你對巴士興趣近期有沒有冷卻?

從前多數喜愛遊牛河,不過開始有些悶,開始少了遊河,
近期開始留意關心社區事務,沒有對巴士那份熱愛,
小弟幼年時常常可以坐熱狗,想起來真是幸福 ,
不過隨即熱狗少了,多坐冷馬,真是慨嘆........
遲些三四年後沒有熱狗,對巴士興趣更加冷卻,
而且,興趣歸興趣,唔可以當飯食,
人長大了,很多要顧及,唔係好似北區首相會員今有家庭及巴士興趣可以兩者顧及
各位板友,你對巴士興趣仍然情濃及慢慢冷卻?
分享吧!

熱狗冷馬我都有興趣,所以全冷唔會令我減少對巴士那份熱愛,而學業/工作雖然會分薄左我"玩"巴士o既時間,但都無減我o既興趣,因為"玩"巴士唔一定要經常出去影車/上討論區,放學放工搭下巴士已經ok

不過隨著熱狗越來越少對我黎講都係好事,因為可以顯得熱狗相片同短片更有歷史價值

完全減低晒 相都冇影好耐
而家影巴士太大風險

我都冷卻左好多，主要有2個原因:
1. 今年上到中六，功課比CE多好多，仲要用更多時間溫習
2. 近年見到d巴敗行為引玫我唔想同佢地為伍

又唔可以話冷卻既，
但人大左，
要兼顧既野亦多左，
所以都唔多時間走左理巴士野。

經過隔左五年(?),今年再次去沙田廠
(記得上次去仲係見到HC1614接人由地下上樓上)
本人已經發覺到,原來已經同「現代」巴士迷開始有距離

連影相都唔係咁識既我,今年囉住部傻瓜機影相
真係發現自己連影相都唔夠年輕巴士迷影得咁認真

我現在返工同放工搭巴士,當巴士係風景咁睇
我就覺得自己好足夠
也許我似從來沒有最熱情地對著巴士啦!
所以沒有冷卻的問題!

唯一遊河呢D活動,我就一定唔可以唔做~
因為感覺又係好唔同!

[ 本帖最後由 CK4013 於 2006-12-8 23:17 編輯 ]

其他人對巴士興趣冷卻o既原因好簡單,
1.學/事業,愛情係最主要。
2.哩幾年新車款唔夠突出。
3.可能而家同以前想法唔同,
例如以前會專登捕新車,廣告車,
而家未必有心情咁做。
4.被某班敗類人所作所為影響,
及有一D人行為極其幼稚,引以為恥。

而我就屬於2,3,4;而1我就唔知會幾時面對。

[ 本帖最後由 jr9475cys 於 2006-12-9 04:51 編輯 ]

原帖由 daiteioh 於 2006-12-8 19:20 發表
從前多數喜愛遊牛河,不過開始有些悶,開始少了遊河,
近期開始留意關心社區事務,沒有對巴士那份熱愛,
小弟幼年時常常可以坐熱狗,想起來真是幸福 ,
不過隨即熱狗少了,多坐冷馬,真是慨嘆........
遲些三四年後 ...

我直情對巴士熱情大大冷卻, 遊河比以前減少好多,
最主要原因係九巴新車經常來來去去都係掛某些線,
特別係荔廠和沙廠完全毫無新意, 同時有地區性歧視,
令我覺得冇乜線好搭, 遊河意欲大減

所以近來都開始留意多些其他事物, 培養其他興趣

其實人大左就多左野諗，熱情總會有冷卻，
並唔係咩咁大不了。

正如呢個世界都唔係對對夫妻到左七老八十
都仲係咁恩愛喇。

我對巴士興趣係近幾年真係大大冷卻....宜家真係對巴士無咩興趣(不過我會買巴模留念)
主因係熱狗大幅度退役,車款亦越來越統一,
個人鍾意巴士係坐巴士可以居高臨下睇街景,係車上可以聽到街上的聲,
同埋可以打開窗吹吹風,(所以我都鍾意電車,不過我往九龍)
宜家真無咩機會可以做到.