九巴2006新車

原帖由 ASV66 於 2006-9-16 07:26 發表
D相全部炒哂既？一睇就知係初哥．

唔好話..
宜家有部份"老手"o的相都同上面有過之而無不及.

九記 2006 新車







到現時為止都係影左上面果 3 架 2006 新車

原帖由 df9321 於 2006-9-16 00:20 發表

難道影巴士相一定要影標準相先貼得 ?
人家係貼 2006 年新車 , 相中的不是 2006 年的新車嗎 ?

咁又冇人話要「標準相」先貼得, 事實上呢個版都有唔少
相唔係「標準相」, 為何那些文章又冇人出聲, 偏偏呢篇文
有咁多人出聲呢?

既然開文者有多張符合標題的相, 佢都冇需要貼晒呢幾張
出o黎o架, 貼少幾張相又有何相干呢?

根本就係而家Ｄ人睇唔起新仔唔識影相，
覺得自己好勁好威，認為自己有料串人

其實我剛剛學影相果時，出黎既「成果」
咪又係同樓主差唔多，我又係唔知醜咁
貼出黎。但係果時有冇人會上黎串我笑我？

真係唔明而家後生仔點諗野，以前既巴士
迷真係好過而家好多…

118 果張,如果冇咗個阿叔,咁就正

原帖由 chan6723 於 2006-9-16 13:26 發表
根本就係而家Ｄ人睇唔起新仔唔識影相，
覺得自己好勁好威，認為自己有料串人

其實唔鍾意睇大可以唔回，由得個 post 沉底。
定係家陣大家鍾意鬥快去插人？

老實講，如果唔係有咁多 reply，我見 title 都未必入黎睇。
又唔係傷風敗俗，只係唔岩大家心水，咁點解要爭住黎插？

原帖由 chan6723 於 2006-9-16 13:26 發表
真係唔明而家後生仔點諗野，以前既巴士
迷真係好過而家好多…

以前班巴士迷梗係好過而家啦,
起碼識得珍惜網上資源,
唔會日日用部相機snapshot完一堆鬆郁矇相就全數放上網.
貼相呢家野, 真係泥水佬做橋,
過得自己之餘都要過得人.
車阻人阻都要貼上討論區,
就預左俾人插架啦.
一係就番自己個blog.

原帖由 da54 於 2006-9-16 14:02 發表

其實唔鍾意睇大可以唔回，由得個 post 沉底。
定係家陣大家鍾意鬥快去插人？

老實講，如果唔係有咁多 reply，我見 title 都未必入黎睇。
又唔係傷風敗俗，只係唔岩大家心水，咁點解要爭住黎插？

或且大家的回應本意是希望樓主注意貼圖的質素, 而唔係
一味諗住插佢咁無聊。不過大家 (包括小弟) 都冇提出到
較有建設性的改善建議, 這對樓主的確冇乜幫助。

講番自己少少意見:

樓主貼的第一張相與第二張相角度類似, 但第一張相則有
車阻, 我覺得呢個情況下樓主可以不貼第一張相。第三相
大致沒有問題, 唯獨影相時可以觀察下鏡頭中有冇途人經
過才拍下照片; 或且思考過程中會有遠方的車輛駛近, 從而
形成車阻, 或且有機會有其他途人經過, 但影巴士相往往就
需要多些觀察, 才可減少人阻、車阻的出現。

至於第四及第五張相, 由於攝於繁忙的道路的關係, 人阻、
車阻較難避免。如果樓主較少影相的經驗, 未來有時間可以
選擇一些較少人阻及車阻的地方拍攝。

期待樓主的改進

原帖由 fw1321 於 2006-9-16 14:23 發表


或且大家的回應本意是希望樓主注意貼圖的質素, 而唔係
一味諗住插佢咁無聊。不過大家 (包括小弟) 都冇提出到
較有建設性的改善建議, 這對樓主的確冇乜幫助。

講番自己少少意見:

樓主貼的第一張相與第 ...

我覺批評冇問題
不過有d板友好似妨礙緊別人貼文o既權利

原帖由 Eddie 於 16/9/2006 03:16 PM 發表

我覺批評冇問題
不過有d板友好似妨礙緊別人貼文o既權利

同意 ，
善意批評當然冇問題，要是無批評才無進步。
不過，有板友話做乜咁都要貼出來真係過份咗 ，
要是"新手"不貼些相出來，他又點知出咗甚麼問題，
和怎樣改善下攝影的技術呢？
自問各位(小弟在內)又是曾是"新手"，
由不懂學到懂，由不熟練變到熟練呢？

但老實講，
在現實世界中做任何事，不論好壞都被人批評下就總會有，
但有些人的批評會極盡尖酸刻薄，甚至是咒罵...... ，
要是連少少的批評都受不起，又怎樣在將來於社會上立足？
而有些人作批評的用意是為被批評者好，想他經一事長一智。
所以，有一些批評總好過無，並不一定是為"插人"而批評的。

希望大家理性地想一下。