原來呷醋唔係女仔既專利..

自問係自己班朋友既圈子之中，拍得最多次拖
呢d既經驗，無意俾我發現左樣野
唔知大家既朋友會唔會好似我堆friend咁呢：

每當有人識左新女朋友，就會成班麻甩佬啄住佢黎問：
「你女友靚唔靚架？」
「佢瘦唔瘦架？」
「佢身材掂唔掂先？」

呢類既說話，係同班朋友「公開喜訊」之後，一定會不絕於耳
久而久之發現，原來自己係極之唔鍾意人地問呢d問題
我唔係驚俾人撬左牆腳(論佢地都唔敢)
我自己初頭都覺得，自己唔鍾意既原因
係成堆人好似想咸濕佢咁

當我將呢個問題閒談時，同女友分享
佢話我知，原來呢d叫呷醋
真係唔講唔覺，自己男人老狗都會咁…

果一刻女友話：我鍾意你呷呢d醋
個心真係甜甜地..
(絕非晒命，肉麻請原諒)

但係呢類問題，真係唔知人地問黎做乜
我自己唔鍾意之餘，都絕對唔會咁問人
聽到之後最多講句：要對個女仔好D呀

我自己最大既疑問係
都唔知D人咁問..係有咩心態

原帖由 5074 於 2006-10-21 20:42 發表

果一刻女友話：我鍾意你呷呢d醋
個心真係甜甜地..
(絕非晒命，肉麻請原諒)

唔係肉麻！我有少少為你擔心！
呢 D 說話信半句都死！我講真既！

今次我係特登句句用感歎號！
呢樣野真係唔可以唔提醒！

[ 本帖最後由 238X 於 2006-10-21 21:55 編輯 ]

d 女仔緊係鐘意男仔讚佢r
為佢爭風呷醋

咁先 show 到佢既魅力嘛 ..