一肚氣:港龍航空=糟糕航空

小弟原定乘26/12/2006 1410的KA811由南京回港
但因26號南京50年一遇大霧所以不能升降,
Dragonair以Delay為由將航班改為27/12/2006 1410,我地只
好自己找酒店住多一晚,我地就白白行了一趟
到27號我地再次到南京機場,今次佢地比我地check in
我地滿心歡喜可以回港點知入到侯機室的時候
等到1345仲未有飛機停泊到我地的登機橋

南京的地勤明明係話我地隻機已經一早到了南京的
比我地早少少起飛的KA813班機就真係有隻機走
仲起飛埋添,好喇過O左一陣南京班地勤就話隻機要DELAY
就無我地解釋點解,又無話要delay幾耐,之後有個所謂南京
最高既主管就同我地解釋因為大霧關係所以隻機落唔到黎
飛o左去上海,咁就問佢地幾時會飛過返黎,佢地就一直講唔知
諸多藉口,到差唔多四點至五點佢地話隻機o係上海起飛
六點幾就會到,但過了一排o個個主管就話隻機要清關要再度delay
再之後就說因為批文未得到所以未能起飛,好喇,到差唔多7點左右隻機
真係由上海落o左黎南京,個機師就話因為超過佢既工作時間唔肯飛
而地勤就話比我地知有一班8點50分左右既機由香港到南京既會載住
一批機組人員接o個部由上海飛黎既機送我地返香港,最後我地用10點先
真真正正由南京起飛返香港,返到黎岩岩好12點幾...

在南京機場內多名乘客鼓譟,港龍的地勤應變不足,處理問題又不善
最大問題係佢明知個機師超過工作時間的話早就不應叫佢將飛機
由上海飛過黎喇,身為香港人我覺得港龍簡直係令我地港人蒙羞
最諷刺係佢地話因為大霧無400米所以唔飛,但偏偏比它還小的澳門航空
同全球最好既航空公司-新加坡航空公司都有機升降,雖然新加坡都係delay
但人地有水有野食有氈,我地就要同佢地爭取先有呢o的食品
我唔明,既然佢話安全標準,難道新加坡的標準比港龍還要低?

我足足比佢地攪o左成一日零八個鐘,明明27就要返工攪到又要請多日假
我地返到香港就有港龍香港的地勤接待了解件事,因為太夜,所以我地要求
佢地包的士送我地回家,但我o係度強調,咁因為我地從南京打電話返過黎
香港投訴先有呢次既接待,詳細內容真係有口難言...

返黎香港之後,28/12向港龍查詢佢就以因為delay為由不予賠償
要我地用black & white寫返有咩要求,先再考慮,
港龍一間咁大既公司,既然飛唔到點解唔cancel而執著用delay呢個字
呢,如果佢係cancel既我大可以轉搭其他公司飛機吧!

一個27/12/2006 KA811 的乘客
希望可以上報吧,呢單新聞
這不是一件小事,而是代表香港人的事
因為港龍作為本地既航空公司,提供咁既服務令人驚訝!

[ 本帖最後由 kkkwok 於 2006-12-29 00:27 編輯 ]

原帖由 kkkwok 於 2006-12-28 16:16 發表
小弟原定乘26/12/2006 1410的KA811由南京回港
但因26號南京50年一遇大霧所以不能升降,
Dragonair以Delay為由將航班改為27/12/2006 1410,我地只
好自己找酒店住多一晚,我地就白白行了一趟
到27號我地再次到南 ...

1.每間公司都有自己一套標準,唔排除港龍對能見度
要求比新航同澳門航空高
2.無論如何都要飛隻機過左來先,上海係轉飛過去既,
點都要飛番過來原定目的地落客,番到原來目的地
搵crew亦容易一d..

樓主,
天氣問題delay人地點知幾時搞掂?

仲有,
唔同機唔同公司有唔同既標準ga ma,
人地可能只係夾硬/被迫降落咋.
機師晌唔肯定既情況下我就想佢保守D啦!

港龍係based in香港既航空公司,
但係從來冇人話佢代表香港喎!
人地邊有咁好心機諗港龍點點點香港又會點點點呀!?

原帖由 ArnoldC 於 2006-12-28 22:10 發表
樓主,
天氣問題delay人地點知幾時搞掂?

仲有,
唔同機唔同公司有唔同既標準ga ma,
人地可能只係夾硬/被迫降落咋.
機師晌唔肯定既情況下我就想佢保守D啦!

港龍係based in香港既航空公司,
但係從來冇人 ...

我諗你可能唔太明我講咩
26/12/2006大霧無機無問題
但27號既安排係一個十分難睇既安排
已經再與天氣無關,o個日佢地係適合起降
因為佢地有一班KA813同我地差唔多時間起O左飛的
所以而家係佢地航機安排同處理延誤既做法有問題
同一間公司莫非雙重標準?我地臨check in時佢已經話
我地搭隻機落o左黎o嫁喇...咁點解3點鐘會o係上空盤旋
點解唔o係上海抽機組人員過黎代替個唔可以再揸的機師呢
咁多個鐘乜野準備都做到喇,係咪?

