舊相獻給你：SF25@15

點解部15號車會直去既，乜唔係要入去舊天星碼頭嗎？

壇自改路?

原帖由 ricky619 於 2007-2-8 01:05 發表
壇自改路?

最緊要正字﹕擅自

回正題﹕會否愛丁堡廣場有節目臨時封路？

新巴年代應該比較少擅自改路的行為吧？

原帖由 norrislaw 於 2007-2-8 02:50 發表
新巴年代應該比較少擅自改路的行為吧？

同意「比較少」!


不過也有一些例外... 我在2000~2005年見過不少, 真的不吐不快。
由於我住將軍澳, 因此全部案例均發生於將軍澳:

796X / 796M 營運初期 (2000~2002年)：　　　　　感想： 好彩無引起交通意外! 值得原諒~
由於營運初期行車路線不斷變動，所以經常行錯路(都算是擅自改路吧)，最記得有幾次(當時796系由寶盈花園須兜入唐德街,在唐明苑迴旋處掉頭,再沿唐德街出返去唐俊街), 見到有796X在唐俊街[唐德街交界]等完燈後唔記得轉左, 直行直過, skip左唐德街; 或者有時唔洗等燈, 直衝過去, 轉唔徹彎。
其中有次, 見到5070@796X唔記得轉彎, 去到路中心突然'dup'停, 仲輕微轉左, 但係個時佢已經過左(即係轉向唐德街既倒頭方向行車線), 唔單止嚇死尾隨既車輛, 仲嚇死埋唐德街等緊燈出唐俊街既車輛(一架私家車), 好彩當時架 5070 及後車及時'dup'停左, 無引起意外, 另外好彩當時車上0乘客, 司機即刻沿唐俊街繼續前行, 飛左唐明苑個站。

796系混淆(796系全盛期, 有796A/B/C/S/X)：　　　感想： 有點氣憤，但司機忙中有錯可以理解~
曾試過搭796B往將軍澳方向, 司機以為自己緊796C/X, 出隧道後, 即刻入左調景嶺, 當時滿坐, 事件引起車上大部分乘客不滿, 司機醒覺後大嗌"死喇!行錯路tim~", 結果部車沿途先停彩富閣及彩貴閣, 讓這兩站的乘客先下車,  然後在彩明街調頭, 原路折返, 才返回原有行車路線, 浪費了5~7分鐘。

796 (將近取消前)：　　　　　　　　　　　　　　感想： 一家便宜兩家著!!
由於796的路線太迂迴, 由坑口出發, 須經過寶邑路其中一段、寶康路、唐明街、唐俊街, 然後停"寶盈花園"一站。本身寶邑路已連接唐俊街, 無需繞經沿途無站的寶康路和唐明街。因此, 有時司機貪快, 直接用寶邑路前往唐俊街, 而且擅自在寶邑路停站落客, 然後索性不入唐俊街寶盈花園段。

694 (2006年改道期間)：　　　　　　　　　　　　感想： 司機好變態!!
2006年寶順路及環保大道曾多次實施不同的改道措施, 其中一段時間, 694往將軍澳方向須改經坑口並使用環保大道西行返回寶順路。試過一次搭一架已經delay左5~8分鐘既694返將軍澳, 點知司機在到達環保大道與寶邑路交匯的迴旋處時, 突然在駛經寶邑路入口之際急停, 過了3~4秒後, 再起步, 但不行環保大道, 而是在迴旋處轉多個圈, 然後駛入寶邑路, 再沿寶邑路, 經過寶康路, 左轉唐明街, 再沿唐明街一直到唐明街與寶順路交匯的迴旋處, 兜一圈, 正當我們正在迴旋處兜圈時, 相隔20分鐘的下一班694已經在寶順路轉緊入唐明街, 結果我們跟隨該班694的尾, 一齊到達"尚德商場", 架車終於遊完花園lu~

694 (2006年取消改道第一日)：　　　　　　　　　感想： 司機唔好玩啦~阻住個地球轉!!
當日我特地去重拾一年多前(即改道前)的特快感覺, 點知個司機竟跟返改道期間的超兜路走法, 一位在場的休班司機問那車長:「不是取消了改道嗎?」, 於是, 我便樹起耳朵聽聽, 點知聽到既答覆係:「無錯, 而家唔駛再兜路架喇, 不過我鍾意咁行~」我同那位休班司機都 O 晒嘴!

不過自此之後, 暫時無再見過同類事件, 希望未來唔會再發生啦!

[ 本帖最後由 NWFB_5103 於 2007-2-8 23:03 編輯 ]

原帖由 NWFB_5103 於 2007-2-8 22:55 發表
同意「比較少」!


不過也有一些例外... 我在2000~2005年見過不少, 真的不吐不快。

未改路前的 84：不入鯉景灣，過惠亨街後直接轉入電車路。
83：小西灣方向不入西灣河碼頭總站 (即現時嘉亨灣) 乃「行規」。雖沒人上落，但來回方向均須繞經。

係咪玩一前一後戰術呀?
即係前車停第1, 3, 5, 9 個站, 後車停2, 4, 6, 8, 10 個站
如此類推.

原帖由 king 於 2007-2-10 00:30 發表
係咪玩一前一後戰術呀?
即係前車停第1, 3, 5, 9 個站, 後車停2, 4, 6, 8, 10 個站
如此類推.

15 密得可玩梅花間竹？