中環、上環地區數問....

1.請問中環、上環心贓地帶是什麼地方範圍?
2.如果分中環、上環,什麼條街做分界呢?
3.香港島"心贓地帶"是中環還是上環?如果上環不是香港島"心贓地帶",但在上環為什麼這麼多商業大廈呢?
希望幫手作答,thx

1. 中環：置地廣場、交易廣場、怡和大廈、環球
　　　　大廈、ifc 一帶

　上環：地鐵站上面、永安百貨、維德廣場一帶

2. 呢條界真係好糢糊，因為0係中環中心0個邊都可
　以當係上環咁睇，而機利文街亦都可以當係中環
　咁睇。所以中上環0既分界大概0係機利文街至租
　庇利街左右。

3. 中環。

　至於點解上環都有咁多 Grade-A office，原因好簡
　單：就係因為中環地價貴，兼且已經無乜寫字樓
　可租，D老細就自然走去租（買）D 無咁貴租（
　地價）0既地方啦.....

原帖由 nwfb1601 於 2007-2-27 19:17 發表
2. 呢條界真係好糢糊，因為0係中環中心0個邊都可
　以當係上環咁睇，而機利文街亦都可以當係中環
　咁睇。所以中上環0既分界大概0係機利文街至租
　庇利街左右。

'四環九約'既中/上環分界線在威靈頓街(上環地鐵站)
九約既5/6約分界在租庇利街.
現時大多以租庇利街為中/上環既分界,因為在開埠初期
港英有規定中環係洋人專用,華人以出入口貿易(南北行)
為主要商業,以現時既上環巴士總站(三角碼頭)為中心.
爭取保存中環行市既人士亦以現時恒生中心至街市
既行人天橋'楚河漢界'為其理据.