如果港龍以香港為基地,咁都代表唔到香港
咁我應該榮幸,因為香港無一間令人咁羞恥的公司
而尋日好多人都誤會了,因為佢地差唔多都覺得港龍就係
代表香港,佢揀港龍係因為服務好,我們見識到了...
如果這公司標準係咁高,佢地應該對尋日留在南京機場
的KA811旅A務一樣高,對嘛?
如果呢間公司標準咁高就唔需要我地打電話返香港
要香港既主管親自接我地傾.

我覺得咁,岩就讚,錯就彈,我同佢無利益衝突,
我無必要第一次搭就咁彈佢,而我覺得呢間公司
係代表香港,我就係唔想因為咁樣對香港
有壞形象,如果真的天氣理由,應該早就通知我地
下一步點做,他們大可以安排我地入住酒店,我地
都有要求過,但個話自己係全南京最高的主管竟然
話房已訂了但佢安排與否超出佢能力範圍,如果佢r
都話唔到事,邊個話到事,到最後又話可以安排但隻
機又黎緊,咁我地聽邊樣先岩? 我絕對相信天氣理由
唔係今次我投訴既主要原因,而係天氣理由之後佢地
既安排十分不知所謂,也許正如板友說公司標準不同吧!

[ 本帖最後由 kkkwok 於 2006-12-29 00:42 編輯 ]

點解唔o係上海抽機組人員過黎代替個唔可以再揸的機師呢
咁多個鐘乜野準備都做到喇,係咪?

最諷刺係佢地話因為大霧無400米所以唔飛,

只係假設 如果 係PVG抽班crew去NKG
咁原本PVG果班機又邊度搵D CREW做哩?
同MU/FM借 CREW 飛番HKG?


再者因為機師因為工作時間唔飛
KA係香港安排另一批crew上黎接番隻機番香港 都要時間安排架
而且佢地一日兩班飛NKG  安排到CREW 都要等埋有機去NKG先得

以我所知 能見度都會影響機師既決定
曾經有OZ去ICN既航班都因為天氣問題而上晒客係度等 (未pushback)

[ 本帖最後由 eg8739 於 2006-12-29 01:10 編輯 ]

其實你可以話佢CS做得唔好，呢個Absolute係事實...因為Delay班機
而唔比食宿，的確係唔合乎常理(但無講過係must)

至於機組人員，響好多方面都覺得係正確...

1) 因為「爆鐘」而唔飛，呢個唔係個人問題而係法例問題，根本唔可
以比機師繼續飛

2) 因為大霧唔落，或者應該睇一睇有關o既書，甚至係玩o下Flight Sim
咁你就會知道即使有安全指引，但係響任何情況下負責o既機師覺得唔可
以有100%或以上o既信心安全降落，都需要立即放棄

呢個唔係指引或者界線問題，而係飛行安全問題...就好似派比安果一次
咁，點解有D仲肯響香港降落但係有D仍然要divert呢？

3) 安排失誤
如果轉飛o左去上海o既機唔返南京，咁上面o既人點「落地」呢？至於
話清關、空管o既因素而令機師「爆鐘」而Delay，我諗無人會想，亦都
無人可以控制得到...

所以有時需要仔細研究錯在邊度先再投訴...

CS引發出o黎o既問題，好多公司都係咁...其他o既唔講，剩係交通機構都
有唔少o既例子...

原帖由 kkkwok 於 2006-12-29 00:10 發表


我諗你可能唔太明我講咩
26/12/2006大霧無機無問題
但27號既安排係一個十分難睇既安排
已經再與天氣無關,o個日佢地係適合起降
因為佢地有一班KA813同我地差唔多時間起O左飛的
所以而家係佢地航機安排同 ...

天氣影響唔係話今日清就聽日回愎正常.
你要知道D機好多時係一落地即刻最短時間trunaround然後又飛過,
可能一星期先入廠倒屎同大check...etc.,
Delay係幾乎一定有骨牌效應ga!

而佢機司夠鍾既問題,
佢搵唔到就係搵唔到standby crew,
如果上海冇咁你想佢點?

KA813你知唔知係咩機?去邊?經邊道?
機司都係跟航空公司規定同自己專業判斷,
你又係咪想佢唔sure都照飛?

我同意佢對班客既安排係有問題:
例如Delay既時候消息唔清楚,
態度欠佳,
無水無野食無氈等.
但係其他operational上既野就唔贊成啦!

