《列舉及統計》追擊2007年大壽路線

原帖由 orange 於 2006-10-26 19:11 發表
回番正題,其實樓主又唔使道歉咁嚴重,只係希望
貼文之餘仲要有番自己見解,如果你只係list一大
行資料,但又無作出任何分析理解,例如咁多年來
巴士線轉變成點,結果只係人做你又做,灌水也!

分析還分析,
但如果經常將一些似是而非,
兼難以證實的傳聞 (例如甚麼 118 交換 681 之類)
講到似層層,
仲要不斷重覆又重覆,
令新一代的巴士迷信以為真,
咁同捏造歷史有乜分別?

仲有好多似是而非的推論。

原帖由 bustop 於 2006-10-26 16:35 發表


講到某人洗板,
兩三個禮拜之前都出現過甚麼甚麼傳奇,
明明係應該在私人網頁出現的東西,
就日日係咁貼出來,
成個 B2 板的第一頁,
都充斥住呢類創作文章.
阻鬼住晒人睇其他野....

我個人認為, 如果內容真實的話,
那些傳奇貼在這裡是沒有問題,
可以作為一些的板友參考

問題係, 那些所謂傳奇的內容真係不敢恭維
基本上他只是將容兄本書內的資料加入自己的文章
然後再把他自己於過去對該線的睇法/體驗寫入文章內,
以致三十年代至七十年代的部份只佔五份之一,
而八十年代以後的就佔大部份篇幅,
既然寫「傳奇」, 就應該做下資料搜集啦
例如和合石篇, 於七十年代, 每逢清明/重陽節,
北區交通有非常重大的影響,
他居然以「手頭上資料有限」為由就冇寫
大佬呀, 冇資料咪去搵囉, 連呢d基本資料都唔去搵,
咁就唔好話係乜野「北區路線傳奇」啦

另外, eric278兄最不能原諒的錯誤就係成日將自己的推論當係事實
就像這篇文章, 講到實牙實齒302係92年6月1日將總站搬去上環
問佢點知, 佢又話只係推斷出來
其實當年已經賣晒報紙, 302係五月已經搬左去上環架啦
如果唔問佢, 其他人唔知既就會信佢, 咁同「扭曲事實」有乜分別?

遠o既唔講, 以呢篇文為例, 嶼巴23早於95年之前已經行走啦
只要肯去睇下運輸署本書都知道, 我有時真係唔明,
點解連少少資料搜集都唔去做, 就夠膽去寫甚麼傳奇, 甚麼大壽路線?
究竟佢要涂「塗」毒多少年輕巴士迷才肯收手?

[ 本帖最後由 kiwai 於 2006-10-27 09:33 編輯 ]

原帖由 orange 於 2006-10-26 19:11 發表
回番正題,其實樓主又唔使道歉咁嚴重,只係希望
貼文之餘仲要有番自己見解,如果你只係list一大
行資料,但又無作出任何分析理解,例如咁多年來
巴士線轉變成點,結果只係人做你又做,灌水也!

講起灌水，小弟有一疑問，希望拋磚引玉，吸引大家討論何謂「灌水」。

北區首相列舉各路線開辦日期的文章，為巴士迷提供一些寶貴的資訊
如果這個行為算是灌水，那樣有請各位板友到A14板，看看那裏有幾多篇文章是灌水
有不少板友在那裏，只列出多場足球比賽的戰果，卻不附以評論
那樣還不算灌水麼？

希望板方為「灌水」定義加以解釋，平息板友們的紛爭

原帖由 Cantona 於 2006-10-26 23:10 發表

講起灌水，小弟有一疑問，希望拋磚引玉，吸引大家討論何謂「灌水」。

北區首相列舉各路線開辦日期的文章，為巴士迷提供一些寶貴的資訊
如果這個行為算是灌水，那樣有請各位板友到A14板，看看那裏有幾多篇 ...

其實都幾無謂,列舉一堆路線出黎,
除左知道舉辦日期外,就唔知有乜值得討論,
可能板主見佢打(抄)左咁多野出黎,
咪唔覺得係灌水。

樓主一味認錯冇用架,
要吸收人地既意見先有用。

原帖由 joeli16 於 2006-10-27 12:44 AM 發表

其實都幾無謂,列舉一堆路線出黎,
除左知道舉辦日期外,就唔知有乜值得討論,
可能板主見佢打(抄)左咁多野出黎,
咪唔覺得係灌水。

樓主一味認錯冇用架,
要吸收人地既意見先有用。

篇文我有睇，
我都強調過灌水與否唔係睇字數多少，
我成日都話你打成千字但無意思都係灌水，
但如果人地只係問一個是非題，
你只係答個「是」字已經唔係灌水了 (當然最好有番解釋啦)。

至於樓主係咪灌水，
我不妨講我兩個唔同既角度去睇：
就文章既內容同目的來講，
的確係灌水；
但作為一篇「統計」或「列舉」文章去睇，
由於佢有列出日期同「幾歲生日」，
咁話佢係灌水又好似唔太講得通。

我記得之前在某一篇文問過樓主為何路線歷史之格式
與坊間的《巴士路線發展史》系列這麼相似, 尤其是
甚麼「同時更改路線」, 一般路線歷史的格式很少這麼
相似, 但當時沒有回應. 我曾懷疑資料是由Stanley Yung
提供給樓主的, 但看來不是了.

把資料向版友分享當然是值得欣賞的, 但我相信本版
有不少對巴士不太熟悉, 或迷巴士資歷不深的人會閱讀,
更有傳媒會留意, 所以我貼文時亦會很小心自己的言行,
以免令人誤解, 或把錯誤訊息發給別人, 這時良好網民
的責任. 但凡個人意見的, 肯定會加上不肯定或認為字眼.

雖然樓主似乎沒有想過自己的分析會有錯誤, 但為他人
切想, 寫到類似「開辦原因」、「大受歡迎」等個人
意見時, 希望能加以注意.

精彩精彩，本文可能係本年度B2板最精彩的文章之一，擇要如下：

1. 開一篇2007大壽路線 (明明年年條條路線都係同一日生日，除了2月29日開的線外)
既文，但加了5的倍數才計，又可以成為大壽！我想問下人就60才大壽，咁我地會唔
會同D5歲或10歲既小朋友做大壽呢？

2. 樓主好友、本板板主、樓主結婚時的伴郎亦不忿樓主所為共貼了三篇文做頂心杉
噢，說漏了，上述三個身份乃同一人！

3. 資深巴迷(樓主)的資料竟然要由一位新丁補充及更正，樓主粗製濫造既程度同佢r
既CUT底相可謂一脈相一承。亦間接令新人有機會從中學習，而又訓練到大家的觀
察力，起碼又可以摷下佢抄邊本書第幾頁第幾行，亦搞到我呢個老人家咁夜都仲未
想訓！

若題目改為「追擊2007大壽路線」，我諗我會投支持的一票。

[ 本帖最後由 HY671 於 2006-10-27 01:40 編輯 ]

原帖由 HY671 於 2006-10-27 01:38 發表
2. 樓主好友、本板板主、樓主結婚時的伴郎亦不忿樓主所為共貼了三篇文做頂心杉
噢，說漏了，上述三個身份乃同一人！

補充一點：筆者的伴郎早已找到，不過不是本版版主。
為免被指離題，若有意知道詳情者，請iMsg本人。