今日報紙:李克勤唱衰天水圍 業主要求賠償

原帖由 Ketsu 於 2006-11-24 13:58 發表

係囉
要記住法律既野真係有少少偏差都可以成為關鍵

其實佢可以用咩法律去禁首歌, 同要求賠償呢?

誹謗?  本身誹謗罪好似係針對個人名譽,
講地方又唔算o番

之後, 我都諗唔到有咩可以去告了....

何況, 要肯定證明樓市跌同歌有直接關係,
我睇都好難....

[ 本帖最後由 3ASV196 於 2006-11-25 15:56 編輯 ]

睇完呢單新聞後, 本人對投訴者的言論只能感到無奈, 可笑, 荒謬.

我就唔信因為一首《天水．圍城》會令樓價驟跌啦, 難道呢首歌比人落左咒語?
同埋投訴人Maytin有無實質證據指因為呢首歌出現, 令樓價驟跌呢?

投訴人Maytin話歌詞多處唱衰天水圍, 文中佢所提出的理據亦十分無理,
不過佢自己對號入座我地都無乎......

仲有喎, Maytin你又知《天水．圍城》一定係講緊香港天水圍?
在中國甘肅省, 有一個位於東南部的城市叫''天水'', 唔信你可以查下中國地圖.
世界上亦有一本由已故作家錢鍾書所著的長篇小說, 名叫''圍城''
所以《天水．圍城》之歌詞不一定是指香港的天水圍, 投訴人的理論真是可笑......
什麼禁播......真是荒天下之大謬

呢單新聞, 當笑話咁睇算了

原帖由 914 於 2006-11-23 21:40 發表


首歌的歌名叫《天水．圍城》，唔係叫《天水圍．城》，亦都唔係叫《天水圍城》，
更加唔係叫《天水圍》，幾時有講過首歌係講緊天水圍，佢自己亂咁估就當真，
仲要話唔比人播，簡直係無理取鬧！

連李克勤都話首歌係寫天水圍，
你地講呢Ｄ野，都真係幾牽強

不過呢件事令我諗起鄭少秋單野
每逢佢出新劇股市都狂跌
又係睇到香港人幾識把握機會揾著數

原帖由 Citybus10 於 2006-11-25 12:17 發表
我覺得除了業主可能為攞著數而追討索償外，
香港人很相信當有媒體提出一些信息後，作為
觀眾一定會接受，例如電視播放不雅鏡頭，他
們假定小朋友一定會模仿，但無深究背後還有
複雜因素。此外，我亦聽過有人求電視電影不
應有吸煙鏡頭，觀眾看到吸煙鏡頭便會養成吸
煙習慣，這是什麼道理呢﹖

曾經有人批評過香港的電視節目越來越幼稚反智,
而本板亦有些板友講過無線劇集題材狹窄.

有乜辦法唔係咁? 拍乜都話對觀眾有影響.
食煙鏡頭 = 教壞人, 宣揚不良訊息,
家陣連廣告裡頭有人耍雜技都要出句蚊型字幕叫人唔好模仿,
正式船頭驚鬼, 船尾驚賊.
當觀眾係白痴.
咁不如24小時都拍兒童節目或者教育電視啦,
夠晒健康喇.

原帖由 bustop 於 2006-11-25 22:12 發表


曾經有人批評過香港的電視節目越來越幼稚反智,
而本板亦有些板友講過無線劇集題材狹窄.

有乜辦法唔係咁? 拍乜都話對觀眾有影響.
食煙鏡頭 = 教壞人, 宣揚不良訊息,
家陣連廣告裡頭有人耍雜技都要出句蚊型字幕叫人唔好模仿,
正式船頭驚鬼, 船尾驚賊.
當觀眾係白痴.
咁不如24小時都拍兒童節目或者教育電視啦,
夠晒健康喇.

同意！
香港好重所謂教育意義，
但係o個種教育意義我覺得黎得好表面同老土，
根本睇唔到個問題重心，
好似尋日o個集高朋滿座咁，
講蓋名輝孝順老豆，
又或者我真係唔孝順，
所以睇唔到有咩感動，
亦都好懷疑點解咁就感動到身旁o既廚師，唔同佢爭間餐館......
另外，一家人好踴躍咁幫陌生人，
觀眾睇左會唔會覺得人間有情呢﹖

曾經有o的激志歌真係好摸唔到重心，淨係叫人唔好灰心，
台灣日本o個o的好似唔係咁。

為左避開某o的野，
結果我覺得香港有好多教育意義o既野都好似假大空咁......

回番正題，
忘記講o個首歌，
呢首歌可以做借鏡，
道出左問題，
而唔係淨係叫人：「常存友愛，不要暴力」......
p.s. 林夕曾經講過類似唔想作情歌的話。

唔係喎
克勤定係林夕係講過呢首歌同天水圍無關的

好似其他討論區有人話齋
香港咁多歌, 又提分手又提第三者
唔通果排有人又係咁, 就話首歌影射區要告佢咩

首歌原名叫「撒哈拉沙漠」
但由於配合返大碟主題先改為現名

原帖由 FV6840 於 2006-11-26 08:30 發表
首歌原名叫「撒哈拉沙漠」
但由於配合返大碟主題先改為現名

呢個名我就未聽過
但係兩個名揀的話,我寧願叫番《天水‧圍城》好過

題外話:

之前冇幾耐我作了篇應用文,係改善電視節目類型的建議書,寫給電視台。我其中一點係指無線劇集題材狹窄(文中無提及無線),大部分係愛情為題材,我就建議部分劇集介紹行業,讓觀眾了解相關行業。

現在我對無線劇集完全無興趣,阿媽開電視就係播高朋滿座蓋名輝孝順爸爸o個集，我最懷疑廚師無la la 180度轉變，唔同佢爭間餐館。

P.S.Citybus10兄,唔大團圓結局會俾人投訴ga。

[ 本帖最後由 LN9267 於 2006-11-26 13:00 編輯 ]

原帖由 914 於 2006-11-23 21:40 發表


首歌的歌名叫《天水．圍城》，唔係叫《天水圍．城》，亦都唔係叫《天水圍城》，
更加唔係叫《天水圍》，幾時有講過首歌係講緊天水圍，佢自己亂咁估就當真，
仲要話唔比人播，簡直係無理取鬧！

如果 ...

講真，如果佢咁唔滿意，我諗呢個版本0既《天水．
圍城》一定0岩佢。

李克勤 - 天水‧圍城（世外桃源版）

不過最尾0個一小段comment 真係好正，頭先笑到我
噴飯......