今日報紙:李克勤唱衰天水圍 業主要求賠償

原帖由 limited 於 2006-11-22 16:29 發表
今日(22/11)蘋果日報

李克勤唱衰天水圍  業主要求賠償

有天水圍居民投訴李克勤新歌《天水．圍城》歌詞醜化及抹黑天水圍，
令樓價下跌，在網上號召天水圍居民聯同區議會要求立即禁播此歌，
並要求唱片公 ...

首歌的歌名叫《天水．圍城》，唔係叫《天水圍．城》，亦都唔係叫《天水圍城》，
更加唔係叫《天水圍》，幾時有講過首歌係講緊天水圍，佢自己亂咁估就當真，
仲要話唔比人播，簡直係無理取鬧！

如果佢搭完N269/N969之後就失戀，咁佢又洗唔洗要求禁播《公主太子》？

如果佢住係公主道或太子道，咁佢又洗唔洗要求禁播《公主太子》，強行話
呢隻歌唱衰果２條街的居民？

平常心去看待它，這是「網聞普及化，新聞碎屑化」後，某些網民有心抨擊某類型的歌曲，
但卻無意中間接令李克勤的唱片，作廣效宣傳之用。

參考：
網聞普及化，新聞粉屑化：葉一知，香港獨立媒體，2006-10-27。

[ 本帖最後由 UCR683 於 2006-11-23 21:52 編輯 ]

呢班人既激動反應，似乎只係越描越黑
令到首歌既內容更加似係講緊果度既部分居民
咁樣一講，先至畀其化人見識到點樣「圍住了刻薄」

假如成功要求賠償，
我看以下例子亦可以。

巴士公司可要求曾發表批評其維修不佳的網友要求賠償，
因為批評內容雖然合理，但有被醜化及抹黑，
令客人改搭其他交通工具。

香港人可要求曾發表批評港府 「議而不決決而不行」的朱鎔基總理要求賠償，
因為批評內容雖然合理，但有被醜化及抹黑，
令投資者失去信心。

多不勝數....

睇完呢單新聞後, 本人對投訴者的言論只能感到無奈, 可笑, 荒謬.

我就唔信因為一首《天水．圍城》會令樓價驟跌啦, 難道呢首歌比人落左咒語?
同埋投訴人Maytin有無實質證據指因為呢首歌出現, 令樓價驟跌呢?

投訴人Maytin話歌詞多處唱衰天水圍, 文中佢所提出的理據亦十分無理,
不過佢自己對號入座我地都無乎......

仲有喎, Maytin你又知《天水．圍城》一定係講緊香港天水圍?
在中國甘肅省, 有一個位於東南部的城市叫''天水'', 唔信你可以查下中國地圖.
世界上亦有一本由已故作家錢鍾書所著的長篇小說, 名叫''圍城''
所以《天水．圍城》之歌詞不一定是指香港的天水圍, 投訴人的理論真是可笑......
什麼禁播......真是荒天下之大謬

呢單新聞, 當笑話咁睇算了

[ 本帖最後由 volvo_chan 於 2006-11-24 13:21 編輯 ]

原帖由 914 於 2006-11-23 21:40 發表


首歌的歌名叫《天水．圍城》，唔係叫《天水圍．城》，亦都唔係叫《天水圍城》，
更加唔係叫《天水圍》，幾時有講過首歌係講緊天水圍，佢自己亂咁估就當真，
仲要話唔比人播，簡直係無理取鬧！

如果 ...

係囉
要記住法律既野真係有少少偏差都可以成為關鍵
如果夾硬話隻歌係唱衰天水圍既
咁真係講乜都得架啦
咁同文字獄有乜分別先？

咁搞法真係下次d 填詞人
響作一d 帶到地方名既歌都真係好麻煩

原帖由 orange 於 2006-11-23 01:12 發表

講真《天水．圍城》以林夕今年填詞中寫得唔錯既一首,的
確寫出事實一面,唔再係愛情分手同暗戀,應該係值得嘉許.

夕爺都仲有大愛、觀世音呢類詞既，不妨嘉許多d。

睇完得啖笑算數喇
大家不用深究

我覺得除了業主可能為攞著數而追討索償外，
香港人很相信當有媒體提出一些信息後，作為
觀眾一定會接受，例如電視播放不雅鏡頭，他
們假定小朋友一定會模仿，但無深究背後還有
複雜因素。此外，我亦聽過有人求電視電影不
應有吸煙鏡頭，觀眾看到吸煙鏡頭便會養成吸
煙習慣，這是什麼道理呢﹖

<天水﹒圍城> 此歌推出後，接收者是否一定
覺得天水圍太多問題而不敢去那裡或買那裡的
樓，令樓市大跌，在這個帖子大家的看法已
證明得一清二楚。業主太高估媒體的影響力了。