對施政報告極度失望

原帖由 superbus 於 2006-10-15 19:11 發表

當你見到香港可以為咗起條路,要將天星碼頭個鐘樓拆咗去
街邊大排檔一係收咗佢地個牌,一係質哂佢地入去啲熟食中心
佛門清靜地既旁邊整埋啲纜車市集、馬騮影院
你都唔好旨意香 ...

老實講，你要數既話程度可以嚴重到「不如搞革命推翻政
府算喇」 (但請勿當真)

即使係佢講既公共交通旅遊而家都唔可行，因為香港公共
交通其實相當混亂，例如路面公共交通編號系統繁雜程度
就可謂全球獨步。

原帖由 PB602 於 2006-10-15 17:55 發表


以前外國人去香港睇咩野? 去參觀廟街, 女人街, 玉器市場,
赤柱市場, 去街邊既街市檔口睇香港人點劏生雞, 呢D就係
佢地想睇既「文化」.

但你幾時會見佢地去參觀舊匯豐銀行總行, 去舊郵政總局,  ...

首先,
我頭先已經講緊係 "文化"... 唔係 "建築"~
我提既係 "殖民地歷史", 唔係"殖民地歷史建築物".
"建築"係你講唔係我講~

"文化保育"... 問題係一直都唔肯做好!
一切都以經濟掛帥, 導致本來好豐富既文化被摧毀!
呢個唔係政府既責任? 係"不能保育"定係"不保育"???

生態旅遊方面, 我諗個思維唔係 "本地人去濕地公園趁熱鬧", 所以"濕地公園做生態旅遊做唔起".
生態/文化旅遊市場有幾多我實在唔敢肯定, 但最少係其中一個吸引人既"賣點".
而殖民地歷史文化背景, 如果加d配套&宣傳, 更加係一大 賣點.

[ 本帖最後由 monkey_bsw 於 2006-10-15 20:44 編輯 ]

原帖由 monkey_bsw 於 2006-10-15 20:43 發表
"文化保育"... 問題係一直都唔肯做好!
一切都以經濟掛帥, 導致本來好豐富既文化被摧毀!
呢個唔係政府既責任? 係"不能保育"定係"不保育"???

生態旅遊方面, 我諗個思維唔係 "本地人去濕地公園趁熱鬧", 所以"濕地公園做生態旅遊做唔起".
生態/文化旅遊市場有幾多我實在唔敢肯定, 但最少係其中一個吸引人既"賣點".
而殖民地歷史文化背景, 如果加d配套&宣傳, 更加係一大 賣點.

生態旅遊方面, 好多人都支持搞, 甚至閣下都提及過「生態多樣化係
比外國好多地方有過之而無不及」, 咁具體講究竟有幾多樣化? 又點
樣俾外國有過之而無不及?  到最後都無人肯定到.

我知道傳媒曾經吹噓呢樣野吹噓得好勁, 甚至乎以「有日本團專去香
港行山」為例去證明有得做, 但究竟一年有幾多呢D團? 無人知. 究竟
有無得搞? 亦唔知, 只係話政府應該去研究云云, 之後就有個濕地公
園計劃. 但以香港一個高度城市化地區, 郊區實際面積, 連美國, 加拿
大及南非等地一個國家公園萬分之一面積都不到 (人地仲有齊野生飛
禽走獸), 咁究竟有幾大生態價值? 呢樣野連本地人都唔覺得有, 你話
點向遊客推銷?

國家地理頻度去齊世界各地探索各式特別生態環境, 我就未見過有幾
多集介紹香港生態. 我印象中有既, 係介紹香港係一個好喜歡搵錢既
Mega City.

原帖由 238X 於 2006-10-15 20:20 發表
老實講，你要數既話程度可以嚴重到「不如搞革命推翻政
府算喇」 (但請勿當真)

即使係佢講既公共交通旅遊而家都唔可行，因為香港公共
交通其實相當混亂，例如路面公共交通編號系統繁雜程度
就可謂全球 ...

我唔係叫人坐黎香港旅遊捨地鐵而取巴士, 而係指香港一個小小地
方有齊各種不同公共交通工具, 當中甚至有D係全球獨有(如全雙層
電車系統), 可以吸引外國公共交流愛好者去香港旅遊.

你睇不知幾多日本同歐美鐵路迷去中國集通鐵路, 就只係為左一嘗
營運中既蒸汽火車, 當地甚至為此而搞左個蒸汽火車旅遊節, 就知道
呢一樣野係俾人忽視.

原帖由 PB602 於 2006-10-15 22:54 發表
生態旅遊方面, 好多人都支持搞, 甚至閣下都提及過「生態多樣化係
比外國好多地方有過之而無不及」, 咁具體講究竟有幾多樣化? 又點
樣俾外國有過之而無不及?  到最後都無人肯定到.

