觀塘道過左地鐵站往藍田方向最新黑點！

觀塘道過左地鐵站巴總往藍田及東隧口方向既交通燈已於早兩星期取消，
現時只是由觀塘道左轉入翠屏道及由翠屏道左轉出觀塘道要停紅綠燈。

但可能有司機未熟習新措施，好多由觀塘道直去既車見左轉入翠屏道燈位
轉紅燈而急剎車，萬一後面既車跟得太貼或老早已知直去不用停燈而老馮
唔收慢，咁就大大鑊喇！

類似既大鑊野今早發生了一次，一部泥頭車將前面的士整個車尾箱部份撞
散晒，大家呢期經過果度真係要打醒十二分精神呀！

果個位應該保留那個交通燈, 但可以長著一個向前綠箭咀便成, 可減少不必要誤會,
而司機看見燈位在前牌也不會有一定不必停的感覺.

在觀塘道左轉入將軍澳道那個位也是十分騎呢. 你在觀地隧道過了上述那燈位後才可
cut 去最左線, 如果巴士站有兩三部巴士埋站, 而你也不太熟路, 在過了埋站的巴士後
你才會發現原來還有兩條線要 cut 才可左轉入將軍澳道, 但距離已很短, 如果車速太快
便很易錯過.

原來之前取消交通燈係因為隧道近出口既快線有修路公程，宜家
條路整返好，個交通燈又開返喇。

最新消息：

觀塘道過左地鐵站隧道往藍田方向直行既交通燈再次取消，而路面
沒有任何路面工程，今次可能係永久取消該直行之交通燈。

由翠屏道轉出觀塘道既車仍然要停燈，轉出黎時要過一段仔雙白線
才可轉線。觀塘道轉入翠屏道亦仍然要停燈。

大家行經該處請小心。

唉，原來又係快線有工程，今晚已封了隧道出的的快線。

原帖由 HY671 於 2007-3-9 13:51 發表
最新消息：

觀塘道過左地鐵站隧道往藍田方向直行既交通燈再次取消，而路面
沒有任何路面工程，今次可能係永久取消該直行之交通燈。

由翠屏道轉出觀塘道既車仍然要停燈，轉出黎時要過一段仔雙白線
才可轉線。觀塘道轉入翠屏 ...

我認為那2個燈位是有存在價值的
因為都見過唔少人果頭過馬路~