗筲箕灣返東廠（西灣河廠）既車？

　　自從７月２４號改時間後，部分Ａ車、大部分Ｂ車同全部Ｃ車都開筲箕灣
　　（請注意：唔係東廠），所以啲車去到筲箕灣總站就交間。
　　留意吓，以前邊有咁多人坐咗喺交間亭度丫？
　　（我之前有篇文係關於７月２４號改時間既，不過已經封咗，都講咗話重要囉，
　　但係都係冇乜人理，變咗喺度討論女工．．．）

三﹑筲箕灣從來冇加班，只不過喺銅鑼灣同筲箕灣同時有東面車交間既同時，
　　班次可能就會亂啲。
　　（依家都算好啦，一架車通常行兩上兩跑或者一上三跑，啱啱就鐘收工）

原帖由 4437 於 2006-9-10 01:02 發表


（我之前有篇文係關於７月２４號改時間既，不過已經封咗，都講咗話重要囉，
　　但係都係冇乜人理，變咗喺度討論女工．．．）

你上次那篇文我有很多地方其實看不明白，
我以為最主要只是改了部分字軌編號和交更
地點，想不到這樣一改影響那麼大。