左右做人難，好煩！

又好耐冇係愛情板貼文喇！
不過今次件事就唔係發生係我身上，而係我兩個朋友上…

件事係咁既：
A (男仔) 係我大學同學，B (女仔) 係我中學同學，原本 A,B
各不相識。直到兩個月前，某日去左個舊同學屋企 BBQ，
B 用緊果個同學既電腦時，我無意中發現 A 竟然出現係
B 既 MSN contact list 上！

咁後來我都講左俾 A, B 知，佢地都知道我識得對方。去到
八月中，我睇 B 既 xanga 知道佢地傾左兩個鐘電話，我諗
住搞個 gathering，等佢地認識下大家。

之後我一直都未得閒去搞呢個 gathering，原本諗住呢個月
尾搞，點知琴日…

A 打黎，話同 B 已經拍緊拖幾個禮拜，但就係呢個星期日，
B send 左段 SMS 俾 A 話要分手，B 之後就已經唔再聽 A 的
電話，唔再覆 A 既 SMS。

咁 A, B 中間就只係得我呢個 friend 啦，A 就要我幫佢手箍煲，
但…其實我係唔贊成 A 同 B 拍拖的，因為我明知 A 係有Ｄ
唔好既性格，一定唔會係 B 杯茶。而 B 亦係 xanga 講，話
佢對 A 並唔係果種 feel…

問題係，係我立場上，我唔想幫 A 去箍煲，呢個問題我都
同另一個朋友 C (都係中學同學，同 B 都算 friend) 傾過。
佢同我講「愛情係兩個人既事」「你唔好理佢 (A) 啦！」，
但我又唔忍心由得 A 死喎，一來覺得佢都慘，唔想踩多佢r
兩腳，二來我唔想因為呢件事搞到冇得做 friend…

究竟我可以點做，先至唔會令 A 失望，但又唔會「慫恿」
A 去轟炸式地去箍煲，同埋幫住 B 既同時，又唔會係後面
搞小動作去叫 A 箍煲？

先謝。

愛情係A B二人既事，
他們有乜冬瓜豆腐由佢地解決，
你作為他們朋友，
只可以聽，不應幫助任何一方。

原帖由 chan6723 於 2006-9-20 00:24 發表
又好耐冇係愛情板貼文喇！
不過今次件事就唔係發生係我身上，而係我兩個朋友上…

件事係咁既：
A (男仔) 係我大學同學，B (女仔) 係我中學同學，原本 A,B
各不相識。直到兩個月前，某日去左個舊同學屋企 BB ...

性格不合，雙方亙不協調，導致感情缺裂。

作為他們/她們朋友，為確保大家在事件上協調，都費盡心機。通常單方都堅持自已是對，還說到對方有種種不滿，自已實在不知道幫誰。現在你只可以做，是不要插手在這件事上，以平常心態去聽，以免其中一方不滿而影響朋友友誼。

只係想講一句：箍煲？自己做返唔該

我就認為... 您可以做既事係 : 約佢地出黎 . 等佢地三口六面講清楚
作為外人, 絕對不宜添加任何自己既意見
縱使您認為係「唔好既性格」, 人地可能未必會咁認為呢?

愛情真係絕對唔可以靠人黎箍煲

你幫得佢一次，情侶鬧交係好正常既事
難保第時，佢又唔會又搵返你幫手！

又一個現實版本既電車男..

先多謝各位意見。

隔左多日，我只係同 A 講：「你要箍煲自己黎，我唔會幫你」。
不過，我覺得自己係某程度上都幫左 A，但我覺得自己已經做
錯左，因為我唔應該幫任何一方。

反而 B 那邊，呢幾日都好少同佢聯絡，我只係同佢講左：
「既然你決定左，咁算啦，我撐你！」

其實件事都仲未了結，因為 A 仲日日同我講 B 的東西，仲叫
我幫佢做呢樣做果樣，我想推，但係…我又唔好意思推卻…
我只可以口頭上答應，但實際上做另一套…