我個人黎睇,我覺得如果佢可以好似26號同我地
講話delay 1日而唔係好似而家咁講完一次delay又
delay再delay的廢話的話,我地會比較滿意,因為26號
根本就落唔到機我地好明白,但點解我地check in時佢地
已經話我地隻機落o左又無得飛呢?
我地身為乘客唔知佢地點樣安排,我地根本唔知應該點做,
我地只可以從佢地口中得到消息,而佢地既消息既
混亂又唔準確,一時一樣一時一樣咁,我地當時唯有
同其他公司比較
如果你地話間公司今次咁樣飛機安排做得無問題
咁我真係唔明點解佢安排到隻機黎由上海起飛時
唔係已經知隻機個機長超時,而係到o左先講超時唔飛呢?
莫非佢地數都唔識計?我知有規定唔可以超時飛,但
既然黎到都飛唔到咁飛隻機過黎做咩?如果佢呢方面做得好,
根本就唔需要飛隻機過黎先,如果無人接係咪應該計到可以
等班機師休息完既時間才飛(例如:一日之後...etc)

我地o係南京足足等了8個鐘,2個鐘就可以飛去南京,
都可以飛4次喇,8個鐘都唔足以令咁大既公司派上後
備機師上場的話,偏偏要等另一班機坐o係客艙既機組
人員接呢班機,荒謬!
佢地解釋呢班坐客艙的機師只係另一班的機的機組人員
並唔係專登為我地而來的,咁既然佢地既彈性係咁大,
我有理由相信上海比南京航班更多,可調動既人員比南京
應更有彈性吧!

如果今次港龍除cs外真係一o的問題都無
咁只係我既問題,因為我揀錯了呢間航空公司
我相信今次事件只係佢地默守成規,不懂靈活變通

我係在職人士,27號本應要返工,我係咪應該同我老細講
你唔可以怪我因為只係航空公司既CS問題,我是否唔應該怪佢地?
而同場亦有人要去傾幾百萬既生意,如果因為佢地咁樣既安排
無o左單生意,咁都只可能怪呢間公司既CS做得不好,對嘛?
就係佢地一句既"天氣理由"而家就拒絕賠償咁係咪就可以
將責任推卸呢?今次除了天氣,真係沒有人為失誤?
我老細同我講"你係無返工就無返工喇,我理得你咩天氣理由"
呢隻死貓真係好味....

[ 本帖最後由 kkkwok 於 2006-12-29 09:56 編輯 ]

原帖由 kkkwok 於 2006-12-29 09:50 發表
我個人黎睇,我覺得如果佢可以好似26號同我地
講話delay 1日而唔係好似而家咁講完一次delay又
delay再delay的廢話的話,我地會比較滿意,因為26號
根本就落唔到機我地好明白,但點解我地check in時佢地
已經話我 ...

有陣時delay幾耐係好難預計,
如果佢話左一日但係之後好快飛到,
佢點搵返你呀?

佢班機如果要返南京就要返南京,
就算之後機長會超工時佢都要返.
如果唔係去南京果D客點算?
佢又點搬架機來南京接你?

有時調動唔係話咁易,
佢搵左人來運你咁第二班客點算?

至於同老細講lee樣呢,
我就唯有祝你好運啦!
或者你可以試下同港龍講,
叫佢証明返啦.

[ 本帖最後由 ArnoldC 於 2006-12-29 18:20 編輯 ]

原帖由 ArnoldC 於 2006-12-29 18:19 發表



有陣時delay幾耐係好難預計,
如果佢話左一日但係之後好快飛到,
佢點搵返你呀?

佢班機如果要返南京就要返南京,
就算之後機長會超工時佢都要返.
如果唔係去南京果D客點算?
佢又點搬架機來南京接你? ...

如果我地check in o左佢地安排既酒店
要搵我地有幾難?
呢個咪就係佢地既安排有問題
我地班機積o左26/27號既客
難道我地無優先離開既權利,還要幫佢r
擔心埋下班機o的客如何?唔係呀嘛!
問題應該係佢地去解決,而唔係我地幫佢解決喎!
所以我話如果板友認為只係cs有問題,我真係無話可說
人係生既,計係死既,可能板友會覺得呢o的係政策問題
一定要跟,但如果你真係咁諗,只可以話唔識靈活變通囉,
其實件事好簡單,一早將我地送去酒店安撫,有機即刻通知
出發,就已經解決了27號所有既問題,至少乘客不用被地勤一次
又一次"欺騙,反正佢話酒店已經訂好而班機又一定遲了

老細方面乜野証明都出了
港龍寫的2張証明都出了,結果就是換了
這句話,我諗板友你可能覺得一次既delay
唔係太嚴重,但好似今次小弟咁,港龍就甩難喇
佢一句天氣理由乜野賠償都無,
我就捱插,箇中過程,唔係板友你一句祝我好運就夠
我覺得今次港龍責無旁貸囉!到而家道歉都無聽過一聲!

[ 本帖最後由 kkkwok 於 2006-12-29 23:52 編輯 ]