[終於見報] 無線抄《開心大發現》抄到足

蘋果日報報導:
TVB 《 豬 事 町 》 抄 亞 視 扮 家 居 博 士

當晚我都有睇《新春豬事町》,
都即刻諗起《開心大發現》
唔單止主持的年紀輩份似,
模式似,
氣氛似,
至慘就係 D 大發現都係一模一樣,
一早睇過哂
但亞視有講有關大發現背後的科學原理,
而無線就無

亞視有同日本買版權,
但無線就肯定無啦
唔知亞視 / 日本 NTV 可唔可以追究?
你話無線無抄亞視 / 日本 NTV ,我點都唔信
即管放長雙眼睇下剩下的三集《新春豬事町》點搞
無線尊重知識產權喎......

歡迎討論

我開頭睇到呢個節目已經想開呢個ｐｏｓｔ

佢個名都有抄亞視的 "澳門豬事喱" 的嫌疑

可見無線愈來愈有 = 創意 ="  呢

終於有人講la！
果晚我仲以為亞視重播開心大發現添...
點知一睇....咦，點解有修哥ge？先至知道原來係無線

果個拎杯實驗仲要好似格硬黎.....死未

未播之前個廣告仲嚇人
仲以為米雪...同護x寶賣廣告
後來吳家樂出o黎先知賣《新春豬事町》

原帖由 U-157星之Kelvin 於 2007-2-5 22:50 發表
未播之前個廣告仲嚇人
仲以為米雪...同護x寶賣廣告
後來吳家樂出o黎先知賣《新春豬事町》

家樂出來個陣都好姣

其實呢個台跟風都司空見慣啦
以前佢地既「城市追擊」明跟「今日睇真D」
仲要最後連後者都頂前者唔住摺埋

好多時d 橋係亞視度出黎(或者係先用)
但最後又係俾無線發大黎搞
睇下幾時又輪到「第一手真相」條橋俾無線用啦...

原帖由 Ketsu 於 2007-2-6 11:44 發表
其實呢個台跟風都司空見慣啦
以前佢地既「城市追擊」明跟「今日睇真D」
仲要最後連後者都頂前者唔住摺埋

好多時d 橋係亞視度出黎(或者係先用)
但最後又係俾無線發大黎搞
睇下幾時又輪到「第一手真相」 ...

有能者自創一格, 無能者只懂抄同模仿, 不過無能者面皮特厚, 抄完人仲要強詞奪理, 不少還恃著自認有少少的江湖地位係度顛倒是非黑白

世上大把呢類無能者

原帖由 CPY 於 2007-2-6 13:30 發表
某電視台以大台自居，藉財雄勢大橫行無忌，視知識產權如無物。
旗下收費電視台正進入彌留之際，表面風光、內裡情況見仁見智。

開台接近四十年，單是一個新聞部已經無法留住一個具十年
或以上工作經 ...

《新春豬事町》第一集竟然也有十九點收視率，相比起原版的《開心大發現》相差接近四倍。
－－－－－
個人意見：

所以我不喜歡看無線的劇集，尤其是《高朋滿座》這類「廣告雜誌式劇集」；其實以其他類型節目為例，無線近年來的自製節目的質素也是差不多差劣。

．資訊節目：近年來減少製作資訊節目，而類型也愈來愈少，除了《最緊要正字》是值得一看外，其他類型的節目不是另外一間免費電視台也有製作（例如：飲食）外，便是播放時間不足。

．遊戲節目：大部分遊戲節目只供藝員參與，觀眾均不能直接參與，例如：「掌門人」、《遊戲天王》、《價畀你》等，而題材也差不多，甚至有不少遊戲節目被批評浪費食物。

其實無線以前有不少著名的節目，無論是劇集、資訊節目（例如：《香港傳奇》）、綜藝節目（例如：《笑聲救地球》）等，就算是現在也仍然記得，連劇集的主題曲也成為流行歌曲；但是到了近年來播放的劇集，主題曲絕大多數是不能成為流行歌曲，當劇集播放完畢後便遭人遺忘，甚至因為拍攝太多的劇集，結果大多數無法在香港播放，只是近期能夠有機會安排於收費電視頻道，以及近期在收費頻道播完後，便安排於早上或凌晨這些非黃金時段在翡翠台播放。

而無線電視方面可能認為，就算製作粗製濫造、抄襲其他電視台製作的節目，也因為有慣性收視，也不會沒有觀眾收看，亦不會缺乏廣告收入，反而另外一間電視台原創及經過授權製作的節目，就因為慣性收視的關係，收視率通常只會有個位數字，而且絕大機會是比對手低。

無可否認的是，亞視有不少節目是值得一看，主要是資訊節目，好像《詩遊記》、《走進百姓家》、《助人自助闖新天》、《教學新思維》、《香港風華》、《冷知識衝動》等，但是收視率卻很低。

[ 本帖最後由 hkaiw 於 2007-2-6 21:42 編輯 ]