[9月30日] 粉嶺公路/ 大窩西支路貨櫃車壓私家車意外現場相片

　　昨晚因事要到大窩西支路南華圃附近一帶，所以就由九龍區驅車前往。出發前，聽到新聞指粉嶺公路近康樂園發生交通意外，原本以為只是一般的輕微碰撞，誰知當我經吐露港公路到達近廣福邨時就已經心知不妙，當時車龍已由粉嶺公路開始排至吐露港公路廣福出口。
　　用了近 20分鐘時間，好不容易才到達大埔南的公路出口，原本打算落橋經太和方向往目的地，但當我正抽頭駛出時，已見自橋下已有一串串紅光，看來橋下亦已經是交通癱瘓了，於是唯有乖乖地在公路上排隊。致地給一位家往大埔的親戚，當時他在大埔區內的街上，他指大埔區的交通，特別是主要道路，如廣福道、寶鄉橋等，都已經滿是車，就連他昨天回家的候車時間亦由平時的五分鐘內，增加至半小時。
　　再過了約 40 分鐘，鍾於到達吐酪港公路康樂園出口，一路緩慢地駛出迴旋處，到了大窩西支路口，警員上前通知大窩西支路封閉了，指示我返回粉嶺公路經和合石一方進入大窩西支路。當時，已見大窩西支路內排滿車，車龍由意外地點開始排到路口的巴士站。而我就按警員指示，經粉嶺公路由和合石一方駛入大窩西支路，但當時車龍已經很長。用了差不多半小時方到達南華圃。但因為我前往目的地就在交通龍外封鎖範圍前，所以無法通行，所以唯有將車停在一旁等候道路解封。
　　就在等候解封期間，特到在場警員批准，進入了封鎖範圍內拍了些相片。以及經各方面消息綜合指出，當時貨櫃車是在公路上向粉嶺方向行駛，但到達粉嶺公路近泰亨村時懷疑失控，像一支長長炮彈一樣向左衝破鐵絲網，飛入大窩西支路翻側，壓毀一部當時載有五人，剛在大窩西支路上向林村方向行駛的 CAMRY 私家車。意外中共有七人受傷，包括貨櫃車司機及跟車工人，其中兩日情況嚴重。以下為昨晚拍攝的有關相片︰

被壓毀的 CAMRY 私家車



翻側後被移正的貨櫃拖頭




翻側後被移正的貨櫃及拖架



意外位置及被壓毀的鐵絲網


正由另一部貨櫃拖架運走發生意外的貨櫃


警方的封鎖線內一攝


意外後被運離現場的拖架


意外後被運離現場的 CARMY 私家車


意外後被運離現場的貨櫃拖頭


＊圖片較大，請耐心等候

昨天我都經過事發現場附近，當時我由元朗經錦田公路到林錦公路交滙處，見到塞哂車，轉望上面天橋都塞哂車，以為平時禮拜六都會塞開車。點知上吐露南向時，只見到對面車龍沿沿不斷，一路去到大埔工業村出口先見龍尾，心諗一定有車禍。

果然電台新聞報導一架貨櫃車沿粉嶺公路林村附近撞車，撞落去大窩西支路度．．．

後來我又要沿路返回元朗，先知事故的我當然行下路行返去林村啦，不過好多車都知撞車，所以下路都多左好多車，但是其實下路都無路可走．．．

後來跟住一架車，原來佢取林錦到八鄉再轉返粉錦北上；因為連大窩西支路都封埋，成條北區主幹係完全癱瘓，無路可走，要去北區就只可取道粉錦或新田高速先至返到去．．．

[ 本帖最後由 tingcrab 於 2006-10-1 10:57 編輯 ]

如果唔係豐田，結果可能唔一樣．．

仲有係運走拖頭果部車，會唔會有超載之縑呢?

我出門口果陣連出面條公路都停哂車
之後問下朋友先知屋企出面好大鑊,心諗實有排塞,
出路口之前諗住走去八下咩事
點知見到有車龍,就廢事去

出面成日都有貨櫃車經過,D聲次次都好似撞車咁
估唔到整到咁大單!

尋晚行緊吐露港入粉嶺時已經見對面線幾部７０私牌出九龍
初初仲以為係佐敦旺角一帶塞車攪到咁
不過行行又見到７２Ａ私牌入大埔都已經覺得怪怪地
點知過左大埔北出口附近就開始塞
塞左半個鐘左右去到事發現場先見到原來炒到咁大鑊
岩岩經過果陣見到消防員岩岩救左兩個人出黎送上救護車
但就見到部ｃａｍｒｙ變晒型做埋開篷車
初頭都睇唔到原來部貨櫃訓晒入大窩西支路
係返屋企睇新聞先見到
慶幸既係事件中只係有人受傷

[ 本帖最後由 gk9112 於 2006-10-1 13:02 編輯 ]

本板暫時沒有規定張貼相片的大少以方便站友貼相。

但由於大size的相需較多時間下載，故建議樓主在文章標題內
加上提醒字句，讓有心登入瀏覽的板友有「心理準備」，得知
本文內有多張容量大的相片，多謝合作。

原帖由 admin71 於 2006-10-1 14:10 發表
本板暫時沒有規定張貼相片的大少以方便站友貼相。

..............

站規49條不是有規定不得大於800x600的嗎?

原帖由 Dolphin 於 2006-10-1 11:29 發表
如果唔係豐田，結果可能唔一樣．．

仲有係運走拖頭果部車，會唔會有超載之縑呢?

淨係一架拖頭又冇貨斗又冇貨
應該好輕o既啫

原帖由 homanbean 於 2006-10-1 06:30 PM 發表


淨係一架拖頭又冇貨斗又冇貨
應該好輕o既

佢有隻櫃架,唔知入面載乜
只不過事後係由另一部櫃車吊走

很不幸運，該架CAMRY正是小弟的同事，而事發時架車就借
左比佢個新牌朋友駕駛，估唔到一借車就出事，不過好彩就
無人死，如果唔係佢就唔安落囉。

原本佢重話玩埋今年唔要添(十年要驗車)，而家要提早退役lu.....