「熱九巴」五年內絕跡

原帖由 kmb~mcw1 於 2007-1-27 17:40 發表
剩低的熱狗會不會去做訓練巴士
如果該批熱狗可去做訓練巴士的話，熱九巴可以到五年內退役

密龍最少可以改做空調巴士
如果該批密龍成功改成空調巴士的話，最少可以玩多幾年。

唔知批老虎蘭/豪會唔會賣去外國呢 ?...

我覺得熱狗幾時死, 點樣死, 一年死幾多隻都唔係大問題
只係香港人不嬲嬌生慣養, 冬天怕凍夏天怕熱春天怕濕秋天又怕燥
所以先對熱狗咁憎恨, 但係講到環境污染
我唔相信現存o既熱狗會比現存最老o既冷氣車更污染
當大家咁希望架架都係冷氣車o既時候
無論佢幾多年車齡, 排廢氣有幾多
都唔係大家心中諗緊o既野
最重要係巴士有空調
咁大家就再根據呢個基礎創造無限藉口斬殺熱狗

原帖由 jubilant 於 2007-1-28 22:18 發表
我覺得熱狗幾時死, 點樣死, 一年死幾多隻都唔係大問題
只係香港人不嬲嬌生慣養, 冬天怕凍夏天怕熱春天怕濕秋天又怕燥
所以先對熱狗咁憎恨, 但係講到環境污染
我唔相信現存o既熱狗會比現存最老o既冷氣車更污染 ...

小弟好同意架，而家香港人捨熱取冷，熱狗價錢平都無法取悅市民。
我無奈接受熱狗要老退，但有板友說熱狗＝污染，我就不太認同，政府及九巴將熱狗污染比歐盟引擎冷馬高原因，就是熱狗是舊款巴士，自然污染物排放量較多。

如果九巴肯買熱狗，歐四熱狗一定比同時期冷馬環保／較少污染，退熱狗減污染只是藉口。
小弟曾說過可採用像冷氣出風口的風機，每排座位都有開關，這樣熱狗就沒那麼熱。當然，這只會增加巴士公司成本，又要收熱狗價，九巴又點會咁人做。

先兩年去澳洲，澳洲熱狗就係咁，不過果邊巴士公司（布里斯班）冷熱同價，問題就無咁大。

原帖由 Fun_FC 於 2007-1-29 10:17 AM 發表


小弟好同意架，而家香港人捨熱取冷，熱狗價錢平都無法取悅市民。
我無奈接受熱狗要老退，但有板友說熱狗＝污染，我就不太認同，政府及九巴將熱狗污染比歐盟引擎冷馬高原因，就是熱狗是舊款巴士，自然污染物 ...

用冷車價去坐熱車，我都願意，現在本人不坐熱車的原因，是因為無得選擇，過海路線、港島區巴士線甚本上已全冷。

以同一款車計，暫時未見到有人提出合理解釋指出熱車不及冷車環保。
有人會指出冷車能阻止污染物，但那些污染物亦是由車所產生......

OT: 某某上市小巴公司冬天都開空調......有窗都是如此，好討厭。

原帖由 superay 於 2007-1-29 11:51 發表


用冷車價去坐熱車，我都願意，現在本人不坐熱車的原因，是因為無得選擇，過海路線、港島區巴士線甚本上已全冷。

以同一款車計，暫時未見到有人提出合理解釋指出熱車不及冷車環保。
有人會指出冷車能阻止 ...

政府同部份 NGO 睇野不嬲都咁片面啦, 一時叫d冷狗部冷氣唔好調咁低, 咁樣可以減少製造熱氣, 咁樣不如直頭坐熱狗好過啦!!

講真要比較除左單計引擎排廢量, 仲有冷氣製冷時產生的熱氣, 同埋衛生程度, 好多野可以比...