無諗過今時今日的服務態度差到咁!

服務態度問題我已經唔係第一次在italk講,今次又有一間公司要講

健身中心逼客入會的投訴平均一個月睇到十幾宗
保險從業員為sale保單咒個客會有意外我亦遇過
但估唔到有時裝店為做到生意會逼客人買夠4件衫先可以結賬

話說我最近收到封e-mail,指由劉嘉玲及Sammi做代言人的V字頭、W字頭及C字頭時裝店
為了達到每日營業額目標,職員會用不友善態度對待只睇貨品,而不購買的客人
如果客人會買但只買一件的會故意留難客人,要買夠4件衫先可以結賬
最可怕的係客人要改衫,職員指交俾公司改會平o的,
其後在其他時裝店買另一批衫,因要修改,交予相熟的改衣店修改時
嚇然見到自己在該V字頭、W字頭及C字頭時裝店所買的衫會交由相熟的改衣店修改
仲要係姓名、電話都相同,感到由此至終都被該V字頭、W字頭及C字頭時裝店欺騙

對於這封e-mail有幾真我不評論(因為我係男人,好少會入女性時裝店)
但肯定的係今時今日的服務態度越來越差

我去百佳購物都經常有不友善態度對待,這是一間大公司的應有態度嗎?

各行各業應檢討待客的服務態度
否則GST未推,客源必會流失

歡迎討論

原帖由 U-157星之Kelvin 於 2006-9-10 14:58 發表
服務態度問題我已經唔係第一次在italk講,今次又有一間公司要講

健身中心逼客入會的投訴平均一個月睇到十幾宗
保險從業員為sale保單咒個客會有意外我亦遇過
但估唔到有時裝店為做到生意會逼客人買夠4件衫先可 ...

呢三間時裝店D衫其實真係唔多合十零二十幾歲的女仔著, 我女友行親
街, 就算入到商場間間入站站停, 見到呢三間野都會「飛站」, 不過她最
鍾意入, 都係馬記運動專門店(小弟東涌返工, 行Outlet多), 百份之二時裝
店(小弟也喜歡它的男裝), 肥佬黎服裝店(小弟間唔中都入下), 與劉德華
賣廣告, 以前在中環有分店變左國貨公司果間同集團賣女裝的連鎖店(小
弟對果個集團的男裝質素有保留), 重低音女裝店, 同埋旺中, 好運, 大埔廣
場那些小店.

百佳態度差真係唔係第一次聽, 不過咁, 人地一日咁多客, 做到隻狗咁,
上司又惡, 想態度好, 睇怕難少少, 加上百佳前線很多都係低技術員工,
招呼跟足公司果套, 難免生硬少少, 甚至對住外國人講中文.

有時講真, 好睇係對邊類人, 如果對住年青人, 態度一般會溫和少少, 如
果對住老人家, 大聲少少講野難免, 主因是老人家聽力較差, 這樣就給了
其他人態度差的錯覺, 今日在奧海城間波仔專門店, 個店員對老人家都
係比較大聲, 但人地又受架喎(波仔都係大公司, 它屬於陽光一代的).

[ 本帖最後由 gordon 於 2006-9-11 00:36 編輯 ]

果間同集團C字頭好似係買化妝品WOH

原帖由 U-157星之Kelvin 於 2006-9-10 02:58 PM 發表
話說我最近收到封e-mail,指由劉嘉玲及Sammi做代言人的V字頭、W字頭及C字頭時裝店
為了達到每日營業額目標,職員會用不友善態度對待只睇貨品,而不購買的客人

果間V字頭既公司我家姐以前做過，
果時佢地如果做唔夠數，
公司會要求佢地自行買番以做夠條數，
仲要捉你一大朝早去開會去「商討」點樣改善。
如果你仲係成日做唔夠數，
佢又會調你周圍走，
我家姐果時就係咁試過被調去荃灣、金鐘甚至元朗等分店。