頭先係觀繞...

返觀塘，我在中線，慢線有一98D大富豪，突然見佢行行下搖左一下，
好似轆過一D野，跟住有個竹籮由車底飛左出來，剛剛落在慢線正中間...

行觀繞真係要打醒十二分精神，免得過都唔好行慢線...

有朝早行大埔公路北行馬場對開, 快線無車行.
離遠見一排, 係一排, 約四個竹籮打橫疊在快線上.
當時行緊八十, 見有一大段距離, 還是趁早切入中線,
以便給予後車預視機會, 以防後車見唔到竹籮, 急扭軑發生意外.
而後車在我切回中線後亦相繼切回中線了.

不過其實遇到路上有障礙物, 係咪有電話可通知交通部跟進清理的呢?

頭先坐老豆部車，去到鯉魚門道左轉將軍澳道果個燈位，
停緊紅燈果陣，有個傻佬將一個裝滿野既大白色膠袋掉出馬路，
仲加幾腳將個袋踢到去馬路中間，
搞到快線既車要即刻打燈埋左線。

心諗…如果班小巴佬好似平時咁，見呢個燈位係綠燈就衝到咁去既話，
炒大鑊野都有份…

上星期日凌晨四點幾，行緊青山公路返葵涌，
去到鐘山臺附近突然見狗屍兩條橫臥兩行車線
中間，行過既都應該知道個度有幾窄，我部細
車，都係收到好慢先緊緊避得到。

雖然好眼訓，但眼見咁情況真係有d危險。去到
華景油站停低車，諗住打電話，但又唔知最近
警局係邊間，最後打左1823，接線就refer 左去
食環署處理，我問熱線員，可唔可以打去警局，
回覆係就算打去，結果都會係交俾食環去做。

返到屋企泊好車，食環電話到，原來處理緊一宗
跳樓，動物屍體要下一單先做到，我就唔知之後
點喇。

生油鑵都試過

成邊車身都花哂

燈都爆埋

有次三號風行東廊﹐沿路見到鐵鑊一隻﹐床褥一張

原帖由 oxball 於 2006-10-17 18:46 發表
有次三號風行東廊﹐沿路見到鐵鑊一隻﹐床褥一張

即刻諗起果單七人車行過床褥時張床褥"click"住係車底搞
到連車都燒埋既新聞。(又係東廊)

所以係公路一見到呢d障礙物真係要萬分小心。

原帖由 oxball 於 2006-10-17 18:46 發表
有次三號風行東廊﹐沿路見到鐵鑊一隻﹐床褥一張

講起打風, 有一次行觀塘道東行啟業對開往觀塘既快線,
行行下有個食環署既深藍色垃圾桶嚮馬路中心左轆右轆;
隔幾日又試過同一個位有個道路工程既雪糕筒嚮馬路中心左跣右跣.

觀塘繞道中線遇過一到人胸咁大袋的垃圾，又係險象環生。

記得以前仲住係石塘咀0個陣，曾經見過樓下條四幹東
行慢線有個發泡膠箱0左係度。