各位板友，如果有位揀重坐唔坐近"大銀幕"?

原帖由 N38 於 2007-2-17 20:21 發表
頭先坐完E22返屋企
就係坐上層左面車頭
仲由長青隧道訓到去北大嶼山公路近愉景灣隧道附近先醒

呢個係我既習慣,有車頭坐既都會坐
至於怕唔怕死
我只會覺得生死有命
時辰到左
要避都避唔到

我都係咁諗
我覺得係有個destiny 控制住

* 搭長途車我多數揀車頭, 貪少人坐入去個角位....

我通常坐樓梯前後隔離兩三行到
至於車頭，無其他位時我都會坐．．（但除左九記AP和新記60XX外，呢兩款車我死到唔坐車頭）

相熟既司機會坐導航位

其他時間坐下層對位

PS:有時無位都要坐嫁,,,

原帖由 HY4099 於 2007-2-17 18:55 發表
小弟以前最鍾意坐上層車頭右邊排導航位,
不過近年幫襯鐵路多,  搭少左巴士,
所以坐邊都無乜所謂, 最緊要有位坐!!

我多數唔坐上層第一排,因為D位特別窄，頂住對腳坐得耐會唔舒服

小弟反而會坐晌度,隨時一個唔覺意一有任何場面
盡快叫各位走得就走,避得就避
(又係二手National Geographic Channel資料:不過今次係火車意外
[希望挑骨頭0既朋友注意:引佢只係因為大家都係"車同車撞"而已
事件本身係C1版內容東西,還係講番巴士0既0野比較好...]
當年法國里昂站火車意外,就係因為被撞0既火車車長叫各位
'有得走就快d走:有火車暴走...'結果一位車長令死亡人數大幅減少至56人...)

無錯,搵自己條命'較飛'係非常危險
(飛出車外、壓晌零件中間走唔甩...唔吉利0既東西還係少打兩句...)
不過對於巴士而言,意外發生0既機率同中六合彩頭獎幾次一樣....
(係就真係見上帝0架啦:抽得中就只可以認'咁都中,真係無話可說...')

如果好似今次意外0既場面咁
小弟可能已經知:出事啦...到時帶各位縮向車尾一邊...
可能唔同小弟某位大學師姐咁(2003.07.10),就此歸天長休~
[注意:只限小弟唔在勀到瞓著0既場面之下...先會有作用
仲有各位都係清醒0既時間先會出現以上奇蹟...]

另外,借機會同各位各界朋友講:小朋友最忌坐上層頭排位
(今次意外之中,成個成年人都飛出去囉,小朋友就飛得更遠...
真係唔係風水先生亂講,有前人為證...[請默哀一分鐘,多謝合作])
做小朋友0既爸爸媽媽,
以上安全事項,雖令小朋友不悅,但仲好過出事之後狂呷巴士公司安全措施不足
(仲有安全帶亦係另一個經常係父母級乘客誤解0既地方:
小朋友年紀小小,就用成人安全帶...小心d呀...(賣廣告口吻...不喜勿插)
都話...Er...Er...Er...撞到前面部車添...表面上小朋友無事晌個位上面
實際上成人安全帶變成小朋友0既_____
(太恐怖啦,故事0既結局,小弟可以咁講:後悔0既時間太遲啦...)
[各位亦無必要接以上故仔...各位心照啦:
人命唔同鈔票,可以"千金散盡又回籠"0架~
一去不返,痛心疾首就真係:小弟未必會可憐以上死法0既小朋友
而反而嗌"警察拉人":罪名係誤殺、虐待兒童...明白有幾嚴重啦~]

所以都係一句:求 神保守部車同個車長,安全為上...
(趕唔到時間仲可以同老細剖白,撞0左就老細送閣下最後一程...
各位:安全第一、出入平安、開工/學大吉...(又係萬用祝詞,各位都合用...))
講完啦~事實如此驚嚇,但事實如此,如有不安者,小弟在此代各位'喊驚'(免費)

我平時坐上層尾二/三排多,坐車頭就頂腳,坐尾排就un住條腰,所以如果唔係冇得揀既話,我都唔會坐...

至於話坐車死既座位啦喎...邊有得預架?坐坐下車心臟病發就咁瓜左都得架,同坐咩位都冇乜關係既...