為何咁多男仔都喜愛打機

難道唔打機就無咩好做?
自己身為男仔都覺得 平時出下街、睇下波、遊下車河等等都得ga,無咩必要只做此「活動」吧

原帖由 ATR83 於 2007-2-19 20:45 發表
難道唔打機就無咩好做?
自己身為男仔都覺得 平時出下街、睇下波、遊下車河等等都得ga,無咩必要只做此「活動」吧

觀點與角度之嘛
消閒o既活動多的很，正當而無影響他人就 ok 啦~

我就玩 '神槍手' 多過打機呢! 雖然我都想打機...

只要唔好沉迷o係同一種活動, 加埋
樓上講o既就得喇.

[ 本帖最後由 a396 於 2007-2-23 21:36 編輯 ]

打機的好處其實有好多

1) 做一d平時做唔到,只能在遊戲機上才可以做到的事
e.g. 做神槍手
2) 可以引起學外語的興趣
e.g. 相信大家都聽過, 部份學日文的人士的目的係玩RPG遊戲, 又或者玩英文遊戲, 可以學好多生字
3) 與朋友聯絡感情
e.g. winning eleven 相信好多版友都聽過啦
4) 練反應
e.g. 呢個唔駛點講啦, 玩過格鬥遊戲都知反應係幾重要

所以話, 打機係健康的運動, 只要不沉迷就可以喇

坦白講自己鍾意玩戶外活動，
行山踏單車跑步打波都行，
惟獨男仔硬鍾意一個人「自閉」，
而且想尋求刺激，得到成功感，
打機就是最佳選擇。

雖然我也會打機，
但是打得多會厭，
你估打winning可以打一世咩，
打爆仙劍又想再打咩。
為左「應酬」佢地，
我才玩d受歡迎的game練習一下，
費事佢地覺得我無癮。

同意kiwai板友的講法，那已經答了樓主的「為何」。

我都唔係好(hou2)好(hou3)打機，只係細過有過一部GameBoy，
打Mario打到石頭人已經過唔到關，學業要緊，結果都是慢慢「戒掉」。
而家電腦裡面都係無game的，個人都唔太喜歡運動，所以Winning我都唔識，
淨係識玩賽車同電車Go，同埋那些「一籃子」的遊戲。

有時間我寧願聽下歌、睇下書（反正都要溫），上網睇下維基當去圖書館，係咁多。

反而我向來都唔鍾意打機...
只會間中去機鋪打下機

小弟只會間中打下Winning,機鋪都係好少入,
而且打得機多會影響視力,對自己無好處,
所以我得閒都唔會成日打機,反而喜歡一個人周圍行,影下相
得到既滿足感比打機還要大

打機可以同成班朋友一齊玩呀, 而且今時今日打機都唔係淨係坐係度打咁簡單啦..