新巴服務 日日退步 (歡迎接龍)

原帖由 alexero 於 2007-1-1 20:48 發表


我無要求過要有位坐
我只係要求響合理時間內(10-15分鐘)上到車
但新巴連咁少少既要求都做唔到
仲唔係「新巴服務　日日退步」？

如果682係好似74X咁
3分鐘一班車，連續三班飛站又點話，等到第四班都只 ...

任何一間公司都係睇數做人,開多一班同開少一班背後涉及幾
多人力物力同埋錢,特別係長途線,開多一班車就要派多一架車,
點可能中途要派車,別忘記中途站起載即係總站少咁架車

一架巴士如果唔達標載唔夠客,只可以講呢班車要bye bye cut走,
繼而拉上補下,正如當年307都要定一o的要求去全日,除了因為路
面資源外,最重要係唔好開一班浪費資源既線

繁忙時間點都有人搭唔到車,除了要巴士公司加車外,點解唔可以
自己去改變一下?早幾分鐘出門口唔通真係咁困難?

原帖由 orange 於 2007-1-2 03:08 發表


任何一間公司都係睇數做人,開多一班同開少一班背後涉及幾
多人力物力同埋錢,特別係長途線,開多一班車就要派多一架車,
點可能中途要派車,別忘記中途站起載即係總站少咁架車

一架巴士如果唔達標載唔夠客 ...

我就唔同意繁忙時間一定有人搭唔到車
如果搭唔到車，條線開0黎做乜，有生意唔做，公司開0黎做乜
如果只係得一兩個上唔到，只可以話你唔好彩
不過我睇樓主0既相，條龍都有10-20人，呢個數目，足以係斷纜時踢去該站接人
雖然係尾站，但貴為一間服務性行業0既公司，應該係效益同服務中有個平衡
新巴就係看利益太過重要，新巴頭幾年都幾得歡心係因為公關做得好，公關
係賺唔到錢，但有非直接地增加收入，之後唔得啦，變0左我要贏取乘客罵新巴

巴士公司做調查就係要知道乘客0既搭車模式，邊個站幾時有人坐，有乜理由
要乘客就返間巴士公司先，一兩個就話0者，但太多人得唔到應有0既服務就要正視
如果做任何0野都改變唔到，先至改變自己0既乘車習慣。當然你可以唔投訴，早0的
出門口，我都會咁做，因為我知係改唔到，但唔可以唔俾人反映

[ 本帖最後由 nwfb23 於 2007-1-2 06:28 編輯 ]

今早老早出左去將軍澳做點事, 做完返左MOS食早餐之後, 就無聊出左去睇下682
的班次及客量係咪真係咁唔合比例...

小弟見的第一班682係1077, 8:11a.m.由小瀝源路右轉去大老山隧道, 已經係頂閘,
俾唔俾人上都好視乎個司機...之後8:11a.m.至8:25a.m. 就有兩班都係近乎頂閘的682
駛經同一位置, 係大老山上唔上人亦都係視乎司機做法.

8:27a.m., 3006就到達第一城單車公園對開的分站, 當時部車d乘客已經係企到門口,
看來上埋九巴廠對出的分站, 大老山的乘客都未必上到車, 和之前的幾班682差唔多情況.

8:34a.m., 1216到達第一城單車公園對開的分站, 呢班車比3006更加多人, 應該都停唔到
大老山隧道的分站的了.

8:35a.m., 3026緊隨1216到達第一城單車公園對開的分站, 呢班人數冇1216咁多, 因為都係
跟著1216, 但都要企到接近司機位...大老山的乘客好彩, 而司機又好人既話, 應該上到車...

之後就真係離晒大譜, 要到8:51.a.m., 1213才到達第一城單車公園對開的分站, 只有部分乘客
上到車, 頂閘情況係頂點, 沙甸魚咁, 多一個人也容不下...

9:01.a.m., 5083到達第一城單車公園對開的分站, 呢班就好好多, 只係中門附近有人企, 上埋九巴廠
對出的分站, 都仲有位, 剛好夠係大老山上返十幾個客吧...

照咁睇, 看來應該係3026及1213中間加多部車會好d...

題外話, 680A及680客量都係一時時, 有D班次來到仲有位坐, 有D直頭要飛站, 個
差別都幾大....

[ 本帖最後由 hkbw 於 2007-1-2 11:35 編輯 ]

原帖由 orange 於 2007-1-2 03:08 發表

任何一間公司都係睇數做人,開多一班同開少一班背後涉及幾
多人力物力同埋錢,特別係長途線,開多一班車就要派多一架車,
點可能中途要派車,別忘記中途站起載即係總站少咁架車

一架巴士如果唔達標載唔夠客,只可以講呢班車要bye bye cut走,
繼而拉上補下,正如當年307都要定一o的要求去全日,除了因為路
面資源外,最重要係唔好開一班浪費資源既線

繁忙時間點都有人搭唔到車,除了要巴士公司加車外,點解唔可以
自己去改變一下?早幾分鐘出門口唔通真係咁困難?

以今早小弟所見的情況來講, 閣下講既通通都不能應用在682的乘客身上...
如果佢地要改變, 看來要早最少一個鐘或者遲一個鐘出門口...

