Triangle

Tri- 三的
-angle 角
三角也

請聽聽呢件事:
a: 男仔
b: a的女朋友
c: a的同事, 女仔黎的

話說a同b一齊已經唔短時間, 斷年計
然而最近a同埋b的關係, 因為b對a既敷衍而轉壞
例如a有家人添丁, 第一時間告之b, b竟然無乜動靜
而a戲言同b講話「我地都事不宜遲」,b更加轉移話題

c係a既同事, 之前已經同a表白過一次
而a當時一口拒絕
一男一女, 如果表左白但係又碰壁
好多時都會因為尷尬而連朋友都無得做
a為著同c繼續朋友關係
所以對c同c表白前差唔多, 甚至更好

最近, c做左唔少事, 令a覺得c要第2次向自己追求
不過今次, 時間唔同左
a對b有丁點兒「意興闌珊」
最近有一次a工作的公司搞行山, 要分組行
a同c一組, 而該組亦只得他們
他們過的時刻蠻開心

當然, 到左呢一刻
a已經完全感覺到c追求自己了
今個星期尾, c會約a去她的home整蛋糕
a同自己女朋友b講
b竟然話: 去囉, 好呀, 我宜家唔得閒, 遲d傾
似乎真係唔怕a會有任何變心想法

諸君, 如果你係a, 你會如何對待c幾日後既「蛋糕會」?
而覺得b對a如何?

Thanks for giving idea

如果我係 a，我諗我會盡可能叫埋 b 去...

除非真係變左心，否則 a 被 c 生擒就含冤莫白了...

B的回應可以被理解為對A的信任﹐
亦可以被指為漠不關心。
依2ac兄的態度﹐大概會認同後者。
若果小弟的估計正確﹐不妨從另一個角度去看看。

正所謂女追男﹐隔重紗﹐
似乎A都有移情別戀的準備﹐對嗎﹖

至於所謂敷衍﹐個人認為B可能真係未準備生兒育女。
何況樓主都話係戲言﹐若將B的回應稱之為敷衍﹐
恐怕有無限上綱之嫌。

聽罷整個故事﹐相信樓主是從A口中聽到的。
你有聽過B的想法嗎﹖

小弟的愚見是﹕
如果A根本唔會考慮C﹐可以簡單地跟C保持距離。
不然的話﹐A可以靜待C的表白才再想下一步。

c呢幾日都連續送朱古力俾a
附上memo一張
她亦有問a想食什麼蛋糕

b已經無聯絡a一日
而a亦無主動聯絡a

a的朋友同c講, 同c一起無乜問題
但係千萬唔好做些對唔住b的事
然而a的感覺好怪, 十五十六的款
以往的他, 他一定會拍心口話一定唔會
但係今次就連a自己都有擔心

c表白與否? 其實真係時間問題

至於話帶埋b去既問題
a從來無這個打算

睇黎a同b之間存在既問題並唔係外人睇到既咁簡單
可以既話真係最好盡快搞清楚大家之間既事
否則時間拖得越耐
對a、b同c黎講都冇好處

雖則話「寧教人打仔，莫教人分妻」
但係有時候長痛真係不如短痛
樂觀d 諗既話
仲更加係「舊既唔去，新既唔來」
不過呢d 野都係要a自己決定

如果b一直採取迴避,愛理不理的態度,無助於處理與a的深層隔閡.
我覺得今次a造訪c的家,正好用以測試a,b關係的溫度.
假如a兩次不同取向,引致b的反應明顯有別,某程度反映,b對a仍然著緊,尚有挽救餘地.
若事後b依然漠不關心,則a,b感情前景,殊不樂觀.

[ 本帖最後由 chrisappear 於 2006-10-11 12:22 編輯 ]

今日a繼續收到由c送的朱古力(meltykiss)
亦付上了memo

其實a宜家去留問題, 最大關鍵
就係b到底仲對自己關心著緊與否
問題要解決, 估估下當然唔得
攤出黎講都係好事黎

b亦都數天無contact a
a亦沒有主動找b
反而和c的關係緊密了

今日a唔咪好舒服
所以無返去
c大驚, 約開工時間即時打電話俾a問做乜事
a叫c幫a請假
a留在家休息, 到6點幾收工時候. c打電話俾a, 話買東西俾a食同埋探他
a允許, 而c及後探了a一會兒

相對而言, a想聯絡b too
相反如果b找a的話, 便會對她說自己今日有點不適
不過全日a都收唔到b的任何聯絡, 已經數天如是

所以今日a同c過得不錯

明天, a應該會正常投入工作
不知道今日的事, 會否進一步左右a的想法