價值觀討論：坐的士追影巴士

係巴士討論區開文，當然係討論巴士迷對自己喜好既野啦。

早幾日聽人講別板有人為左追一部未出牌既巴士而付了三百多元的士費，
忽然我諗下：其實有乜野會令自己嘗試坐的士去追黎影呢？早幾個月原來
有一晚13x拎左部AP行左最尾的一轉，我就用呢個特見黎諗如果我係街見到
，我會唔會坐的士去追呢？(即係假設唔坐的士追就一定影唔到....)

諗左幾日，都係認為自己唔會咁做，但一路仲諗緊其實有乜野既出現會令
自己坐的士追影巴士呢？

幾個人一齊既可能機會會多D，起碼的士錢冇咁甘嘛。

大家有冇試過，又或者心中的底線是見到乜野必影才會出動紅色交通工具
協助呢？

(註：由於此乃個人價值觀，回文請尊重別人意願，勿作違反板規的言論，
若有人因此被罰，可別要怪小弟開此題目啊！)

紅色交通工具…睇下你計唔計埋得個車頂係紅色果種啦
雖然我咁耐以泥捕車都係只坐巴士同鐵路去

咁樣去追巴士...太晒$喇... 遲ｄ部巴士出左牌日日影都得啦

如果你係街見到部AP..搭的士去追影
影完出尼咪又係一張相...裡面係架 AP 個電牌係 13X...

1999 年中二果陣我可以為左影 LV
晌興華村等 81 一轉(好似6部 LV)...
仲要係暑假夏天...又曬又熱
果陣得果十幾歲....諗返起真係有ｄ　ｏｎ居…XDD

每一個人對每一件事都有自己既價值...唔怪得佢地既

[ 本帖最後由 da89 於 2006-11-13 23:47 編輯 ]

我一定唔會...即使係幾十元的的士費...
其實應該講話我根本唔鍾意坐的士呢樣野....

當我為左影某車,我最會付出的只會係時間....
即係好似da89兄今....企向街等一轉.....
仲有學da89話:"出左牌日日影都得啦"

原帖由 wrightap 於 2006-11-14 08:10 AM 發表
我一定唔會...即使係幾十元的的士費...
其實應該講話我根本唔鍾意坐的士呢樣野....

當我為左影某車,我最會付出的只會係時間....
即係好似da89兄今....企向街等一轉.....
仲有學da89話:"出左牌日 ...

但「企晌街等一轉」又引申到另一個問題，
就係值唔值得為左一架巴士花上咁多時間？
如果你話係一轉好似273咁咁短程當然問題唔大，
但一般既路線大都要成個半鐘甚至更多，
咁既情況咁同花三百蚊搭的士有咩分別？
我覺得只係「有形」同「無形」浪費既分別而已。

P.S.1 我會花時間去影車，但唔會為一架車而花上時間
P.S.2 我會花金錢去搭的士趕做一件事，但絕不會花金錢搭的士追影一架巴士

原帖由 dennislokawai 於 2006-11-14 09:24 發表

但「企晌街等一轉」又引申到另一個問題，
就係值唔值得為左一架巴士花上咁多時間？
如果你話係一轉好似273咁咁短程當然問題唔大，
但一般既路線大都要成個半鐘甚至更多，
咁既情況咁同花三百蚊搭的士有咩 ...

今當然學版主你話啦...
一轉好似273咁咁短程當然問題唔大啦,
而且我有時都幾冇耐性,而且當然會有時間的底線係道,
好似269c呢d大長線我等佢都傻啦...
梗係上來呢道睇下有冇板友講大約開車/出現時間先再諗諗計啦

的士追巴士? 試過,不過是在國內....在深圳坐的士追架13.7米三軸宇通,只此一架,不過都係幾個街口,跟手上埋車~當日同另一版友上去的

原帖由 ~誰@359~ 於 2006-11-13 10:03 PM 發表
紅色交通工具…睇下你計唔計埋得個車頂係紅色果種啦
雖然我咁耐以泥捕車都係只坐巴士同鐵路去

巴士都有紅頂喎...
咪就係九巴熱狗囉~~~

P.S. 路人兄似乎忘記的士仲有綠色同藍色~~

原帖由 leslie 於 2006-11-14 09:47 發表
的士追巴士? 試過,不過是在國內....在深圳坐的士追架13.7米三軸宇通,只此一架,不過都係幾個街口,跟手上埋車~當日同另一版友上去的

我都試過係北京坐的士去追架 Benz Citaro Fuel Cell Bus，
不過呢 d 情況真係無得好講。人在外地，時間不能浪費，
機會亦不是垂手可得....

不過我都試過係香港坐的士去追巴士，不過肯定唔會係
三百蚊落車... (好似只係三十蚊)心中底線一定有，不過
要視乎情況 (例如再發生的可能性)，再視乎預計支出有
幾多。正常情況下新車一定唔會 (就算坐巴士追未必會)...