CRH1 之初體驗

小弟昨日請左下晝假，上去試乘最新首日航的 CRH1 ...
車次 T976，原定開 15:45，3 點買飛，當時已經晚點 46 分鐘....
後來再推遲到 17:00 左右先開車！經過多段龜速行駛路段，列車
終於係 18:53 到站，比原定遲 2 個鐘！之後的 T977 亦因此遲左
兩個鐘....... 由買飛到到達總共要四個鐘！
(買飛時 T976 已經係最早有飛車次)

車廂設施好多報導都有介紹，咁我都系講返乘坐情況...
我選擇左一等軟座。一等軟座分別位於頭尾兩卡，其他
都係二等軟座。

雖然係軟座，但我覺得只係比硬座好少少....

暫時打住咁多先.... 今晚再打....

[ 本帖最後由 da54 於 2007-2-2 17:14 編輯 ]

請問如果唔話買 CRH 列車o既班次佢係咪唔會比你 ?

如果唔係o既話買果陣佢係咪會問你要坐一等車定二等車 ?
定係會自動幫你買二等車 ?
thx

原帖由 ben2004 於 2007-2-2 19:46 發表
請問如果唔話買 CRH 列車o既班次佢係咪唔會比你 ?

如果唔係o既話買果陣佢係咪會問你要坐一等車定二等車 ?
定係會自動幫你買二等車 ?
thx

通常去到買飛的都係話「即走」或指明時間。
我上面有張圖已經有指明車次，可以按圖索驥。
另外買飛時亦可以多問一句係咪新車以作確定。

我買飛時直接話要一等，所以唔知道佢會唔會問。
不過我最後大部分時間都係坐二等，容後再談....

另外，我知道有板友聽日組團去坐，希望佢地有心理準備，
我果日去 d 班次、賣飛情況真係亂到七彩，不過亂都有亂好
同埋如果無座位位都唔緊要，不妨考慮無座票，然後坐餐車~

今天買了 T977 次的車票由廣州東往深圳，結果
呆等到近七時，原 1856 開的 T877 次新車都開了
，結果在無座的情況下上車，但幸運地，最後是
一個人坐兩個位。餐車的食物是 20 元一份，都是
餐盒來的。

好，繼續...

係開車前，我曾到餐車參觀，不過好似無乜野賣，連咖啡都賣晒...
全部野通通 $20，同其他餐車差唔多。餐車位服務員 MM 都幾靚~

之後我走返去車頭第一卡的一等位。呢卡有 7 成滿.... 好快亦都開車。
呢抽車加速感好正，有 d 似坐輕鐵，快而俐落！不過可惜地太多路段
限速.... 慢起上黎慢過電車

不過後來我發現原來後面果兩卡二等硬座竟然得幾個人坐，加上一等
又有班新疆 (?) 人大聲傾偈，於是我都係情願蝕 $10 比佢轉去二等，
仲有得一個人坐六個位添！ (計埋對面倒頭位)

其實一等同二等的主要分別除左個位闊 d，另外一等仲有頭頂閱讀燈，
有電視，同埋多 d 的靠窗位機會。除此就無乜大分別喇.... 一等其實係
豆尾兩卡，另一卡餐車加二等，其餘 5 卡都係二等~

沿路上發現，廣州-深圳的特快車次，似乎已經得返 CRH1、藍箭、X2000
同埋雙層 25Z... 單層 25Z 只見於直通車、長途車.....

下個星期又有機會坐廣深鐵路喇，希望可以再試多次快少少的 CRH 啦....

[ 本帖最後由 da54 於 2007-2-5 18:56 編輯 ]

二等用3+2座位，
會唔會好窄？

其實都算窄的。而 3+2 位的闊度，和九廣東鐵
的頭等車箱座椅一樣，但因為兩椅沒有了相隔，
所以感覺不太好。

原帖由 cx838 於 2007-2-6 00:28 發表
其實都算窄的。而 3+2 位的闊度，和九廣東鐵
的頭等車箱座椅一樣，但因為兩椅沒有了相隔，
所以感覺不太好。

睇見d 3+2 已經唔錯坐, 好似好窄咁
我真係寧願比多幾蚊都唔坐d 3+2 位

下一次如果沒有經常晚點的話，我都只會坐一等軟座。

睇返d相, 先知新車用返正常的英文, 如餐車用Dining car, 好過用chan che 好多
而代號真係同以前好唔同, 以前用RZ, 宜家用ZY, ZEC.