小弟係元朗駕駛樂園漸進課程LGV考生,
上月中期試及格,本月下旬就要應考路試.
駕駛及理論課上得七七八八了,
四條考牌路線(元朗村,宏業東街,水邊圍及工業村)
都揸過哂.
我想討論下宏業東街呢條路線,
聽阿SIR講話呢條係熱門考線,
亦係四條考線裡較為"惡考"的路線,
尤其是宏業東街同強業街一段,
死車多盲區多,一不留神就 ........
星期日下午學車的時候行宏業東街線時,
當時寶業街(平治維修中心方向)
有三輛貨櫃車停泊,一部泊麗新中心外,
二部泊在球場外.
我駕車正準備由強業街右轉寶業街時,
我停在讓路口前拉上手掣,入空波.
然後左望右望重覆多次
稍後我見眼前寶業街兩個方向無車駛過
便入一波,起離合器,拉手掣準備起行,
當我部車橫向駛至寶業街(平治維修中心方向)一段時,
有一部在球場之對面線(左線)
的士停車.當我正右轉靠左線行駛.
該的士突然剛開行
當時成部車已經身處黃格區域
最後俾阿SIR踩停部車,部車就死火停在路中心.
當我撻車起行的時候,阿SIR問我:
頭先你有無見到部的士?
我答有,我見到部的士停左係度LAW.
如果閣下係元朗樂園的師兄師弟,無論
考試/學車都有機會行經呢條路線
你地學車或考試有無遇過類似的經驗?
亦可以討論下其他三條考牌路線要訣
[ 本帖最後由 volvo2000 於 2006-11-12 23:54 編輯 ] |
