小弟考車啦, 請賜教

小弟下星期五考貨van牌啦, 考天光道, 唔知大家師兄有冇兩招過俾小弟?

本人憂慮:
1. 天光道常盛街交界整路. 要由左線cut入右線再cut番左線轉入馬頭圍道
2. 女童院掉頭位

請多多指教

小心俾車閘…
隻左腳定D

小弟上次考忠義街不幸fail左，好唔好彩重考派左去天光道(十二月十一號考) 。
聽小弟個fd講，第一次考路試有95%機會考農圃道線，尤其係去到天光道
轉出馬頭圍道，轉彎前盡量靠住中間行，轉彎車速要慢，回軚亦要快；
考官通常會在農圃道考你斜路開車，吊離合器盡量吊高少少。

P.S.﹕請問樓主係跟邊間駕駛學校學車抑或跟私人師傅學？學天光道學左幾多堂？

我考輕型貨車果次都係考天光道, 路線都係要由天光道轉出馬頭圍道,

女童院掉頭位真係要小心d , 因為平時冇機會在果度練習, 所以平時要在其他地方練多 d 掉頭,

注意地方: 以我個人的意見係, 轉入去女童院掉頭果度, 睇清楚對面有冇車先好轉入去,
掉頭果個位又有可能有車泊左在度......小心留意

另外天光道轉出馬頭圍道呢個彎位, 上面板友都提及就係轉彎前要靠中間 d, 轉彎前轉一波令架車慢d,  車頭見唔到地面白線先好轉軚, 慢慢轉, 一定唔好轉得太出, 要貼住個彎轉.

先謝!

我跟李健, 個師傅唔係好多野講...
我學左25堂啦, 正如terry兄講, 平時冇試過0係女童院掉頭, 個位又窄, 都幾驚...

ps 希望我同KL631兄一樣pass到啦

[ 本帖最後由 sunnykam 於 2006-11-5 22:48 編輯 ]

咁個師傅有冇車你入去掉頭果道示範下俾你睇點樣掉頭呀....

你唔可以自己揸入去, 但可以由師傅揸入去示範....不過個師傅肯唔肯咁做就唔知喇.....

冇得做, 睇下都好呀....!!

想問一問現在天光道有幾多條考試路線,我好耐以前係
有五條路線選擇,結果係考最長一條,落公主道那一條,
好好彩一次攪掂.

樓主,如果個師傅係醒,一去到試場見到有那一位考牌官
坐陣,就會用最合適的時間叫你入去報到,幫你尋找一個
最好的考牌官來應考.

原帖由 Alex_Tsang 於 2006-11-6 12:55 發表
想問一問現在天光道有幾多條考試路線,我好耐以前係
有五條路線選擇,結果係考最長一條,落公主道那一條,
好好彩一次攪掂.

樓主,如果個師傅係醒,一去到試場見到有那一位考牌官
坐陣,就會用最合適的時間叫你入 ...

而家得三條…

1條行靠背壟道，樂民新村
1條行女童院，馬頭圍道，農圃道
1條行亞皆老街，巴富街，石鼓街

但係主要考頭兩條…

師傅都有dem個兩次俾我睇, 好過冇
希望我個師傅係醒目0個批啦

原帖由 terrychf 於 2006-11-5 18:48 發表
我考輕型貨車果次都係考天光道, 路線都係要由天光道轉出馬頭圍道,

女童院掉頭位真係要小心d , 因為平時冇機會在果度練習, 所以平時要在其他地方練多 d 掉頭,

另外天光道轉出馬頭圍道呢個彎位, 上面板友都提及就係轉彎前要靠中間 d, 轉彎前轉一波令架車慢d,  車頭見唔到地面白線先好轉軚, 慢慢轉, 一定唔好轉得太出, 要貼住個彎轉.

我第一次考LGV都係呢條線,天光道轉出馬頭圍道呢個彎位....留心d啦,轉彎小心慢車就OK,我果日唔好彩,轉完彎後前面有架泥頭車死左係度(好日都無 ), dup 又唔係,想抽又抽唔到(後面都無車,果時應該停定等...家下正常駕的話一野抽出去啦!),結果俾考官dup停...byebye... ...果次泊位掉頭pass了,第二次抽到油塘,勁易考,果區又沒有車又沒有學校/學生,落去工業區兜左個圈10分鐘攪掂pass...!

結果是:回公司請左同事食2次Tea...  (不過都好開心既)