[激特]威去沙田

原帖由 petcity 於 2007-2-25 16:28 發表


難道人地一定要針對佢？有時如果嘈落去，有結果咩？罵戰係雙向
我當其他人仲要係咁追住佢，但如果佢當閒事，會唔會搞到好大件事？

有時，適當時候，要識得息事寧人，唔係要力爭到底

P.S：究竟樓主往績係點，心照喇，自己唔改過，至會有機會俾人插

你話嘈落去係唔會有結果，So what？你覺得樓主往績差，你覺得佢影相唔企馬路唔舒服
你又走去回文鬧佢？學你咁講，嘈落去都冇結果啦，咁你又嘈？咁你係咪自打咀巴呢？

罵戰係雙向，但係點解一定要樓主食死貓？唔通你地個個玩圍插就一d責任都冇？
唔怪得青BB單野，到最尾係貼相果個停得最耐啦…

息事寧人？好丫…我而家睇唔過眼啦，話你明知樓主唔係企馬路影相都要搵理由自辯
咪同你鬧樓主佢企出馬路影相一模一樣囉，你話佢唔識息事寧人，o係度下下同自己辯護丫嘛
但係同一時間你都係做緊同樓主相同既事、o係度搵理由自我辯解
幾個鐘前樓主既諗法、回文動機同而家你既情況其實一d分別都冇
唯一有分別既，係你既回文畀我一種推卸責任既感覺
舉個例子，有個人因為意見不合殺左自己拍擋
如果以你既logic推落去，殺人既大可以話「鬼叫佢同我意見不合丫！」，之後脫罪
同樣道理，你因為見到佢果張相可能係企出馬路影，你就鬧佢啦
Turn out出泥，原來唔係喎！你就話啦，佢張相點點點，仲有佢個底花到咁，好難令我唔懷疑佢喎…
但講到尾，殺左人就係殺左人，鬧錯人就係鬧錯人，任你點駁都係一樣
唯一分別係殺人要坐花廳，鬧錯人的話，簡簡單單一句Sorry就得，我諗你唔會唔識打呢幾隻字掛？


的確，樓主開頭篇文既態度係唔多好既，唔值得鼓勵
但係都唔可以成為你唔認自己鬧錯人既理由

[ 本帖最後由 ~誰@359~ 於 2007-2-25 17:45 編輯 ]

由於本文的討論氣氛不斷惡化，為免演變成罵戰，
本人現將本文上鎖。

[板主]