馬鞍山及沙田惠康新店快將開張

今日o係報紙見到惠康有招聘廣告,提及馬鞍山及沙田會有新分店

有冇板友知道呢兩間新分店的位置呢?
馬鞍山o個間分店會唔會就係雙眼雞丁提及o既富寶花園商場?

呢兩間分店之前係乜野類型店舖呢?店舖大唔大架?

有冇人知道而家裝修到乜野進度?

原帖由 bigfish_hk2 於 13-12-2006 23:05 發表
今日o係報紙見到惠康有招聘廣告,提及馬鞍山及沙田會有新分店

有冇板友知道呢兩間新分店的位置呢?
馬鞍山o個間分店會唔會就係雙眼雞丁提及o既富寶花園商場?

呢兩間分店之前係乜野類型店舖呢?店舖大唔大架 ...

聽超市之友咁講，就真係似富寶果間請人喇。
而家成個舖位岩岩清晒入面所有野（估唔到一間大家樂都要清兩個禮拜），
聽日返去留意下係咪已經打通埋隔離既前理髮店先，
同埋口痕痕問老細拎份商場平面圖，度埋個尺寸俾大家參考。

噢﹗ 惠康回歸沙田市中心，太好了。

原帖由 virus 於 2006-12-14 00:06 發表
沙田果間可能係沙田廣場地下，
即新城市廣場巴士總站出口的位置。

好耐之前曾經係百佳，之後做個酒樓。約兩年前改為軒琴居門市，依家就改為惠康。

今日「裝」過入富寶商場裝緊修既舖位，前大家樂同埋相鄰既前理髮店已經打通左，
向公園仔既窗已經封晒，而且已經裝左第一道向上拉既鐵閘。
今日一點半左右仲有部載住一部小型冷氣水塔既大貨車入左黎，
唔知係咪俾佢用喇。（因為商場果部壞左成世既冷氣都未有聲氣有得整）

原帖由 virus 於 2006-12-23 03:30 發表
今日行經沙田廣場所見，
惠康已裝招牌，同時已開始裝貨架。

已經過左差不多十日
請問沙田廣場分店o既收銀機同門口個閘裝好未呀?
呢間分店大唔大呢?

究竟趕唔趕得切今個星期五開張呢?

富寶果間既進度：
門口既閘已經做好晒，入面既光管做好，但係假天花未郁過，因為富寶既樓底太高
貨架開始開工

富寶分店最新消息：
新店將於 12/01 星期五開張

今日所見，已經裝好三部收銀機，但係未有八仔機，
所有貨架已經裝妥，冇記錯有六行。
招牌燈箱係今日開始試燈。