今天拍攝的八號幹線（沙田段）及T3主幹道相關工程進度

原帖由 fuwing 於 2007-2-3 00:06 發表
我想知大埔公路(希爾頓同松嶺路之間)一段會唔會起番回程架??

果時拆左由順景工業大廈落健康院的行人天橋就係用來起出九龍的行車天橋, 因為T3公路的橋墩位起舊路中間, 故實質上無疑係將條舊天橋左移, 落橋去大埔公路大圍段的路就要起橋底左穿右插先到城河道路口, 入沙田則剷o西以前松嶺路同大埔公路中間的停車場, 公園仔, 起新路上天橋(條天橋行車線係以前出九龍果條)落到獅子山隧道公路交界, 由於這邊工程不知何故屢次延誤, 話一年搞掂到而家差唔多就來3年都未起好, 72A用番以前的行車路線都仲要等一排

原帖由 GK9636 於 2007-2-3 00:12 發表

而家成段路天橋疊天橋, 打o西交叉, 都要一排先適應

其實成條八號幹線都係近乎未來小說式既橋疊橋...

細個除左睇科幻漫畫，好難想像 D 橋會好似而家大圍同埋蝴蝶谷咁疊法...

原帖由 238X 於 2007-2-3 13:02 發表


其實成條八號幹線都係近乎未來小說式既橋疊橋...

細個除左睇科幻漫畫，好難想像 D 橋會好似而家大圍同埋蝴蝶谷咁疊法...

早7、8年前廣州、上海個d環線公路已經係咁樣橋疊橋.....

個陣覺得好核突，估唔到香港都咁樣起路....

但係唔咁又可以點?

原帖由 ArnoldC 於 2007-2-3 21:17 發表

但係唔咁又可以點?

如果係 SimCity，拆左 D 樓再起過會係比較簡單既辦法...
但而家你話拆人樓，結果會係你個招牌被人拆左先。

原帖由 virus 於 2007-2-4 00:48 發表


唔知我有無理解錯誤，你話一年左右應該係當時預期既改路時間，係唔係?
其實係由2005年4月開始改路，當時預計要19個月時間完成該改路路段工程，
即是在上年尾(2006年11月)要完成並回復舊路。

當時話如果 ...

據我所知當初T3公路原計劃逐段完成, 當初松嶺路附近引路同火車軌上的新天橋係計劃中最早完成的一段, 以減少附近對附近交通的影響, 除左因為有一段時間經常落雨而停過工, 這邊唔知仲咩曾有一段唔短時間係冇點郁過, 反而係去趕沙田嶺果邊的工程, 如果有留意進度, 拆左條行人天橋已經有差唔多兩年幾, 隔左好耐先起火車軌上起新天橋, 而且都係近幾個月的事, 而塊完工日期板係可以見到不斷有紙貼起舊日期上, 冇記錯而家已經係07年年中左右

不過T3公路要幾年先起好其實唔出奇, 因為大圍個段高架路係夜晚先逐晚砌兩三件, 只係當初有關當局預計進度太樂觀, 不過起重機夜晚真係好嘈, 黃允畋果段佢想趕工都唔得~

[ 本帖最後由 GK9636 於 2007-2-4 12:40 編輯 ]

記得經過火車路軌一段的行人天橋（即行車天橋旁邊）是於二零零五年才封閉及開始拆卸（於二零零四年十二月已經開工，但是該段仍然能夠使用），但是代替的行人天橋確實要到一、兩個月前才開放，不過開放後單車徑部分仍然有工程進行。

另外，現在要用臨時橋的部分，會否有新的天橋代替呢（大埔公路東行往城門隧道公路）？