電車翻新的歷史及問題

那樣那張桌子是放在哪裡呢？

補充少少, 由一九八六年開始進行換
新裝o既叮叮裡面, 第一架係 #143, 當
時上 CSL 全身廣告, 第二架同第三架
分別係 #159 同 #139, 呢兩架一前一
後咁上o左九倉o既一百周年全身廣告,
底色係銀色. 當時呢三架換新裝後o既
叮叮, 左邊前門後o既係一幅窄窗. 除
o左 #143 o既下層頭尾旁板係深啡色
同扶手柱同依家o既巴士扶手柱有一樣
o既紋狀之外, 佢地都有絕大部份白色
主調o既內籠, 上層頭尾同上下層兩邊
白色o既光管連罩, 紅色o既塑膠凳.(我
記得當時有架叮叮, 全白色內籠o既上
層有全綠色o既塑膠凳.) 由第四架開始,
前門後o既梗窗改用一大幅, 不過 #144
大改裝後, 曾經出現前門後同後門前都
係成幅板圍住, 冇耐就變番同第四架開
始o既一樣.

o係同一年, 曾經出現全蘋果綠色o既
換新裝叮叮, 我記得o既係 #39 同 #41,
呢隻色我覺得最好睇, 因為係好難得見
到o既, 佢地都係白色內籠.

第一架大改裝後用木色內籠o既叮叮係
#127, o係八七年一月尾重新載客, 果
年佢頭尾兩邊o既鐵欄柵已經俾人拆
o左, 就咁樣行, 同年大改裝後o既 #3,
#12 同 #85 都係(我記唔到咁多).

八八年, 陸續有更多叮叮返廠進行大改
裝, 最明顯o既係車底厚度加厚, 頭尾兩
邊已經用鋁板圍住, 不過依家叮叮o既
鋁板冇果年咁厚. 果年被改裝o既有 #8,
#13, #24, #29, #48, #51, #124, #129.

仲有好多, 不過我記唔哂.

重溫只限八六年大改裝o既叮叮 :
#36, #39, #41, #86, #89, #139, #141,
#143, #144, #159 (#41 o既窄窗唔係
橢圓形; #144 左邊下層頭尾曾經出現全
圍板.)

[ 本帖最後由 a396 於 2006-12-22 22:03 編輯 ]

原帖由 hkaiw 於 2006-12-22 04:34 發表
那樣那張桌子是放在哪裡呢？

一人售票那時賣飛佬坐在現右後旋轉梯位，桌子在他前面。

原帖由 a396 於 2006-12-22 21:42 發表
第一架大改裝後用木色內籠o既叮叮係
#127, o係八七年一月尾重新載客, 果
年佢頭尾兩邊o既鐵欄柵已經俾人拆
o左, 就咁樣行

難怪看回當時的影片及相片，看到當時的電車是沒有鐵欄柵，還以為是自己眼花。

另外，88是否也是首批翻新呢？記得當時是 Kenwood 銀色全車身廣告（好像還有一輛）。

至於39及41的蘋果綠色是在車身還是車廂呢？而41的古怪車窗應該是在一九九三年至一九九五年間被更換（當時首批翻新的電車全面加厚車身底部及把裙腳移下。

原帖由 MB36 於 2006-12-23 09:30 發表
一人售票那時賣飛佬坐在現右後旋轉梯位，桌子在他前面。

那樣當時的下層座位便少了？

原帖由 hkaiw 於 2006-12-23 21:10 發表

難怪看回當時的影片及相片，看到當時的電車是沒有鐵欄柵，還以為是自己眼花。

另外，88是否也是首批翻新呢？記得當時是 Kenwood 銀色全車身廣告（好像還有一輛）。

至於39及41的蘋果綠色是在車身還是車 ...

#88 都係八七年大改裝o既, 咁巧合o既
係 Kenwood 銀色全身廣告有 #127 份,
不過 #127 唔係一出就上.

#39 同 #41 o既蘋果綠色係o係車身度.

再補充少少, 比 #39 同 #41 更加乜都
冇o既係九零年春季大改裝後出街行
o既 #137(我記得 #37 都係), 點解? 因
為 #137 仲係鐵皮色囉! 果年大改裝
o既叮叮, 車窗下面有膠邊.(八九年已
經有喇, 第一架應該係 #31.)

原帖由 hkaiw 於 2006-12-19 14:39 發表

[於七十年代後期至八十年代初期，戰後型電車陸續進行第一階段的翻新，主要包括：

．封閉車頭及車尾上層頂部中間的氣窗
．左邊車身的地點牌箱改為在左邊樓梯的位置（尾門左邊）
．更改下層左邊的第一隻車窗、右邊（原本直樓梯的位置）補上車窗
．下層氣窗改為一塊過，中間沒有木條
．車廂顏色由綠色改為白色

粗黑色果部份係 HKT o係八五年改o既,
唔知係咪令到內籠比綠色時代更光定係
其他原因. 不過內籠翻油後唔係完全白
色o既, 白色部份只o係上下層o既上半
部, 下半部有綠色, 藍色, 紅色, 深黃色.
如果上層下半部係綠色, 咁下層o既下
半部都係綠色.

原帖由 hkaiw 於 2006-12-23 08:14 發表

那樣當時的下層座位便少了？

表面說對，但絕對是斷章取義，甚至不對。

當年可節省兩個售票員的企位，而過關式售票更可
杜絕逃票，賣飛佬再無需迫來迫去用姆指刮飛來示
意賣票。

至於不對，現在的電車才是最浪費座位空間。
先數下層
以前下層左前直梯時，右邊仍有坐位。
以前側牌在直梯後窗上方時，牌下仍是座位。
以前右前梯比現在右前梯少佔空間。
以前左後梯對面有座位，現在右後梯對面無座位。
以前扶手柱在走廊，乘客可坐緊靠一點，
現在扶手柱連座位，亦不方便像昔日齊齊側脾坐看街景。

再數上層
以前後梯之後是二加一及尾排四人位。
以前前梯之前，最前是四人倒頭位，左二排是直梯頂凌空
二人位，右二排是單人位; 即由以前七座位減至現在四座
位。