北韓今玩火法,會唔會有戰爭嗎?

近日北韓研製核武,甚至有話核試成功,
各國作出強烈的遣責........美國會不會屈服呢?
小弟擔心一但發生戰爭,令香港經濟可能再次哀退,
真有點擔心啊
而且北韓一但用核彈特向美國,又唔知死幾十萬人......
局勢不明朗,令小弟心寒
各位板友,你對這現時局勢有什麼看法呢?
分享吧

北韓並無本事將個核彈送去過萬公里以外嘅美國, 最多都係送去
南韓、日本、俄國遠東地區又或者係中國東北.

核彈係用嚟嚇人而唔係炸人嘅, 有咗核彈, 美國反而唔敢對北韓
點樣(因為美國一對北韓開戰, 姓金嘅就會核轟炸日本赧復), 世界
反而更太平.

原帖由 daiteioh 於 2006-10-10 19:27 發表
近日北韓研製核武,甚至有話核試成功,
各國作出強烈的遣責........美國會不會屈服呢?
小弟擔心一但發生戰爭,令香港經濟可能再次哀退,
真有點擔心啊
而且北韓一但用核彈特向美國,又唔知死幾十萬人......

首先
愚以為香港經濟響呢三五七年之內好大機會再次衰退
因為香港呢個經濟體系已經缺乏有力ge支撐而顯得不堪一擊
所以唔使擔心
我覺得而家搵定後路都仲未遲

另外
愚以為全球有大把地方ge局勢比北韓更加不穩
要開戰ge話有排都未輪到果度
就算係講緊東亞地區
台海開戰先都未輪到北韓
(呢樣要睇阿扁玩火玩到乜野程度 同埋佢會唔會過唔到今年啦)

仲有
北韓就算同周邊國家開戰
都未必會真係用到果D核武啦
如果北韓夠膽用ge話
我唸到左第二日整個北韓都會夷為平地

而且
樓上都講左
北韓然有核武
但係都無支導彈可以將佢掟過去美國
不過北韓鄰近國家都有核武
(日本話自己無)
無論將個核彈掟去邊個國家都好
下場都會係差唔多

以日本同韓國既技術，
一夜之間都可以做到核武。
基於理性同美國既關係，
佢地仲未郁手研製。
但系今日之後以上兩國就有理由研製
而且一旦成功，東北亞就會非常緊張，
因為中日韓朝四國到互相猜忌。

原帖由 raylex 於 2006-10-10 23:14 發表
以日本同韓國既技術，
一夜之間都可以做到核武。
基於理性同美國既關係，
佢地仲未郁手研製。
但系今日之後以上兩國就有理由研製
而且一旦成功，東北亞就會非常緊張，
因為中日韓朝四國到互相猜忌。

日本研製核武，最怕就係軍國主義興起，到時第三次世界大戰真係爆發
都似。

北韓係玩火呀
不過中國、美國、日本、俄羅斯、南韓夠膽郁佢咩?
冇人夠膽
事關一郁北韓,成個東北亞既形勢肯定會大變
而且個個都係輸家
身為大佬既中國同美國
響利益既大前提底下,最多出吓口術(鬧吓北韓唔生性同要聯合國制裁)
除此之外,係唔會有任何行動

中國已經無做北韓大佬好耐, 因為金先生根本唔會聽佢點,
只係搵中國著數.

原帖由 PB602 於 2006-10-11 22:14 發表
中國已經無做北韓大佬好耐------

講係冇用 o既! 有幾多人信先算啦!

原帖由 A320 於 2006-10-12 21:40 發表

講係冇用 o既! 有幾多人信先算啦!

國際政治, 唔係出黎行講個「信」字.

中國已經唔係好似以前咁, 仲可以扮晒北韓既「老大哥」. 如果中國真係
大佬, 北韓根本就唔可能發展到核武, 你幾時見美國會俾南韓同日本搞核
武? 當年台灣想搞, 美國即時制止, 仲爭D為此而同蔣介石反面.

北京離北韓唔係好遠咋, 你估中國唔驚北韓有日玩野, 用核彈威脅自己?

北韓搞得出核武器, 就證明中國已經控制唔到佢. 而家中國對北韓唯一影
響力, 就係控制佢既陸路口岸. 但如果連中國都制裁北韓的話, 大批難民
就會湧晒去中國東北, 都時就麻煩.