郊區線車長特別友善？

原帖由 av220 於 2007-1-31 20:05 發表


46X d 司機以前趕人落車個時一d 都唔友善.......
但都有d 見你上車就好奇同你搭下訕.

郊區線其實彎多路窄, 而且時間都唔太夠咁,
(以前94 渣單層個師姐咁同我講過下.)
冇壓力就假ge, 不過車長一般會友 ...

你講果個情況o向 216m 藍田地鐵站上客果時成日都出現,
我記得有個師姐好黑人憎, 見住有人o向樓梯跑落o黎佢係都要開車~
以前中過好多次招~

我舊年o係北潭凹搭過一次尾班94出西貢碼頭，一上車個女車長就問「乜咁夜先走呀？」，我地答返佢o係蚺蛇尖行返出黎。到落車o個陣佢同我地講「得閒多d黎玩下啦」

好有中記既人情味

原帖由 DIH 於 2007-1-31 23:37 發表

一來司機自己都知車疏（72應該係最密 ），二來山高皇帝遠冇皇管，
梗係憑良心做事啦，同線皇唔同，你唔畀呢個上，佢就會流失到紅小架喇，
而且搭得呢類線，車上的乘客都預左唔急得。

執正黎做咪仲麻煩,成百米咁遠......
個客跑到索晒氣,車上D客又要等佢~

又講追車,西隧口有兩條線去堅城(904,971)
但係兩個站隔左成條街,有971到站,原本等
904果班客先好似「飛將軍」咁追......都唔
知等佢定唔等佢好

原帖由 DIH 於 2007-1-31 23:37 發表

一來司機自己都知車疏（72應該係最密 ），二來山高皇帝遠冇皇管，
梗係憑良心做事啦，同線皇唔同，你唔畀呢個上，佢就會流失到紅小架喇，
而且搭得呢類線，車上的乘客都預左唔急得。

72有好多車長，見有乘客追車，佢地都會等埋。
而且呢o的乘客多數都係常客，搭慣搭熟，等埋佢，你好我好囉！

除左郊區線,小弟覺得一D短途線,司機都幾友善,因搭客同樣都係常客多
(小弟曾經係某條短途線上聽過位司機同一位主婦"討論"邊檔D菜靓D )

講到車長較友善. .
我覺得32B算係其中一條
呢條往來象山和荃灣線成20分鐘一班車. . . .

坐o既都係熟客, 唔少係公公婆婆, 唔少師傅主動同乘客打招呼^^

原帖由 kenny_hou 於 2007~2~1 11:42 PM 發表
除左郊區線,小弟覺得一D短途線,司機都幾友善,因搭客同樣都係常客多
(小弟曾經係某條短途線上聽過位司機同一位主婦"討論"邊檔D菜靓D )

仲有一類都唔錯，
就係疏車線，
因為通常呢d線搭開都係熟客，
所以較有傾有講，
呢類線通常追車都肯等埋你。

原帖由 3bx 於 2007.1.31 22:17 發表


上次搭72去長沙灣，部車還距離樟樹灘站超過100米，有人
追車，部車好似紅小，直接俾佢上車。

我係2002年試過坐M47, 由大口環出中環, 當時我岩岩係大口環道上路
快到域多利道路口, 見到有車, 當時同巴士站仲有一段距離, 我見到有車當
然係走去巴士站, 個司機見到我開始走, 佢就好好人禁停左係路邊比我
上車(當時仲距離巴士站有一大段距離. 我上車前唔該個司傅, 佢笑笑口同我講
唔洗唔該.   

另一邊箱, 嶼記的司機都唔錯, 我每次落車個陣都會唔該個司傅(37,38除外因為唔
係單門), 佢都會同我講唔洗客氣.

上星期6晌kowloon tong,我見FY5061@70準備埋站,
我晌佢面前離站一段距離截佢,佢等埋我,上到車個
6叔後備車長同某乘客話,像我這樣做的人就會等候。
之後果位車長對我同果位乘客講D佢遇到無理乘客
的經歷。
仲話哩份工好辛苦,楂地鐵,飛機好過楂巴士,就算楂
飛機辛苦但係好高級,仲話飛機師都會有女仔追,無
女仔會鍾意個巴士車長 。
我晌何文田街個站落車時同果位車長講唔該,果位
車長叫我慢行。

而家D客真係好多無理客