[即日報導]嶼巴不敵吊車 生意暴跌 司機憂裁員減薪+嶼巴勁蝕600萬擬劈炮

原帖由 Seiko 於 2006-10-20 18:41 發表

21有臨時加班的, 時間表只可作參考.

正如以前假日23號的班次至少比時間表上的班次多兩倍幾.

咁咪就係嚇到只睇時間表既遊客囉。

我上星期六坐吊車，拎左張大嶼通既小冊子，一睇21既班次，
就即刻諗都唔諗放棄去大澳既念頭，同埋即時決定買吊車既來
回車票。

當然，有更大部份人係若果冇吊車，根本唔會去多次大嶼山啦。

我都試過同同學去露營，在東涌見11同23開走了，
以為要等好耐，誰不知立刻有架吉車23出（2005年12月某星期日）。
但當我和同學尚在點人數和猶豫之際（因為車費較貴要商量），架車已經幾乎上爆普通遊客～

如果我一早知有加班車就唔使咁著緊要group齊一班人搭車啦～

嶼巴要捱的話，要捱到吊車新鮮感減退、新東涌道落成，唔知幾耐喎，
到時重整東涌＜＞梅窩路線、21、11，
我唔係嶼巴內部員工，我都唔知佢蝕成點（蝕六百萬咁你個底有幾多呢？），如果嶼巴唔做，畀咩人做好？
大嶼山都有人住架，去大嶼山唔係淨係去機場、大佛同迪士尼架，照計都係新創建自己搞掂吧？

最慘就係有又快又平的地鐵東涌線，嶼巴想做更多1R2R3R4R政府都未必畀。

原帖由 eric278 於 2006-10-20 20:32 發表
若果嶼巴交還專營權，逸東居民巴士服務會否受影響？

38應該係嶼巴少數仲有錢賺的路線
大把人爭住要啦（最好唔駛我做埋嶼南線添XD）

P.S. 上星期由塘福搭11返東涌，全車爆滿
要企住搭車上東涌道，真係...

睇黎個專營權完左都九成唔會續架啦......

放棄專營權...是同政府談判的籌碼吧!

如果冠忠真係唔做嶼記,你估政府唔會在背後做野吧?(佢某大股東都係hold住專利巴士公司)

記住,嶼巴唔玩,佢d車同廠方都要租俾政府/新經營者一段時間先甩到身

依我看,嶼記出口術無非想迫政府俾d油水位佢,個人估計如下
1)俾一條半條東涌/機場出市區的線佢做
2)要求大幅加價(特別是假日)

早排有版友引述冠忠好似年報既刊物透露該公司長遠有機會運作由明年啟用既落馬洲
鐵路管制站至元朗區既路線。

原帖由 leslie 於 2006-10-20 21:59 發表
放棄專營權...是同政府談判的籌碼吧!

如果冠忠真係唔做嶼記,你估政府唔會在背後做野吧?(佢某大股東都係hold住專利巴士公司)

記住,嶼巴唔玩,佢d車同廠方都要租俾政府/新經營者一段時間先甩到身

依我看, ...

一個好大膽建議 -- 只要將大嶼山(機場除外)開放俾任何經營者經
營, 不論小巴, 村巴, 九巴, 新巴, 冠忠甚至雞記都可以開線, 咁一切
事情就可以解決啦.

既然規管下既專營巴士做唔住, 何不交俾市場自行決定? 呢度成日
有人話運吉管住晒搞搞震, 咁就不如就將大嶼山做試點, 睇下無規
管既公共交通服務係咪真係Work?

如果擔心車海: 東涌道擴闊後可以容納更多車輛, 何況如果真係好
客到成日要出車海的話, 嶼巴都唔會做唔住啦.

如果擔心收得太貴: 基於用者自付原則, 無理由要逸東居民及昂平
遊客去補貼其他虧本路線. 而且只要有足夠競爭, 都唔會太貴既.

嶼巴現時虧蝕，或多或少同市民遊覧大嶼山情況及嶼南人口改變有關。

原帖由 DC5 於 2006-10-20 22:18 發表
嶼巴現時虧蝕，或多或少同市民遊大嶼山情況及嶼南人口改變有關。

大嶼山的天然風光不再ma....望望個長沙海灘啦...唉

OT:
發展人造景點(迪x尼之類),破壞天然景點,是"特衰正苦"發展大嶼山的方向...

趕走原來的土生動植物,換入d人形卡通動物....唉

下一步...趕走D嶼巴,換晒D X 巴 <=依,句野咁熟口熟面既!?

大嶼山巴士下月申請加價

如果嶼巴同運輸署可以搞掂東涌北屋苑同馬灣涌D"免費車",
嶼巴34同37應該可以賺返唔少.