屯門區巴士司機熱話!

話說早幾日坐巴士返屋企,上車,司機就問我有無睇過個個專講屯門巴士司機行車表現的網…完全唔知咩事..願聞其詳下得知,原來網上有一個巴士迷日記,專講巴士司機行車的表現…..內容仲非常”全面”有埋滿意程度…入面仲有埋咪數….仲清楚過司機本人…點解會留傳得咁快?事緣原來係由一位寶田車長發現同人講起…再發現有大量寶田司機網上有名(其他都有,不過無咁多)..而點解令咁多司機都咁緊張?係因為當事人將司機全名,車牌全部捧上……最令該位司機憤怒的是….:[你話個網難找都話,最慘係又易找到,仲要我過左幾部車就講到我好似賽車手咁…唔知真係以為我好快…..等陣俾搞到司傅跟車就死].原來找到該網的方法非常容易…只需係hk.yahoo.com打低車長名稱即時出現該司機”簡介”…….咁又唔怪得個個司機咁火….佢初都係同幾個司機講,咁就問佢網址,佢連網址都唔比,直接叫佢打某部66車牌search就即時有,再唔係就直接打自己個名search…………..

我覺得都真係唔怪得個幾個車長咁火…我亦都好明白佢地…

首先,唔知的睇左,真係以為該車長好快,好慢,但係當時的交通情況係點?佢又無講,有時有d情況下,唔係咁易你話到你去選快,慢…抽左頭出去,唔通仲慢慢行阻住後面?

再者雖然車長個名係人都好易得知,但係真係有無必要去打晒人地全名...”工作表現”上網,係呀我坐過佢車味知佢叫咩名lor...但係而家當事人所做的..連未坐過佢車的人都知邊部車邊個...”唔通真係當自己係工作審核員?人地個份係工,你就話為興趣姐.你就he he 呵呵講完就算,人地就多左一份壓力,又驚等陣開得快又俾人上去講話快,開得慢又俾人話..

另外,雖然有司機太過火而走左去個個日記去留言,無錯,我都覺個位車長過火左…但係日記主人駛唔駛加個pop-up” "請勿偷窺本人的私人空間，否則巴士司機將會離奇被炒魷~~"你話司機走去你到留下粗口,但係你又有無諗過人地感受,自己無端端俾人係網上講…係你個個係私人空間,但係打左上網,咩叫偷窺?如果當事人係當做自己私人空間就唔好放上網,再者個個所謂私人日記,又易俾人search到.

否則巴士司機將會離奇被炒魷??係的話我就想睇下閣下有咩本事可以令車長離奇被炒魷..

小弟亦都唔怕係度講,係個個日記留言搞事的人,有d都係小弟識的車長..係度講係希望當事人諗下車長的感受…

另外主人係7/10日記中回應屯門人的言論,我覺得對呢個日記咁大反應的人,我諗好似我咁同某d巴士司機熟的話都會咁大反應..我覺得如果真係巴士迷,就唔好打人地全名又車牌出來.

有關司機小小的心聲可以睇下9/10月個個日記.

小弟係yahoo都試左幾個司機的名,果然….
大家評下..
網址:想要即可以pm問我

[ 本帖最後由 EH4312 於 2006-10-10 01:53 編輯 ]

唉

d人睇車書睇到short左
寫到好似果d咩試車短評咁以為好型

大佬.....寫還寫丫
全名車牌路線真係可免則免la

我最驚係
遲下整到屯公大碌車.....咁就多得佢唔少

原帖由 fv682 於 2006-10-10 02:18 發表
唉

d人睇車書睇到short左
寫到好似果d咩試車短評咁以為好型

大佬.....寫還寫丫
全名車牌路線真係可免則免la

我最驚係
遲下整到屯公大碌車.....咁就多得佢唔少

睇來閣下都有上過佢個日記參詳過won.

原帖由 EH4312 於 2006-10-10 03:21 發表

睇來閣下都有上過佢個日記參詳過won.

其實他有無發覺一個很重要的問題:
事件的抽樣是否對有關人士公平?

就算沒有司機資料
只要有少少"個人意見"存在
那根本就是"吹噓"

更重要的是
究竟他知不知道自己在寫甚麼?

想搵個日記真係好易,
樓主己經講左方法點去搵,
個日記主都成廿幾歲人,
都做呢D咁無聊既野...
同埋佢咁樣隨意打人地全名出黎,
有冇犯罪成份?

雖則話係私人日記, 但佢寫呢d野唔該佢加番個password

建議樓主唔好再把個網址張揚(包括找那日記的tips), 無謂鬧大件事

而家好多人做事之前唔會唸下對其他人有咩影響
唔知係自私定係根本無思考能力

佢有閒情寫日記, 寫試車報告唔係問題
但係曬個人資料上網公開, 重要話叫人可以唔睇

換轉佢(指日記主人)番工, 有個唔關事既成日睇住你做
寫埋以個人意見組成的工作表現報告重要上曬網

到時唔知佢又頂唔頂得順

亦難怪師兄愈來愈忌住巴士迷

[ 本帖最後由 s3m124 於 2006-10-10 10:02 編輯 ]

原帖由 EH4312 於 2006-10-10 03:21 發表

睇來閣下都有上過佢個日記參詳過won.

我冇呀......聽你講都估到啦
......你PM我參詳下啦^^


佢知唔知咩叫私人日記呀?
板友仲話佢廿幾歲仔呀?!
......救命

你自己BLACK AND WHITE寫完放響櫃桶底唔俾人睇
果D就叫私人日記....

網上日記都唔SET PASSWORD 或者PRIVATE 可以話係私人日記
同打劫銀行話拎番自己D錢有咩分別?

...多言了

[ 本帖最後由 fv682 於 2006-10-10 10:43 編輯 ]

Just try searching using a license number than got it... really easy to find it.

On some diary he even timed the duration for running Tuen Mun Road..

板友唔駛PM個網址喇
我打某架車既車牌就搵到喇-_-

唉

[ 本帖最後由 fv682 於 2006-10-10 15:53 編輯 ]