照睇, 加多班車係適當的SLOG, 唔好話唔達標唔夠客, 清唔清得晒D客都成問題...

原帖由 hkbw 於 2007-1-2 09:51 發表


以今早小弟所見的情況來講, 閣下講既通通都不能應用在682的乘客身上...
如果佢地要改變, 看來要早最少一個鐘或者遲一個鐘出門口...

照睇, 加多班車係適當的SLOG, 唔好話唔達標唔夠客, 清唔清得晒D客都成 ...

不過如果 d 車全部都係去到第一城先打爆，咁即係話只係得大老山隧道既乘客上唔到車....
如果只係為左一個站的乘客去加一架車，聽落又好似有問題喎.....

忽發奇想.... 不如開條大埔柴灣 P 線算啦~

原帖由 da54 於 2007-1-2 11:12 發表

不過如果 d 車全部都係去到第一城先打爆，咁即係話只係得大老山隧道既乘客上唔到車....
如果只係為左一個站的乘客去加一架車，聽落又好似有問題喎.....

忽發奇想.... 不如開條大埔柴灣 P 線算啦~

其實單係第一城個幾個站, 小弟就見到就算可以企門口都好, 有d人真係
會等多班先上, 甚至有人原本排682之後上左680, 咁計既話, 其實部部車都上唔晒d客,
如果係適當的時間加開一部車, 有助清客之外, 亦可以令之後個班車冇咁"沙甸魚",
咁計下去的連鎖反應, 其實應該就可以處理個問題....

原帖由 hkbw 於 2007-1-2 09:51 發表


以今早小弟所見的情況來講, 閣下講既通通都不能應用在682的乘客身上...
如果佢地要改變, 看來要早最少一個鐘或者遲一個鐘出門口...

照睇, 加多班車係適當的SLOG, 唔好話唔達標唔夠客, 清唔清得晒D客都成 ...

突然諗到一樣野....
682 係新界東去港島東唯一選擇....
而上水大埔出黎亦至得呢個轉車站可以轉乘....
無理由要人由上水大埔搭去馬鞍山轉呀嘛....

你話如果之前滿 其他人都可以行前一兩個站....
但我唔見得呢堆客可以選擇行前一兩個站....

原帖由 teddybus 於 2007-1-2 12:15 發表


突然諗到一樣野....
682 係新界東去港島東唯一選擇....
而上水大埔出黎亦至得呢個轉車站可以轉乘....
無理由要人由上水大埔搭去馬鞍山轉呀嘛....

你話如果之前滿 其他人都可以行前一兩個站....
...

搭後一個站law

如果大埔出的話, 倒不如搭307過對面海先轉, 又或者係東隧轉694好過啦..
以今早682的服務, 老實講, 我就唔多覺得合格了...

即使真係提出反證據指控682飛站的情況，我諗TD都未必會要求新巴做野．
反而會建議閣下乘搭馬鐵轉東鐵及地鐵前往港島東．
所以，都係勸樓主避開有關時段等682．

原帖由 hkbw 於 2007-1-2 09:46 發表
小弟見的第一班682係1077, 8:11a.m.由小瀝源路右轉去大老山隧道, 已經係頂閘,
俾唔俾人上都好視乎個司機...之後8:11a.m.至8:25a.m. 就有兩班都係近乎頂閘的682
駛經同一位置, 係大老山上唔上人亦都係視乎司機做法.

8:27a.m., 3006就到達第一城單車公園對開的分站, 當時部車d乘客已經係企到門口,
看來上埋九巴廠對出的分站, 大老山的乘客都未必上到車, 和之前的幾班682差唔多情況.

8:34a.m., 1216到達第一城單車公園對開的分站, 呢班車比3006更加多人, 應該都停唔到
大老山隧道的分站的了.

8:35a.m., 3026緊隨1216到達第一城單車公園對開的分站, 呢班人數冇1216咁多, 因為都係
跟著1216, 但都要企到接近司機位...大老山的乘客好彩, 而司機又好人既話, 應該上到車...

之後就真係離晒大譜, 要到8:51.a.m., 1213才到達第一城單車公園對開的分站, 只有部分乘客
上到車, 頂閘情況係頂點, 沙甸魚咁, 多一個人也容不下...

9:01.a.m., 5083到達第一城單車公園對開的分站, 呢班就好好多, 只係中門附近有人企, 上埋九巴廠
對出的分站, 都仲有位, 剛好夠係大老山上返十幾個客吧...

你見到的，係好正常的上班日情況

今朝8:30am左右去到大老山等車
已經有十幾人響度等，相信已經有最少一班682飛站(即係話我再早D出門口都係無用)
8:35am 3006埋站，未頂晒閘，一口氣清晒所有客(約20人)，包括小弟
當然，排隊尾的都只係勉強上到車，迫到出門口

----------------------

我講682前前後後都開左三條thread，應該係時候告一段落
該說的，可以說的，已經說得七七八八，連我自己也說得生厭
我打算做的事，會繼續，但應該不會再拿上來討論了
大家就當我見識少，不懂得「為巴士公司利益著想」吧