分享:新巴796B小遊河記

將軍澳南交通令小弟感嘆.....
今日小弟興起來,想去將軍澳南遊河.....
首先搭地鐵去調景嶺地鐵站公共巴士總站,
小弟想選擇一部來搭巴士來遊河,
第過巴士坑,到了796B坑位,
好奇望新巴796B乳豬紙,是.......20-30分鐘班次 ,疏到........
小弟望一望手錶,是下午三時半,於是去問站長幾時開出.....
站長話三時四十分,噢!手錶表示三時三十七分了
,於是跑去搭796B
上到車了796B,
796B依時三時四十分開出,
路途上,可以看風景算唔錯,
有點兒迂迴的,不過小弟唔介意,
路途上,是.......是.......小貓三四隻
到了黃大仙下車,跟去回家的
小弟覺得將軍澳南交通真是.......講唔出.....不批評
希望將軍澳南會有改善呢
各位板友,你對將軍澳南交通有什麼看法?
分享吧

原帖由 daiteioh 於 2006/10/24 19:54 發表
將軍澳南交通令小弟感嘆.....
今日小弟興起來,想去將軍澳南遊河.....
首先搭地鐵去調景嶺地鐵站公共巴士總站,
小弟想選擇一部來搭巴士來遊河,
第過巴士坑,到了796B坑位,
好奇望新巴796B乳豬紙,是.......20 ...

簡單地說，將軍澳新巴兜路兜到爬左係度！！！

但如果係臨出將軍澳的尾站就另話，如我放工係將軍澳地鐵站，上到剛來到的７９６Ｂ，去到樂富肯定快過搭地鐵．．．

根本將南d路係完全唔適合巴士生存
唔兜,唔夠客;一兜,就趕客
結果就攞唔到balance,巴士就幾乎吉車遊街

原帖由 JX9097 於 2006/10/25 00:05 發表
根本將南d路係完全唔適合巴士生存
唔兜,唔夠客;一兜,就趕客
結果就攞唔到balance,巴士就幾乎吉車遊街

其實兜路得宜，都可以減少趕客的情況，但將軍澳巴士設計極之有問題，尤其係調景嶺兜完個公交匯處後又右轉入屋苑，之後才兜返出去。單是這裡又浪費了幾分鐘時間；而將軍澳市中心、尚德更加係兜路重災區！

兜外圍很順暢地也沒有問題，但是將南很多車都是兜完又返到原處，完全給予乘客兜客的感覺．．．

所以原先係將中總坐796C出旺角會係好快，但兜路已佔10-15分鐘時間，用這個時間坐地鐵已經去到北角或九龍灣站了！

個人認為如果將南巴士路線不再針對點到點，直達旺角或以繼西面範圍發展的話，就只有一路惡性循環下去！因為將軍澳是很需要好像296D等直達九龍中的路線！

796B要佢摺又唔係...
因為夜晚9點幾10點都幾多人搭
如果開DART既話,,分分鐘要企呀

原帖由 KG6068 於 2006-10-25 03:57 發表
796B要佢摺又唔係...

九巴無九龍塘到東九既路線,現時新巴既796B
出左東九收$5.9,應係運輸署唔俾新巴同地鐵競爭.
倒不如就將796B延至沙田區,過龍翔道就上繞道及將隧,
再加設將軍澳至九龍中既來回分段,
應會更有營運效益既.

原帖由 hkicq 於 2006-10-25 09:02 發表

九巴無九龍塘到東九既路線,現時新巴既796B
出左東九收$5.9,應係運輸署唔俾新巴同地鐵競爭.
倒不如就將796B延至沙田區,過龍翔道就上繞道及將隧,
再弗N軍澳至九龍中既來回分段,
應會更有營運效益既.

如果由沙田出黎，過左龍翔道就上觀繞，咁同原先既796B路
線有多少地方重覆？咁樣根本係一條新路線，而不是延長現
時的796B。

將南路線唯一死因係主要服務範圍都有地鐵頂住，所以即使
係將南每個總站都做一條一開出就入隧道既路線亦係死路一
條。

如 果 可 以 咁 樣 改 會 唔 會 減 少 兜 路 ?

調 景 嶺 開 :
跟 694 咁 行 , 停 站 都 跟 694 一 樣 ,
去 到 君 傲 灣 前 左 轉 唐 俊 街 直 去 ,
再 左 轉 唐 明 街 跟 原 有 路 線 出 又 一 城 .

又 一  城 開 :
沿 有 路 線 開 出 , 去 到 尚 德 跟 792M 去 調 景 嶺 但 加 停 尚 智 樓 站 ,   
寶 盈 花 園 (寶 邑 路) , 去 到 唐 賢 街 路 口 右 轉 唐 賢 街 , 沿 番 舊 有 路 線 番 調 景 嶺 .

來 回 都 取 消 經 將 軍 澳 地 鐵 站 交 匯 處 , 寶 盈 花 園 (唐 俊 街 入 面) .