歷史要同我算賬....

一切都係歷史遺留落黎ge混賬

3年前響PolyU讀過短暫ge果一年
因為上莊ge關係而鐘意左個女仔
明知佢已經有bf都仲要不自量力去妄圖搶過黎
但係當然徒勞無功r

後來我同佢一齊過左去CityU讀書
亦都上同一支莊
果時妄想因為近水樓台
要搶佢過黎就更加容易
於是就用更猛ge"攻勢"去同佢bf死過
但係最後個女仔同我講"我對你一D感覺都無 我鐘意果個唔會係你"

自果一刻開始
我對佢死心之餘
亦都想佢響我ge世界消失
於是響莊裡面挑起左一場人事鬥爭
設法要佢從支莊度消失
雖然最後呢個目的係達到左
但係就令整支莊都要付出唔少代價

時間過得好快
而家都已經係yr3
我亦都已經由無拖拍變有拖拍再變番無拖拍
呢段我覺得非常混賬ge回憶亦都似乎已經無再響腦海度浮現過
本來以為呢筆混賬會隨當年果場人事鬥爭而告一段落
我響hall度亦都準備好迎接全新ge未來
但係呢個時候
歷史就黎同我算賬

千算萬算都算唔到果個女仔竟然係我住緊ge呢層ge hallmate ge死黨!!!!
今日佢竟然響我響common room食宵夜時再次響我ge地頭同我ge視線範圍內出現!!!!
佢出現時我只能dup低頭一路近乎自己呃自己咁唸"我個樣都變左好多啦 千祈唔好認得我呀"
本來已經被埋藏左ge好多好多回憶一次過全部湧晒出黎
我能夠做ge
似乎除左悕憈往事之外
就只有鬧自己當年實在太戇居

唉
以後ge日子要點過呢
我真係唔知

原帖由 kychung 於 2006-9-14 04:30 發表
一切都係歷史遺留落黎ge混賬

3年前響PolyU讀過短暫ge果一年
因為上莊ge關係而鐘意左個女仔
明知佢已經有bf都仲要不自量力去妄圖搶過黎
但係當然徒勞無功r

後來我同佢一齊過左去CityU讀書
亦都上同一支莊 ...

你可以和以前日子一樣，
繼續做自己份內事，
唔好理對方的事，
在她死黨面前不要提起佢，
就得啦！

kychung 兄，可否問一句，「你究竟鍾唔鍾意佢咖？」
鍾意既冇理由怕佢出現係你眼前，而且會想見多D
唔鍾意既佢出唔出現都唔關你事啦，理佢做乜？

反而想知道當初你採取過d咩野攻擊，係咪太過激烈令雙方反晒面？

要是命中註定佢係你既，你唔攻，佢都會散咖啦！

你真係話得自己冇錯, 真係好戇居~
為o左一個女仔搞風搞雨, 仲有人肯同你做朋友你都算執到喇~

唔好話我話, 就算係男仔都會睇你唔順眼~

Year 3又點, 個樣變o左又點??
Forgive唔等於forget, 事情發生o左 (其實可以唔發生)就係發生o左~
就算你幾咁唔想提起, 人o地都未必係咁諗~

你唯一諗得o岩o既, 就係追女仔根本唔需要理對方有冇男朋友~
對方鍾意你, 就算佢有男朋友都會撲去你身邊~
對方唔鍾意你, 就算佢冇男朋友都唔會選擇你~

好可惜, 你做o既o野完全將你丁丁o既機會都徹底摧毀埋~
同人o地keep住做朋友, 難保他朝佢有一日會鍾意你~
而家, 係咁先啦~

原帖由 1815lcw 於 2006-9-17 00:44 發表
kychung 兄，可否問一句，「你究竟鍾唔鍾意佢咖？」
鍾意既冇理由怕佢出現係你眼前，而且會想見多D
唔鍾意既佢出唔出現都唔關你事啦，理佢做乜？

反而想知道當初你採取過d咩野攻擊，係咪太過激烈令雙方反晒面 ...

過左咁多年
仲有咩鐘唔鐘意呀
我對佢一早已經無感覺(係男女感情果種感覺)
不過對我黎講
要響有唔鐘意ge人出現時當佢無到
恕我做唔到

佢響支莊度消失果時
我同佢其實已經反晒面
佢甚至試過打電話爆粗鬧我
不過當年ge我已經係唸住要不顧一切達到目的
所以無影響到我對佢ge攻擊
但係對於呢D過去左ge野
到左而家我只能夠講句"歷史自有公論"
畢竟連莊都已經落左成年啦

老實講呀
而家就算佢走過黎話鐘意我
我都唔會做佢bf
畢竟我當年選擇得咁樣做
就已經知道咁樣做一定係無得返轉頭
(甚至可以講我響經歷過一段感情之後
我會選擇以後做番single會arm我多D)
何況咁ge事根本唔會發生
我只想大家以後各行各路
再唔會碰到對方就已經好好
當係我唔想響腦度再"倒帶"到果段過去啦

anyway
其實樓上ge講法我有D並唔同意
不過有D涉及價值觀ge野我都唔想同人拗咁多
又或者咁講
呢段過去我都唔想再提
如果無佢ge出現ge話
呢段過去根本就繼續封緊塵
對於已經有左結論ge過去
亦都無再拎出黎評論ge需要
畢竟家陣唔係響度考歷史
而對於以後
我唸如果佢可以當見我唔到ge話
我都繼續當見佢唔到就已經係最好ge辦法