我知道傳媒曾經吹噓呢樣野吹噓得好勁, 甚至乎以「有日本團專去香
港行山」為例去證明有得做, 但究竟一年有幾多呢D團? 無人知. 究竟
有無得搞? 亦唔知, 只係話政府應該去研究云云, 之後就有個濕地公
園計劃. 但以香港一個高度城市化地區, 郊區實際面積, 連美國, 加拿
大及南非等地一個國家公園萬分之一面積都不到 (人地仲有齊野生飛
禽走獸), 咁究竟有幾大生態價值? 呢樣野連本地人都唔覺得有, 你話
點向遊客推銷?

國家地理頻度去齊世界各地探索各式特別生態環境, 我就未見過有幾
多集介紹香港生態. 我印象中有既, 係介紹香港係一個好喜歡搵錢既
Mega City.

生態多樣化有幾多樣我以前睇過數字, 但已經唔記得個數目, 只記得係一個驚人既數字......

問題其實就嚮度, 當我地既政府都只係sell "mega city", sell "shopping",
而對於其他存在而又有價值既野就一屑不顧.
點解外國介紹香港係一個咁既城市? 我覺得好大程度上係因為政府自己既宣傳就已經咁單向.

我只係覺得, shopping可以照sell, 食野可以照sell, 但唔係咁單一地淨係sell呢d消費性既野.

原帖由 monkey_bsw 於 2006-10-16 11:01 發表
問題其實就嚮度, 當我地既政府都只係sell "mega city", sell "shopping",
而對於其他存在而又有價值既野就一屑不顧.

我覺得呢個唔止係政府既問題. 很多市民都對其他存在而又有價值既野
莫不關心. 例如只聞樓梯響既巴士博物館, 又或者好多人都覺得停航後
十分可惜既汽車渡輪, 還有"街渡"化前的小輪等, 市民似乎沒有
意識的是, 想去保留一樣東西時, 自己亦可以出一分力, 例如多去乘小輪上
下班, 駕駛者不行隧道多用汽車渡輪等.

又例如巴士博物館, 很多人認為巴士部部一樣, "咪又係車一部? 有乜好
收藏?", 預計除了開頭一窩風外, 市民當中沒有太多人會常去參觀, 以實際
行動支持其運作下去.

原帖由 Dolphin 於 2006-10-16 12:04 發表
我覺得呢個唔止係政府既問題. 很多市民都對其他存在而又有價值既野
莫不關心. 例如只聞樓梯響既巴士博物館, 又或者好多人都覺得停航後
十分可惜既汽車渡輪, 還有"街渡"化前的小輪等, 市民似乎沒有
意識的是, 想去保留一樣東西時, 自己亦可以出一分力, 例如多去乘小輪上
下班, 駕駛者不行隧道多用汽車渡輪等.

又例如巴士博物館, 很多人認為巴士部部一樣, "咪又係車一部? 有乜好
收藏?", 預計除了開頭一窩風外, 市民當中沒有太多人會常去參觀, 以實際
行動支持其運作下去.

呢D係大部人價值觀問題
莫非以此理由, 大家還用 轎、人力車、電船呢D咁有香港特色為交
通工具嘛?

巴士博物館太個小眾啦, 反而搞個香港交通博物館, 客路廣特多

[ 本帖最後由 guia 於 2006-10-16 13:25 編輯 ]

原帖由 kingprowm 於 2006-10-15 00:44 發表


其實如果香港發展番輕工業會唔會好些 ?
好讓多些人能夠自力更生 !

現在知識型經濟真係害死人,
攪到咁多人失業

而家所謂知識型經濟根本就同知識扯唔上關係.
果D所謂”專業”的會計師, financial analyst, investment banker,
其實都只不過係商業技能而已,
真正的科學, 技術知識, 香港實在遠遠落後於世界, 包括大陸.

我唔明點解香港人如此短視,
做個普通地產經紀, 會計師, 一個月1-3萬人工就滿足,
而唔去講下pursuit of knowledge, 如何為自己及香港增值.

須知道, 世界絕大多數成功的國家, 城巿,
其成功一重要因素乃重視教育, 科研, 人才培訓,
前者曾特首今次值得一讚, 不過後兩者香港完全無,
只建基於finance和地產的經濟是泡沫,
經濟一塌, 香港即刻毫無支持, 大家齊齊失業拎綜援變負資產.

原帖由 guia 於 2006-10-16 13:24 發表


呢D係大部人價值觀問題
莫非以此理由, 大家還用 轎、人力車、電船呢D咁有香港特色為交
通工具嘛?

巴士博物館太個小眾啦, 反而搞個香港交通博物館, 客路廣特多

要大家一齊用當然沒可能吧. 但至少大眾要有意識去支持同協助其生存下去. 才能
令一些香港特色保留.